話說尋日同兩隻小魔怪去食元氣,咁通常個度D人都會俾一卡我地坐晒,開頭都OK架,坐坐下聽到有人好大聲講野,出於八卦心,我梗係望下啦,點知佢地一點菜時又停左,到個服務員行開,佢地又鬧過!!我見佢D仔女都應該有十三,四歲,鬧鬧下個男既說話好似忍左好耐既怨夫咁,最後個男既拎起個袋,跟手推個女囡起身,個囡就不停喊,全程個女人唔知有冇講野,因為唔知佢講得太細聲定真係冇講野!!跟住個男既走前仲加多句,咁我以後有咩都唔會煩你啦!!呢個時候我個仔就同我講,呢D男人唔死都冇用,使唔使咁少家呀??男人老狗係公眾地方做埋D咁既野,係唔係覺得好型呀??跟住我同我個仔講,你唔好再講啦,人地可能聽到架,我個仔仲要話聽到又點呀??咁佢事實係呀嘛!!讓下個老婆都唔得咩!!!有咩都返屋企先嘈啦,影響人架,跟住我個仔再講,你睇下,佢個囡喊到咁,佢地都冇心機食啦!!我個囡就仲好笑,佢話個男既食左五隻紫色碟,一定係唔想俾錢,所以走左去!!到我地食飽,走喇,出到去見到個男既,原來企左係門口食煙,我個仔話,咁型走左去,原來咪又係企左係度!!最憎呢D人!!
首先我想講既係,個男既走左去,係真係唔岩,但個女人究竟做左D咩令到個男既咁嬲呢??事出必有因,個男人俾我既感覺係,我忍你好耐喇個隻,因為我見個男既走左之後,個女人仍然食得好開心,係佢D仔女苦口苦面,個囡都仲未喊完!!其實我想講既係,點解有咩唔可以冷靜解決??要大街大巷咁黎嘈呢??
講完!!
眾裡尋他千百度，驀然回首，那人卻在燈火闌珊處!!
生死有命，富貴由天
發表於 
返回列表
