意見反饋
義工
12
跳至
查看: 2088 | 回覆: 35
[2005年] 好緊張呀!就黎要停止餵人奶.分享下喇!


大宅

國民生產總值:3489


發表於 05-10-27 01:31 |顯示全部帖子

好緊張呀!就黎要停止餵人奶.分享下喇!

我相信唔同人,都會有唔同既停餵人奶原因,我曾經聽過好多不愉快既因由,有時真係覺得好無奈,仲有D唔開心添!:cry:...

其實我地餵人奶都係想BB抵抗力好,身体健康o者!雖然我唔會再餵落去,但我覺得自己曾經嘗試過,努力過,一直咁堅持到而家,已經無'遺憾'喇! 可以將最好既都盡力俾囡囡,希望佢快高長大,第日身体好,咁就係我最大既回報,如果佢大個明白我'餵'得佢咁辛苦,錫我多D就更好喇!
祝各位媽咪 &仔仔囡囡都身体健康!日日開心


我準備下星期'收奶'喇!(11月初)因為婆婆成日話 穜穜~越來越細粒,好似唔夠營養咁,但佢已經有食糊仔&粥仔,而且佢話餵左7個月都OK喇!....記得初時我成日都想放棄,到我上左奶,阿媽成日話要我餵到十個月,但我就話六個月都夠喇!姑娘都話可以'戒'. 跟住我覺得自己餵得到,就拖到話等佢出牙就戒,因為怕俾佢咬到好痛,但穜穜~出左牙已經2個星期喇!我一直'忍'到而家....

但終於都定左日子要戒喇!真係有D唔捨得. :cry: 唔捨得佢緊緊攬住我既溫暖感覺,佢見我拉起衫時的'喜悅'表情,佢食飽後滿足微笑安睡的樣子,當我疲累時邊睡邊餵奶,仲有一路以黎慳番黎既奶粉錢... 好多開心,痛苦的經歷,真係好值得回味.

聽講淡豆豉勁難飲,有人仲講到好似飲毒藥咁,我真係好擔心哦!...不過我最怕係囡囡會扭計'絕食'(我朋友既仔仔4個月要戒人奶時,因為冇人奶飲而絕食15個鐘,完全唔肯食野,一餓就喊,BB+媽咪+婆婆個個都喊唔停,我聽到都覺心痛) 其次係怕自己'收奶'時會好痛,好脹,漏奶同好辛苦 :-(

希望我同穜穜~都可以順利完成任務喇!

你地可以分享下'收奶'的經歷嗎?謝謝!
一,大概要幾多日先'成功'戒到(收奶)架?
二,除左淡豆豉仲有乜'食療'可以減輕痛苦?
三,聽聞'冷敷'會舒服D,咁仲有乜方法呀?
四,你地BB當時情況又係點呢?
五,係咪會勁漏奶,要不停換乳墊呢?平時/訓覺時帶有鋼線定冇鋼線的胸圍好呢?
六,仲有乜特別野要留意呀?


大宅

國民生產總值:4693


發表於 05-10-27 08:57 |顯示全部帖子

Re: 好緊張呀!就黎要停止餵人奶.分享下喇!

gillianchan,
其實你真的好叻喇~可以堅持餵媽媽奶咁耐!
我只餵過媽媽奶一個月, 所以沒有你的經歷~但至於收奶, 不一定要飲難頂到痺的淡豆豉水...
你可以食~乳鴿, 雞肝, 豬肝...這些都係收奶的, 勁work! 不餵媽媽奶期間, 唔好再泵D奶出黎, 這樣會更加刺激奶水分泌!!及要穿著較為細小小size的Bra, 可以令到自己冇咁痛!!
我只識得呢D... 希望對你有幫助!!
但如何也好, 先祝你成功(因為戎媽媽奶和餵媽媽奶一樣困難的)!! 支持你啊~


大宅

國民生產總值:3489


發表於 05-10-27 12:23 |顯示全部帖子

Re: 好緊張呀!就黎要停止餵人奶.分享下喇!

Kikokikovenus~

多謝你覆我 & 讚我呀! 其實我一D都唔叻!只係懶,貪方便穜穜~一肚餓就可以拉起衫就餵,又可以慳錢,當然想囡囡抵抗力好D,身体好D都係其中既原因喇!

好奇想知,點解果時你只餵一個月既?坐完月要返工嗎?... 見你介紹既'食療'都幾好喎! 咁你有冇飲難頂到痺既淡豆豉呀?我買左2包喇!不過未煲...我而家一日餵3次,都好谷奶,成日漏到個墊都濕晒,真係要'戒'果時都唔知點lu? :-(

多謝你支持呀!我會努力加油架喇!


大宅

國民生產總值:4719


發表於 05-10-27 12:31 |顯示全部帖子

Re: 好緊張呀!就黎要停止餵人奶.分享下喇!

gillianchan,

你真係好叻叻丫 ,我真係好佩服你,餵人奶真係一種耐力戰,你可以堅持到今日,真係可以為自己鼓掌!!!!

收奶真係好辛苦,我當初收奶係用咗兩個星期時間先可以完全收哂,飲咗成個星期淡豆豉+乳鴿+豬潤水,每晚都因為痛而瞓唔著,嗰種痛就好似兩塊好重ge石頭壓係心口 :-( ,簡直係痛到喊出黎,嗰陣時姑娘就教我用冷敷,真係可以舒服d,你都可以試吓!另外會勁漏奶,要不停換乳墊,我當時都有著細一個size ge bar!你亦都可以試吓睇e生,e生會開一種收奶葯俾你,好有效ka!但就未必個個e生都會有這種葯
或者你可唔可以試吓慢慢收奶,每日減少餵ge次數,慢慢拖長餵奶ge時間,咁樣雖然會好長時間,但就冇咁辛苦law!

努力丫!


別墅

國民生產總值:716


發表於 05-10-27 12:36 |顯示全部帖子

Re: 好緊張呀!就黎要停止餵人奶.分享下喇!

gillanchan:
我唔係想說服你,不過有兩個經驗同你分享:
(1)我大仔一歲半時,爸爸唔知係唔係因為帶佢去playgroup而惹到水豆.當時大仔雖然自己有床,但成日鍾意瞓我同爸爸中間.佢爸爸都唔知自己出事,係到水豆發出來先至去睇醫生.我即刻帶埋大仔去睇兒科醫生.醫生話因為爸爸帶佐菌幾日先至會發出來,所以仔仔肯定已經惹到水豆,仲叫我地即時幫仔仔打水豆針,希望冇咁大件事.但過佐幾日大仔都冇出事.我問醫生,佢都唔明,後尾知道我仲喂緊人奶同埋我又出過水豆,佢就話我既抗體經人奶過佐俾大仔,所以佢先至冇事.
(2)我細仔上星期去睇醫生(因為惹到過瀘性病毒).再去複診時,醫生問佢有冇肚瀉,我印印話冇.醫生話冇可能.仲叫我地番去留意吓,如果見佢肚瀉,開奶就要比平時用多一倍水.我話俾醫生聽我仲喂緊人奶.醫生先至恍然大悟,佢話就係因為人奶既抗體殺佐BB肚內既細囷,所以佢先至冇肚瀉.
如果BB出牙仔咬你,其實你可以用手指尾幫佢打開嘴巴,"teng"返個乳頭出來,仲要好嚴肅咁話俾佢聽唔可以咬媽咪,如果唔係就冇得食.試過幾次佢就會明白(我大仔四個幾月出牙,細仔六個幾月出牙,都係咁樣教識佢地.)
其實母乳真係BB最寶貴既食物.我大仔依家就嚟三歲半,兩歲時已經介佐人奶,但當佢弟弟出世後我又有番人奶供應.試過佢傷風咳嗽,我奶奶冇帶佢去睇醫生,反而俾我D奶佢飲,佢唔駛睇醫生就好番晒.所以我奶奶好支持我喂人奶.
至於收奶,最辛苦係BB出世頭兩個月,因為個陣時供奶仲未穩定,而且BB未食固體食物.依家你BB已經食糊仔同粥仔,其實你既奶供應已經唔算太多.只要唔好再泵奶,唔好再俾BB飲,身體自然會收到"唔再需要製造人奶"既訊息.正如Kikokikovenus講,食乳鴿/ 雞肝/豬肝/或者淡豆豉食品(例如豆豉蒸魚)都可以收奶.如果仲覺得痛,可以買個椰菜擺雪櫃,剥兩塊出來,洗幹淨,中間開個洞,敷係乳房(乳頭乳暈唔駛敷).你計番BB平時幾點飲奶,飲奶前敷就okay.應該好快見效.
其實我比較擔心你BB介奶時會好辛苦.佢肯唔肯飲奶粉?我大仔兩歲時試過4-5隻奶粉都唔肯飲,反而肯飲鮮奶.但一歲以上既BB先至可以飲鮮奶.
上次聚會之前交換過電話,如果有需要,你可以打電話俾我傾吓.
希望幫到你!


別墅

國民生產總值:712


發表於 05-10-27 16:12 |顯示全部帖子

Re: 好緊張呀!就黎要停止餵人奶.分享下喇!

Gillian~

唔好唔餵啦!其實市面上都有一些Nipple Protector/Shield賣,可以防止bb出牙咬,當然我未試過唔知用唔用到,不過也許是一條出路。你又咁夠奶(我都無漏奶好耐啦!),穜穜又食得咁開心(我的恩霖都無咁開心),唔好放棄呀!


大宅

國民生產總值:4693


發表於 05-10-27 17:36 |顯示全部帖子

Re: 好緊張呀!就黎要停止餵人奶.分享下喇!

gillianchan,
其實我生完Hugo之後, 一直上奶都上得唔好, 無論點樣飲湯水都係上得唔好~可能第一次做媽咪吧, 事事都緊張, 同埋坐月時休息得唔夠, 所以唔夠奶比阿仔食飽!! 加上一時唔小心食錯野(就係雞肝累事), 連僅有的奶水都冇乜, 不如索性戎埋佢囉~
我都有睇到其他媽咪的意見, 有的支持你, 也有的勸阻你唔好戎!! 其實, 最緊要就睇你自己, 即使我只餵到阿仔食一個月, 但我覺得已經對得阿仔住ga喇! 我地唔好有偏激的想法~既然有人奶就一定要餵比BB~當然, 係人都知BB食媽媽奶有幾好啦! 但有時個人的理由, 種種因素, 未能餵得到佢嘛!!
千萬不要比自己太大的壓力, 是否或應否繼續餵媽媽奶, 就隨自己的意思吧~世事冇一定絕對的...

gillianchan 寫道:
Kikokikovenus~

多謝你覆我 & 讚我呀! 其實我一D都唔叻!只係懶,貪方便穜穜~一肚餓就可以拉起衫就餵,又可以慳錢,當然想囡囡抵抗力好D,身体好D都係其中既原因喇!

好奇想知,點解果時你只餵一個月既?坐完月要返工嗎?... 見你介紹既'食療'都幾好喎! 咁你有冇飲難頂到痺既淡豆豉呀?我買左2包喇!不過未煲...我而家一日餵3次,都好谷奶,成日漏到個墊都濕晒,真係要'戒'果時都唔知點lu? :-(

多謝你支持呀!我會努力加油架喇!


伯爵府

國民生產總值:15915


發表於 05-10-27 18:14 |顯示全部帖子

Re: 好緊張呀!就黎要停止餵人奶.分享下喇!

我由陀塱塱開始就無諗過比人奶佢食,因為我怕自己戒吾到口,我比較貪吃,乜都食一餐,諗諗都係吾餵人奶了,我怕我個口出事.
點都好,gillianchan你真係好勁,送比你的


大宅

國民生產總值:1333


發表於 05-10-28 11:07 |顯示全部帖子

Re: 好緊張呀!就黎要停止餵人奶.分享下喇!

gillianchan,

你好叻叻 餵左咁耐
我停左啦 :cry: :cry: 實在頂唔住太
細媽


洋房

國民生產總值:433


發表於 05-10-28 14:58 |顯示全部帖子

Re: 好緊張呀!就黎要停止餵人奶.分享下喇!

gillianchan,

hello 我係4月mami 希望你唔介意我加入分享收奶經驗
我收奶時中醫敎左我個方法對我黎講就好work 你考慮下
非常簡單只係用9菜保水飲 (半斤9菜分2次保) 連飲3日

祝你順順利利啦

該用戶已被刪除

發表於 05-10-28 22:44 |顯示全部帖子

Re: 好緊張呀!就黎要停止餵人奶.分享下喇!

提示: 作者被禁止或刪除 內容自動屏蔽


別墅

國民生產總值:712


發表於 05-10-29 09:49 |顯示全部帖子

Re: 好緊張呀!就黎要停止餵人奶.分享下喇!

珮珮媽咪~

衣家你餵奶的情況還好嗎?
我bb因開始吃糊仔,需然泵少左都還可,剛剛夠用,多都無了。好彩有儲備,如果唔係可能一早放棄左lu~

該用戶已被刪除

發表於 05-10-29 10:55 |顯示全部帖子

Re: 好緊張呀!就黎要停止餵人奶.分享下喇!

提示: 作者被禁止或刪除 內容自動屏蔽

該用戶已被刪除

發表於 05-10-30 17:14 |顯示全部帖子

Re: 好緊張呀!就黎要停止餵人奶.分享下喇!

提示: 作者被禁止或刪除 內容自動屏蔽


大宅

國民生產總值:3489


發表於 05-10-31 00:41 |顯示全部帖子

Re: 好緊張呀!就黎要停止餵人奶.分享下喇!

nganga~

多謝你讚我叻叻呀! 不過我真係唔值得你佩服,因為我無繼續餵落去 :-|
嘩!你要兩個星期時間先完全收哂奶,飲咗成個星期淡豆豉+乳鴿+豬潤水,每晚都仲痛到瞓唔著? 我平時夜晚都會'漏奶'架喎!一側身訓就搞到床單到濕埋,咁我未仲難'收'? 我真係好難變'石頭'呀! :-( 希望冷敷可以令我舒服D喇!你果時著細一碼既bar有冇'鐵線'架?我暫時買左2包'淡豆豉',如果真係勁難飲又冇效既,我會考慮食'收奶藥' THANKS! 我近排每日隔住餵早午晚3餐,其他時間餵糊仔同粥,我見穜穜~都幾鐘意食,希望佢會繼續乖乖咁食,唔會因為冇得埋身飲而'絕食'喇!我媽咪唔建議我拖長黎戒,覺得冇意思喎!佢就係覺得我好少飲魚湯D奶水好稀,食野又唔多冇乜營養(因晚晚得我一個人邊揍囡邊煮飯冇時間煲湯水)

PaulineVin~

好多謝你咁有心,打咁長既留言同我分享,講真丫,睇完你個留言,真係令我心郁郁,動搖左我戒人奶既計劃 我真係好認真咁分析過仲繼唔繼續好,如果再餵可以令穜穜~抵抗力好D,少D病痛,當然好喇!但聽聞奶粉內的營養(DHA,SA,鈣,鐵...等)都會多過人奶,BB會叻D(學野都會早D學識) 有D冇餵過人奶既媽咪(幾位一齊生BB識既)仲同我講佢地既仔仔女女食奶粉都唔知幾好呀!重得好快(起初輕過穜穜~而家個個重過佢) 而且BB身体都幾好,唔覺同人奶BB有分別 (但我聽你地講完都信其實對抵抗力黎講真係有分別既)

我都覺得你講得o岩,最辛苦既時間已經過左,頭2個月供奶未穩定,成日怕BB唔夠飽,自己好累,其他人都幫唔到手仲慘...雖然穜穜~已經有食固體食物.少左飲奶,不過我'供應'依家係好勁,只要遲少少餵都會漏,所以我先咁擔心,希望我唔再泵奶,唔餵穜穜~飲,食多D乳鴿+ 雞肝+豬肝+豆豉食品,身體會快D收到停止製造人奶既訊息喇!如果好痛既,我會買椰菜係穜穜~平時飲奶既時間前敷下,Thanks!

我都好擔心穜穜~戒奶時會扭計&絕食 (朋友講佢仔仔只係4個月大已好堅決絕食十五小時,勁心痛呀!但佢打左'收奶針'唔可以再餵,搞到2個都好辛苦.) 穜穜~好少飲奶粉架!最近一次已經係上星期,因為而家佢一日6餐,三餐人奶,一餐泵奶(婆婆餵) 糊仔/粥共兩餐? 不過佢之前都有飲過,而且我每日都有一餐用奶樽餵,佢應該唔抗拒卦?希望佢肯飲奶粉喇!唔係我都唔知點算喇!
嗯!如果我有野唔明,一定會打去請教你,先多謝你喇!

Amandaxx~ & 各位媽咪~

其實我都好唔捨得唔餵架!穜穜真係食得好開心,我都好鍾意攬住佢餵奶既感覺,但係正如婆婆所講,遲早都要戒,早D佢會冇咁黐身,(因為佢已經成日伸開雙手對住我,要我抱) 怕佢第時肚餓就喊,只係要我.因為我始終係帶埋佢返工次次埋身餵,工作忙時冇人可以幫到我,實在分身不下.

其實穜穜~唔算成日咬我,大約兩日一次左右,我都有試過伸手指入佢口內,同話佢教佢唔好再咬我,佢之後都肯'收手'唔再咬我,所以尼個只係其中一個原因,始終佢D牙仔會越出越多,咬中既機會都會多D.加上我身体都唔係太好,之前既經期好唔準,成2年都未有BB,check到係'催乳素'有問題,我怕餵太耐時間,對我病情/穜穜~既健康會有影o向,最後仲有一個自私既原因,就係我到而家都仲有廿磅減唔到(磅數企硬 BMI指數仲超高,一般人20+,但我去到'40') :-( ) ,去美容院做機械都冇'起色',D人話我可能係'賀爾蒙'有問題,要先食中藥調理好身体,之後可能要食減肥既中藥先可以慢慢減番,種種原因加埋,我唯有出此下策
:-(


大宅

國民生產總值:3489


發表於 05-10-31 01:26 |顯示全部帖子

Re: 好緊張呀!就黎要停止餵人奶.分享下喇!

Kikokikovenus~

再次多謝你!
你講得好o岩呀!雖然各位媽咪既意見都唔同,我亦知餵人奶係對BB健康係好既,但最緊要既都係要睇我自己既'理由',既然我食既野都唔係咁有營養同咁少,餵穜穜~都未必有益!媽咪又咁主動咁支持我而家戒,今晚仲請埋姨媽由大陸落黎,叫我一家三口下星期返去外家住,佢地幫我揍穜穜~咁好既理由+種種既因素,令我覺得都係'時候'停喇!
雖然我都怕自己將來會後悔,不過我咁樣都係想我同穜穜~好D o者!希望我同佢都順利戒奶喇!

Joan媽咪 ~ & evalauwm~
多謝你地的 不過我實在不敢當,比起果D打算/曾經餵到BB 2歲既偉大媽咪們,我真係好'小兒科' 甘拜下風,你地先值得
我有時都會唔乖偷食D冇益既野架!凍野,生冷野,煎炸野咁,食完餵佢又要驚佢唔舒服,籮籮攣喎!

MrsSweetie~

我當然唔介意你加入分享下你收奶既經驗喇!你仔仔6個月時戒人奶嗎?共用左幾多日先收晒奶呢?我會試下你的方法,用半斤9菜分2次煲水連飲3日 希望對我都work喇!

珮珮媽咪~

我都知自己仲有'潛質'可以繼續餵,但要我'停止'既原因更多更大,所以我只好放棄喇!但係我依然會以穜穜~既健康為最大目標,我會努力令穜穜~健康快樂咁成長!
上段留言我已解釋過,穜穜~咬我唔係我戒餵人奶的最大原因,我痛下有幾咁'閒'o者!其他原因先係重點.其實穜穜~都算好錫我,唔係成日咬我.好多時只係佢貪玩(我話佢,佢仲笑) 或者分心咬住望第二度.

過2日我應該唔會再餵喇!但我真心祝你同 Amandaxx~ & 其他想繼續餵既媽咪~ 可以餵耐D,餵到你地自己唔想餵為止,你地要努力加油呀!我會支持你地架!


別墅

國民生產總值:716


發表於 05-10-31 11:50 |顯示全部帖子

Re: 好緊張呀!就黎要停止餵人奶.分享下喇!

gillanchan:
既然你已經決定佐,就講番個唔喂人奶既好處俾你聽:如果你想幫穜穜添個弟弟或妹妹,等戒佐奶,養好身體後,就可以來啦 .
至於用有鋼線既Bra,我生大仔時買過,著得好唔舒服.所以打佐落冷宮.但有D朋友又話著得幾舒服.所以係因人而異.如果食嘢可以搞掂,似乎冇需要投資係鋼線Bra上(因為你一路收奶,都可能要買唔同size既bra.)
BTW,朋友話roast duck/goose都可以收奶.不妨試吓.


洋房

國民生產總值:433


發表於 05-10-31 15:12 |顯示全部帖子

Re: 好緊張呀!就黎要停止餵人奶.分享下喇!

gillianchan
我無你咁努力只係餵左個半月. 返工前同佢介左人奶啦
我只係飲左3日9菜湯, 介奶過程算順利. 希望你都係啦


大宅

國民生產總值:2869

2019新春慶豚圓


發表於 05-10-31 19:15 |顯示全部帖子

Re: 好緊張呀!就黎要停止餵人奶.分享下喇!

gillianchan:

我唔敢講自己好明白你,但你煩惱困擾、矛盾又無奈的心情我都試過。其實每次講起、唸起停人奶的事,我都忍唔住:-( ﹝真係冇用﹞,今次見到你post呢個topic,又觸動倒我傷心事。藹淳之前都食

該用戶已被刪除

發表於 05-10-31 19:37 |顯示全部帖子

Re: 好緊張呀!就黎要停止餵人奶.分享下喇!

提示: 作者被禁止或刪除 內容自動屏蔽


12
跳至
© Baby-Kingdom.com Limited. All rights reserved.