吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 好無MOOD........(同C6有抝撬)

自由講場今日: 2628|主題: 1332487

收藏本版

發帖

返回列表

跳至頁

查看: 745 | 回覆: 14

好無MOOD........(同C6有抝撬) [複製鏈接]

野人好索子

伯爵府

積分: 16813

1^#

發表於 11-10-29 14:25 |只看該作者 |倒序瀏覽 |打印

本帖最後由野人好索子於 11-10-29 14:25 編輯

話說今朝阿囡起身之後我比左蛋糕同暖豆漿,飲完食完休息一陣就做功課,係做功課的時候佢已經輕輕按住心口仔,咁我已經問係咪想去便便呀??佢話唔係,咁繼續做功課啦,後來到差不多十一點,我見仲有排至到食飯咪同佢沖涼囉,咁就係吹乾頭髮著好哂衫的時候佢面色一變,然後嘔番哂D豆漿同D碎狀蛋糕出黎,因為我多數係張大人床度同阿囡處理吹頭著衫的,好自然D嘔吐物就大部份嘔左係張床度,雖然好激氣,但我都換左床單,抹左張床褥,跟手就煮左D麵同阿囡一齊食,食食下就打電話比老公同佢講呢件事,咁佢話我點解唔坐係床邊吹而要坐係床中間呢???咁我都好聲好氣咁問佢個原因,在我個人角度黎講,坐邊同坐中間真係無分別,一樣會執番吹頭髮甩出黎的髮碎的,咁C6就開始用質問的語氣再講你會唔會執番D髮碎呀????聽到咁我都忍唔住大聲同阿囡講以後坐床邊吹頭啦,C6就話我發脾氣然後"CUT"我線啦!!!!!!

其實我想講的就係......

1)我一定要承認發脾氣係我唔啱!!!!!!!!!
2)都想老公聽下我個解釋,原本都想心平氣和去講阿囡呢件事,因為佢開始用質問的語氣的時候我都好聲好氣架,點知後來佢聽都唔聽就"CUT"我線,呢下我好HURT!!!!!!!
3)佢好多時都開口埋口都已經裝哂"KON"咁,講咩都無用!!!!!
4)我已經無興趣再同佢拗任何野啦,橫掂都唔會平心靜氣聽我講的,C都要拗,我好厭啦!!!!

(唔好意思咁多位,我好似打左好多字,但真係對住C6真係越來越無癮,好攰啦!!!)

點評

chefchow agree, he should ask what happened to BB and comfort her.......hope you all are fine very soon. 發表於 11-10-29 17:18

無氣同你講好不幸話你知, 你老公成日起曬 kong, 係佢已經先入為主咁評價左你...唔啱/笨發表於 11-10-29 15:00

0 0 0

私人傳訊

奀姑姑

大宅

積分: 3879

2^#

發表於 11-10-29 14:46 |只看該作者

回覆：好無MOOD........(同C6有抝撬)

題外話，我細個飲豆漿又係好易嘔，五次中三次到，依家大個飲就會柯！係咪會敏感ga ！算啦！深呼吸，c6有潔癖ga？

私人傳訊

LMCK

伯爵府

積分: 17062

好媽媽勳章醒目開學勳章畀面勳章 BK Milk勳章

3^#

發表於 11-10-29 14:55 |只看該作者

本帖最後由 LMCK 於 11-10-29 14:57 編輯

點解會晌床上面吹乾頭髮咁怪o既? 我幫細仔吹頭我會晌廁所吹, 吹完就掃地.

你老公當時晌公司呀? 可能咁啱公司有野煩緊, 再聽埋你的電話佢先咁啫, 唔好嬲佢啦.

但你話佢平時都好似裝哂"kon"咁講野, 你有無同佢講過佢呢個問題架? 因為我妹妹都係咁既人, 我試過直接同我妹妹講, 我話我發現你成日都係呢個態度同家人講野(對住朋友就唔會), 有時我又唔係鬧你, 只係想同你討論下, 但你用呢種態度去回應, 我覺得同你溝通好辛苦囉. 之後佢都有d改善, 但一時三刻好難叫佢改, 有時佢又係咁既態度時, 我會即刻截住佢, 叫佢留意下自己, 然後再傾就好好多喇.

私人傳訊

kkttssng

侯爵府

積分: 23450

玩具勳章畀面勳章 wyeth冷知識勳章環保接龍勳章大廚勳章 BK Milk勳章

4^#

發表於 11-10-29 15:07 |只看該作者

唔係佢做..所以佢唔會明架喇

私人傳訊

961123

象牙宮

積分: 216483

5^#

發表於 11-10-29 15:17 |只看該作者

大男人???

私人傳訊

究竟我是誰

水晶宮

積分: 69651

熱血勳章好媽媽勳章醒目開學勳章畀面勳章環保接龍勳章

6^#

發表於 11-10-29 17:11 |只看該作者

呢個習慣佢今日至知 ?
點解平時唔話妳,
有事至嚟話妳,
佢唔係想解決問題,
而係追究責任....

私人傳訊

Elefant老婆

珍珠宮

積分: 37310

好媽媽勳章醒目開學勳章畀面勳章

7^#

發表於 11-10-29 17:16 |只看該作者

It's probably not a good day for both of you. 大家平靜之後就無事，唔好唔開心。

私人傳訊

dolphinjelly

大宅

積分: 3764

8^#

發表於 11-10-29 17:19 |只看該作者

回覆：野人好索子的帖子

咁兩公婆要好好坐低傾傾，溝通吓! 講到「冇癮」好危險。維繫一段婚姻有太多學問，每天在學習中。希望你倆能平心靜氣傾，試想想當初走在一起時的溫馨日子吧

私人傳訊

joannewu_0302

珍珠宮

積分: 40639

認識瑞士牛牛第二回認識瑞士牛牛第一回我的育兒心得勳章熱血勳章玩具勳章好媽媽勳章 wyeth冷知識勳章遊學勳章 hashtag影視迷勳章 DHA勳章

9^#

發表於 11-10-29 17:22 |只看該作者

係唔係佢脾氣一向都咁差GA.

私人傳訊

chefchow

大宅

積分: 2205

10^#

發表於 11-10-29 17:24 |只看該作者

回覆野人好索子的帖子

"佢已經輕輕按住心口仔"

next time, watch carefully, something uncomfortable with food, cold, or tired.....massage smoothly!

私人傳訊

LLeung

大宅

積分: 2700

11^#

發表於 11-10-29 17:27 |只看該作者

回覆：好無MOOD........(同C6有抝撬)

題外話，朝早最好唔好飲豆漿，因為會好漲胃。

私人傳訊

29XX86

侯爵府

積分: 22560

12^#

發表於 11-10-29 17:34 |只看該作者

我同囡吹頭都一定坐係床上面吹, 因廁所係有插頭的. 我覺得你c6緊張張床多過個仔, 床污糟咁抹乾凈洗乾凈囉, 又唔係要佢抹!

私人傳訊

kylie828

大宅

積分: 4787

畀面勳章 BK Milk勳章

13^#

發表於 11-10-29 17:44 |只看該作者

回覆：好無MOOD........(同C6有抝撬)

講真如果係我張床嘔，我會鬧左先再傾

私人傳訊

野人好索子

伯爵府

積分: 16813

14^#

發表於 11-10-30 09:15 |只看該作者

首先多謝咁多位的回覆,依家等我答下大家的問題......

1)同阿囡係大人床吹頭係由細到大的習慣,因為浴室位於露台,而且係無浴缸的,為怕凍親所以一沖完就用毛巾包住返入室內至同佢吹頭著衫的!!!!!

2)C6其實曾經講過話叫我坐床邊吹頭,因為方便清理甩出黎的頭髮,但我覺得橫掂吹完之後都一定會清理架啦,坐邊係咪咁重要呢????(我其實都認為佢的意見唔係無道理,下次都會坐返床邊,唔開心只不過係佢無嘗試站係我的角度諗下姐!!)

3)經過左成晚,我諗下次係同阿囡沖完涼抹乾身之後即刻同佢著衫兼係露台吹頭應該唔會再為左呢D小事同我拗掛~~

最後,我真係嘗試從C6的意見去諗下個問題架,只不過希望佢唔好下下都裝哂KON,唔好學似佢話事計,咩都拗下至得架麻!!我真係無MOOD同佢拗D唔應該拗的野囉!!!!!!