夫婦情感 今日: 25 | 主題: 42537

積分: 68

1^#

發表於 11-10-10 11:30 |只看該作者 |倒序瀏覽 |打印

各位，我在一年前都曾經在這裏post過我的問題，有些長但希望有人會睇。當時不是有第三者

詳情在http://www.baby-kingdom.com/forum.php?mod=viewthread&tid=3433637

一年了，在這一年來我們都沒有再提過這件事，一齊生活，我沒有再為

他沒陪我、哄我而執著，每天接女，煮飯打掃。而他工作一樣多，很

時要OT至很晚才回，有時也會跟我說說OT做左些什麼，有時我自己

坐在發呆他就會故意找我說話，家務有分擔，家用比足，生日仲比

10000元大利是我( 以前只是1000或買禮物 )。表面上好似一齊回復正

常咁。

但在這一年他掂都沒有掂過我，莫說是ML，就連拖手搭博都沒有，出

街總是他行前我跟女兒行後。*記得一年前剛好番兩個月左右我巳跟

他說過他好像不想掂我，他當時對不起，他說對我做不回以前的親密

關係，當時我真的痛，之後我再沒有再提，但我當時也安慰自己可能

只是剛好番，大家未平復，所以才會有這問題，希望有一日會雨過天

晴。*

但現實告訴我並不是如我所想，其實有好多次我想忘記那些傷我的說

話，放開心情再投入番這段婚姻，但每次一想到他掂都不掂我，我就

覺得他真的不愛我，他之所以對我好，比錢我就是因為他覺得對不起

我，他做不回一個我想要的老公(不單只是性方面，想大家會明白一個

女人會想要一個怎樣的老公)，有時我又會諗他可能真是出面有女人，

如果唔係點可以一年都沒有，但我已好留意，但無論行為和女人直覺

都話比我知沒有女人。一想到這裡我的眼淚就狂流，我做錯什麼要這

樣的對我，有時我會想如果是因為第三者可能我會好過些，現

在我真的唔知可以點，好辛苦，表面又要扮無事，但見到別人老公拖

者老婆有講有笑，我就會好難過，好想有一個解脫。

一年快過了，其實答案我也心中有數，有朋友叫我接受吧，有錢比你

洗、有得比你住、有得比你著又鍚個女，對你又唔差你仲想點，大把

人慘過你話之他啦!

我現在有時會諗得開，有時又會無端端哭，見到別人老公對老婆好自

己就會好難過。有時好想跟他傾吓我們的問題，但很怕再聽到那些"做

不番" "唔再愛你""對不起"等說話，聽到這些說話真的很難受，很痛，

我很害怕。

0 0 0

私人傳訊

ardin

男爵府

積分: 6210

最關心BB問題熱投勳章 wyeth冷知識勳章

2^#

發表於 11-10-10 11:43 |只看該作者

有時可以你做主動..睇下佢有咩反應???
有問題就一定要傾下....

私人傳訊

心如飛絮

別墅

積分: 816

3^#

發表於 11-10-10 11:46 |只看該作者

如果老公發生意外,導致性無能,你會唔會接受到?
如果OK,你咪咁諗囉.
佢各方面都已經係100分,就放過佢啦.
佢想要,就會搵你,
佢唔想要,你點逼都無用.
再逼,又出事架啦.

私人傳訊

ill

積分: 12738

4^#

發表於 11-10-10 11:47 |只看該作者

回覆：sansanhappy 的帖子

你有沒有主動些？例如，你拖他手，他會怎樣？

私人傳訊

shmilyuki

積分: 14254

炎夏勳章畀面勳章陪月勳章 BK Milk勳章

5^#

發表於 11-10-10 11:48 |只看該作者

我都建議你向佢做主動，男人有時中意d小驚喜，唔一定要主動，可以買件靚靚睡衣等小朋友訓左之後換比佢睇問佢靚唔靚....
又或者坐低一起煲片，睇d會有少少情慾鏡頭的....去到果個位你挨埋去...佢彈開即係有問題...無彈開你就應該開心

再者...
你老公唔掂你亦可能係因為怕你唔接受返佢...
佢怕佢掂你時你會話:你污糟唔好掂我..etc
又或者佢自己心理關口未過得到...可能掂你時還會想起那些往事
對你唔公平...
其實佢可以忍住一年的性衝動...你應該安慰...
大把男人用呢個借口黎出軌啦..

加油！美滿婚姻等緊你架！

私人傳訊

sammyss

複式洋房

積分: 361

6^#

發表於 11-10-10 11:48 |只看該作者

傻瓜, 到妳老公有第三者, 妳就會覺得為什麼不是單純的不愛妳, 而是妳比不上別人.
不愛妳可以直接說, 先離婚再找新的幸福, 不要背著我偷偷愛別人.......

妳看到的好好先生, 他們可能欠債, 可能有小三, , 可能打老婆, 可能酗酒......
他身邊的女人, 可能因為子女有完整的家而忍受著.

私人傳訊

maymycheung

積分: 13589

7^#

發表於 11-10-10 12:27 |只看該作者

一次過睇埋你一年前事發經過, 如果我係你我會攤出來同老公傾, 我一定要搵出原因。

我唔係好認同樓上的人所講, 我覺得性呢樣嘢除咗生理需要之外, 仲係表示愛的一種方法。如果你100%認為你老公無分外情, 咁呢個問題絶對要正視, 咁好大可能佢對你已經唔係愛, 而係感情或者係責任。唔好介意, 我想問你2個幾大???我諗都唔過45yrs 啫?!

我有個朋友, 自從佢生咗小朋友之後, 佢2公婆都有成3,4年無性關係, 佢一直都有同我講, 我都叫佢2公婆傾吓問題係咩, 但係佢哋無做到, 最終有其他原因離咗婚。當然唔係為咗呢個問題而離, 但佢哋呢個問題存在咗好幾年, 係一個symptom, 只係哋無好認真去解決。

當然, 你要有個心理準備, 或許你同你老公傾完之後, 可能大家會決定分開, 如果你唔想有咁的結果, 你只好接受現有的關係。但相反, 傾完你哋或許會好返好多。

good luck!!!

私人傳訊

Queenia531

男爵府

積分: 6149

8^#

發表於 11-10-10 12:34 |只看該作者

唔好咁唔開心啦,女人都可以自強的

私人傳訊

loklokpug

複式洋房

積分: 333

9^#

發表於 11-10-10 13:07 |只看該作者

其實我同你情況差不多,已五年!不過角式調轉!我一直付出與遷就,只得自己一個人努力,好累.............好累.............由自己咸到失望到希望到吵架到冷戰到死心.我都係為仔女才一起.佢宜家好努力補救.我都好想對佢有返感覺.我諗你是不是係時候要好好的頃傾,不是愛吾愛而是你要明白他多年心底的感覺.就算佢最後答你唔愛你,你都應將心里再深的說話說出來.吾好只係係到想我想點,不如試試行動!努力補救. 先試主動關心下佢.

私人傳訊

積分: 68

10^#

發表於 11-10-10 13:23 |只看該作者

引用：一次過睇埋你一年前事發經過,+如果我係你我

原帖由 maymycheung 於 11-10-10 發表
一次過睇埋你一年前事發經過, 如果我係你我會攤出來同老公傾, 我一定要搵出原因。

我唔係好認同樓上的人所 ...

你好，很開心有人明白我的想法，我的疑問"佢對你已經唔係愛, 而係感情或者係責任。＂見到你的朋友就好似見到自己的將來，但我真是唔知點處理，更害怕接受那「答案」，可以教下我嗎？

私人傳訊

積分: 68

11^#

發表於 11-10-10 13:35 |只看該作者

引用：我都建議你向佢做主動，男人有時中意d小驚

原帖由 shmilyuki 於 11-10-10 發表
我都建議你向佢做主動，男人有時中意d小驚喜，唔一定要主動，可以買件靚靚睡衣等小朋友訓左之後換比佢睇問 ...

多謝！我承認我一直以來這方面都沒主動，因為我怕被拒絕。總覺得他的改變是因為不再愛我，對一個不愛自己的人主動，會討人厭，我怕被拒絕，所以一直選擇逃避，很沒用。

私人傳訊

Kitawing

積分: 81

12^#

發表於 11-10-10 13:35 |只看該作者

夫妻應該有親密的感覺,而不是客客氣氣吧,難怪你難受的

私人傳訊

richy

大宅

積分: 2805

13^#

發表於 11-10-10 13:36 |只看該作者

回覆 sansanhappy 的帖子

大家可以去吓遠地旅行散心嗎?

私人傳訊

shmilyuki

積分: 14254

炎夏勳章畀面勳章陪月勳章 BK Milk勳章

14^#

發表於 11-10-10 13:44 |只看該作者

sansanhappy 發表於 11-10-10 13:35
多謝！我承認我一直以來這方面都沒主動，因為我怕被拒絕。總覺得他的改變是因為不再愛我，對一個不愛自己的 ...

唔洗怕...你當同一個好朋友傾計...又或者一個知己...
你買件新衫返黎...著左都想比朋友睇下或讚下^^
又或者唔好用睡衣咁close...慢慢黎...
秋天了...買一件你平時唔會著的款
例如你未買過斗蓬的買一件....搵日出街時換上去...
新形象佢會留意你多d
你們拍拖的原因都係因為互相吸引...
換個形象代表重新開始
再者...女為悅己者容...你打扮比佢睇...佢會明白你想佢注意你...
其實=暗示你願意接受佢。

又或者為你地的紀念日做多一點...
拍拖紀念日時煮一餐特別的晚餐...
生日時做一個間單的蛋糕...
男人一定會明白的...

比心機...有咩唔開心怕難開口的可以寫信...又或者以歌寄意...

私人傳訊

全為愛

水晶宮

積分: 56518

15^#

發表於 11-10-10 13:55 |只看該作者

sansanhappy：

看了你之前的post，初步估計問題癥結的其中一個可能性：在長時間被冷落和忽視的情況下 (你說你把太多時間放在女兒身上,完全沒察覺婚姻已出現危機,而在他想修補的時候你不察覺)，他可能感到你根本不再需要他、不再愛他，在你面前他可能感到自己沒有地位、不再重要；面對著這樣一個有廿年感情的而現在已不再重視他的女人 (對男人來說，很傷的呀)，他較難產生想親近的慾望吧，因為他也害怕再被傷害的呀！

在大吵架之前，你們的相處互動是怎樣的？I mean除卻他忙、沒時間陪你之外的你們能相聚見面的日子。

私人傳訊

全為愛

水晶宮

積分: 56518

16^#

發表於 11-10-10 14:02 |只看該作者

sansanhappy 發表於 11-10-10 13:35
... 對一個不愛自己的人主動，會討人厭，我怕被拒絕，所以一直選擇逃避 ...

sansanhappy：
因為你有 "輸唔起" 的心態 (sorry，我很直接)，所以你的心築起了圍牆，這樣他如何能看見你的真心？他又怎願意交出自己的真心？所以你倆仍在 disconnected 的狀態。

私人傳訊