本帖最後由 Arrin 於 11-11-24 09:17 編輯
請勿在 嬰兒食奶時,小朋友瞓覺時,工作時,美容時, 開飯時,大笑~
特別懷孕夫女需要攬實個肚,以免笑傷個b~~
多謝各路支持者~
係咪睇完啱啱中午出既(新袍仔的反應)有少少失望呢..因為唔好笑~...
但我做事又點會咁失策呢,上集係一個序~今篇先係戲肉呀~.
粉紅=我內心話
繼上集講到,我被99屈咗落去黑洞食飯, 我忍唔住幫佢清理廢物~
(差佢,62同姑9未比我掃埋出去).
文中提及了我坐咗三個鐘~.....呢三個鐘係我人生最長, 最痛苦~
我姑9,失婚人士(4x歲)有心理病~
我99,失心瘋人士(7x歲)心理變態~
佢兩個人好多野講,就係咁比99+同姑9[輪]咗我3個鐘~
話題1)
我姑9因為成日覺得唔開心, 所以佢就去咗參加個d [心靈建立]課程咁上下啦(約2皮野)...佢成晚好落力咁想導我一齊去. 甚至話佢比錢請埋我去...
我同佢講,我得閒死唔得閒病,我放工要煮飯,要做家務...休息都冇時間~~
(咪傻啦, 比2皮野人地洗自己個腦, 你阿媽生你,你個腦係咪用來襯返個頭架[display only].個腦唔識自己郁架?)
話題2)
姑9話,hey~返學都唔會阻你好多時間架姐...自己屋企污糟少少唔怕啦~唔洗成日做家務既.
佢不停地問99我同佢邊個間屋乾淨d....99話我屋企.
我答佢,呢d係好基本,你間屋乾淨d都舒服d啦~你唔覺得咩 (姑9啞咗)
(收檔啦,你地同我係兩個世界既人, 一開門姑9間屋已經成地鞋, 成梳化係著過既衫...叫我隨便坐, 你當我葉問~自己2字鉗羊馬坐咩~~仲問~自己鵰自己個架啦~)
話題3)
99好迷信, 佢知我信耶穌...但又好好笑咁問我要唔要佢d符...我答咗話唔要,但佢聽不到我講.. 佢係佢個龍位入面潛咗一陣...突然間拎咗一大揪平安符(黃色三角型個d)+ 數10張有雷射印刷既觀音閃咭~佢話叫我拎d去. 我都話唔洗啦....佢覺得我點都需要拎d[手信]返去...跟住係後面個架...有一本詩歌集...咁我唯有要咗去.
(你咁雜架,乜都信既...你間屋真係樣樣都有,咪洗指意我要你d 閃咭..你留返去你d同鄉會炒啦)
話題4)
佢哦咗我好耐 (約30分鐘) 佢哦我叫c6唔好食煙, 唔好飲酒, 佢不停細說煙酒既壞處比我知...叫我一定要叫c6唔好再咁做~.......
我忍無可忍~~我答佢: 其實佢都30幾歲人,係聽早就聽咗啦, 佢細細個你地唔理佢,你家下先哦佢,佢咪覺得討厭law, 你地有冇諗過佢點解食煙先~....(99馬上委屈樣, 話一心想我地好, 話我唔領佢情, 姑9馬上扯貓尾話99面皮好薄架ja...你咁話佢, 佢有排唔開心~)
(哦~~~~哦夠未呢? 你嫦哦上身咩你!!!我阿媽都未試過咁哦我, 唔怪得之c6成日避開你啦~...你老母個面皮一d都唔薄law, 佢d 戲仲勁過葉德嫺呀...薄!!!薄既話就唔會成日夜ma ma 走上來話搵仔啦, 佢面皮多到剝落就有~)
PART 2
話題5:
講咗咁多廢話, 無非都係想催我生仔, 99同姑9向住我講希望今年屋企多個人返來....咁我就答佢, 咁叫細佬快d識個女仔,咁多個人囉, 跟住死姑9又食住條水話,99意思話係想多個人仔返來~.....99打蛇除棍上...話最好多個男仔啦~...我泠笑咗一野...我答佢隨緣啦~~隨緣啦~~
(佢地不停咁哦....我個腦不停諗:本來都真係打算造個人仔既，但身處咗９９個外星人竇之後，我馬上打消所有制造人類計劃，因我突然發現我c6跟本唔係地球人所生既, 除了有大陸人既血統外, 而且仲有污糟變態既基因,完全唔可以係正常既地方生存~.如果我有咗,食咗99的野後,一定10秒內夭折....有幸生到出來又肯定會被99禁室培育,成為日後既乞兒之星, 咁我呢獲杰啦~......)
再講啦, 仲指明要男仔, 都話呢d人冇常識既, 生男生女關我咩事呢, 係c6事架痳, 男女基因係跟dad dad 的染色體,not mine~.....仲要咁重男輕女, 女仔好失禮你咩, 99自己都生女先啦~而且佢自己都係女人. 生咩都唔有關99事啦, 又唔係跟99姓既~咁鐘意生你自己生law!!!)
話題6
講咗20分鐘最好生仔...99又話最好今年生喎, 因為今年兔年, 我屬狗(哎吔!比你地知我幾歲tim~)
佢原先話屬狗同兔係生肖六合最相剋(其實合, 因為佢講唔正)
姑9 話, 咁千萬唔好今年生啦~....99 反駁 話唔係呀, 係最好咁意思....
姑9馬上一級方程轉肽話.咁最好今年生啦, 唔好遲過今年啦.
99同我 講 狗同龍最相沖....
咁我就好唔客氣同佢講, 咁姑9都係狗, 62都係龍啦~....99好驚訝,點解我知道(佢覺得係不可告人既秘密), 姑9就話所以佢同62感情唔好....99 仲係咁講話姑9沖62(係正個女面前講)....我就串Q佢咁話, 我阿媽都係龍呀, 我地冇野呀!!! 99好唔信我咁, 佢仲捉住我隻手好認真問,我係咪同阿媽唔好, 我答佢當然唔係啦, 佢個個星期都來探我. 點會呢....我一野車佢, 叫佢唔好咁迷信~99黑一黑我面~
(收線啦, 好煩呀, 講咗咁Q耐你唔悶架咩, 生仔唔係哦就有, 好煩呀!嫦娥~~~你返月球搵吳光飲滾油啦~HELP~~~~!!!!!!)
(你都傻既, 你就同你老母唔好!!!!! 我同我老母性格好似, 都係火爆型....有口角既時候, 但感情呢D都要用心拎出來培養既, 我個個星期都同我阿媽行街, 食飯....飲返兩杯傾下計...都不知幾開心. 99成日咁話自己個女, 覺唔覺得姑9心理唔平衡都係6299造成~... 因為佢地成日重男輕女, 乜都留比D仔, 咁你想個女對你地好都難啦~)
題外話:
有關六合生肖, 我有睇過~
咁聽佢咁講, 我地一家5口, 5個唔同生肖既人走埋一齊, 咁有2.4成員有機會同屋企人相沖啦~咁又唔見我地開片~~99你個腦係咪用來襯返個頭架JA~
話題7
早前因有好多大陸蝗蟲既新聞, 所以我係face book 都打咗句;[叫d大陸人走啦~]...比姑9見到, 估唔到佢想借題發揮, 想套我...想話比99知我唔鐘意大陸人, 等99覺得我衰~.
佢用咗一張相來chok 我, 佢話張相係台灣影既, 入面有99d親戚, 佢係咁問我, [相入面d人係咪好老套好大陸呀, 係咪覺得d大陸人去到邊都咁大陸呀?] 姑9係咁引我答佢講大陸人壞話~....佢仲同我講, 話佢個樣唔似大陸人炸, 其實都好鐘意食家鄉野喎, 佢揻唔甩喎~.....我答佢,佢覺得著得好睇咪得law, 冇話大唔大陸人既. 無乜野呀!!!!之後姑9又再借題話. 早前同99去個d心靈課程. 又話 人人都可以講下自己d唔開心事, 但係99舉咗好耐手都冇人理佢...99覺得d人歧視大陸人....99馬上七情上面. 又chok咗一個委屈既樣~話:唉佢地覺得我鄉下婆唔識野......我唯有答佢唔識咪學囉~
(痴線, 想套我!!!!姑9你聰明d先同我玩野啦~, 姑9個腦壞既...因為做得壞事多....用埋d低下手段來玩野, 我憎大陸人關姑9咩事姐, 姑9 同99 知自己係咪聽者有心定做咗崩口人呀? 我又唔係話佢地!!!
我想話姑9邊一忽唔似大陸人呢.?你個大陸人樣同姓格都入晒骨啦!!!你洗下個頭先扮香港人啦~!!!!
姑9真係好八婆law,少少事興風作浪,(其實搞到c6好憎佢)...99又扮晒可憐又成...做咩je!!! 你地識扮野時, 我咪配合你地既演出囉....由99第一眼望我都知我唔係單細胞~我出名惡搞~
返到屋企, c6返來問我點,基本上我冇講d乜, 我只係爆喊就已經嬴晒...之後c6狂鬧佢地, 叫佢地唔好再搞我~.)
呵呵呵呵~...其實唔係我eq 高, 我係iq 高, 要玩野就同佢地玩到底!!!!
<font color="Magenta">大家睇還睇,千萬唔好轉載去其他地方呀!!!!仲想追我既故事,就請大家合作~保持我神秘身份!!!!
發表於 
依招高明
:;pppp:
返回列表
