如果大家買咗高清網絡播放器嘅，千祈唔好進行「固件升級」呀（Firmware Update），我今日見美如畫的官方網站有軟件可以下載，於是就嘗試固件更新啦，諗住可以使用得順D嘛，點知更新後，「所有」之前看到的內地影視分享網站都不見了，唔知係唔係部機detect到個IP Address唔係在內地所以冇晒影視的分享網站顯示呢？只得番D冇用嘅外文分享網站咋，如睇唔到的Youtube咁，搞咗好耐就是按下「一鍵還完」鍵（One-Key Re-set）都不能回復出廠時的模樣，今次真係捉蟲！宜家等緊官方的技術支援睇吓救唔救得番囉，如果唔得就真係「自閹」囉！
搞咗兩日，終於搞到睇得番喇，呢個問題，post咗喺一個討論區求救，有回應說唔好在官方網站下載固件更新韌體喎，在非官方網站下載「DIY固件升級」好了，因為官網更新後只可以睇到好少量唔侵權的視訊而已，情況就如類同用翻版視窗的話，千祈唔好上微軟進行更新咁囉，雖然宜家可以連得番內地的影視網站，但係呢個firmware版本同之前的有好多不同之處，正話至啱啱摸熟咗邊個影視網站香港都睇到、去邊度搵波睇、去邊度搵粵語版本的戲睇、去邊度搵明星系列的戲嚟睇，宜家要重頭學過晒咯，部機更新後又唔覺得特別順咗喎，都係奉勸大家，如果用慣咗出廠時嘅顯示的話，如無必要嘅，都係無謂執行firmware update囉！
littlelam88 發表於 11-10-31 16:27
另外, 我等緊部電視壞, E+部電視係無高清,
請問安裝V5/V8之後係咪可以睇到高清電視台?
今日左「禁禁」、右「禁禁」，無意中發覺VST高清在線原來可以睇到J2、高清翡翠台、英超台、探索高清台（Discovery Channel）等，連買機頂盒都可以慳番，正！
faty 發表於 11-11-5 15:06
我也剛買了一部R5高清媒體播放器美如畫 但就是沒有如樓主般看到很到很多台, 點算??:crying ...
關於我收睇到高清台而你不能，可能係我之前進行過非官方DIY固件更新啩？
要知道，原機出廠時的官方固件（firmare），好多functions都是非官方有而官方版本冇的，例如在線電視，就如電腦砌機可以任意加大功能，但廠機反而處處受到限制，如合約制肘、合作開發伙伴協定等的道理一樣囉！明嗎？
其實這部網絡播放器，目的主打最初都只是睇戲和睇劇的而已，我睇到在線電視只是誤打誤撞的Bouns而已，內地好些網民（唔知算唔算黑客呢？）都有自己開發一些固件更新擺上討論區和大家分享的，不過我要提醒，如果自問自己是電腦白癡的，連換個燈膽都要搵男人幫手的話，咁就真係要三思才好嘗試進行固件更新好了，我都搞咗兩日，差D連部機都報銷乜都睇唔到啊，如果有信心進行非官方DIY固件更新嘅，可到HDPFans 網站下載適合自己硬件型號的韌體更新 - http://www.hdpfans.com/chajian110.php 。
發表於 
返回列表
