吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 我要做超人媽媽!

心聲留言今日: 2|主題: 17557

收藏本版

發帖

返回列表

跳至頁

查看: 1157 | 回覆: 10

我要做超人媽媽! [複製鏈接]

crystalma

大宅

積分: 2545

1^#

發表於 05-10-27 13:55 |只看該作者

我要做超人媽媽!

累極了!
但我仍然要繼續努力! 為左我的寶貝, 我要努力,努力,再努力!

我跟大部份母親一樣,為左子女,寧願放棄自己的事業前途,轉職文員工作,為的是五天工作及準時收工,為的是爭取多點時間去照顧家庭.

老公長註國內,一日比一日忙, 返香港的時間已經進展到一個月得番一,兩日.

全職媽咪0既我,既要返工亦要做屋企的當家, 爸爸媽媽也要當, 大小事務樣樣理. 因為有個新潮奶奶一齊住, 奶奶點我多過點工人.理由系工人唔識野, 必需家嫂親力親為做. 每逢週末購物日,超級市場游一游,羅野羅到成隻狗!

仔仔您越大越難教,工課唔願做,行為唔多好, 上課游魂,仲要比老師投訴. 媽媽早已察覺到, 有D問題發生左! 圖書館,網上頻頻找資料,雖然家中無人認同,但堅持尋根究底0既我. 终于找出答案, 經過多番評估,仔仔原來有種病,就系"缺乏專注力多動症",再加上點學習障礙, 難怪! 難怪! 您寫字總是東劣西倒,您默書總是記不上, 您總是坐不穩时左跌右碰.

一年級的年終考試,為左滿足媽媽, 您很努力的把中英數常考了4個A回來,但無知的我仍然覺得您顽皮,经常体罚您!

升上二年级,功课越来越多,越来越深, 好明显见到您力有不递了, 为左帮助您, 我接受医生建议采用药物治疗. 当然我清楚副作用, 但祈望仔仔可以顺利适应, 唔受影响. 近日加强了药量,看到您叫头痛,肚痛, 见到您吃不下,睡不著,我已经相当肉痛, 但昨晚看见您无缘无故大叫大让,放声大喊,大叫著-唔知想点,唔知想做唛,唛野都唔想做. 我内心很痛,很难过,看见您好像精神崩溃一样,做妈妈的我一D都帮唔上,选择药物治疗究竟对与错? 我的眼泪流在心里,好想有个膊到挨下,好难过,好痛!

当然, 当您告诉我下午食饭时给老师罚抄书,要抄完书才可以食饭, 而您自己抄得慢, 只吃了一口饭就打上课钟了,所以无饭食. 又当您告诉我, 老师把您由原先的第5组调往新开的第6组, 您天真的说,我没有组员的,我那组只得我一个人, 我是何等嬲怒! 我把情况通知校方,是为了加强家校合作,但学校拒人千里外及种种处理手法实在有问题. 我不会就此放弃,必定会为仔仔争取到底.

对于小女儿(下个月一岁了),我深存歉意, 我花了大部份时间去照顾仔仔, 小女儿从早到晚都是和工人一起,为左补偿一点,我坚持囡囡夜晚跟我一起睡,半夜囡囡扭计,我坚持自己揍,从不叫醒工人.屋企人叫我放手休息,但我好坚持,因为我想争取多D相聚时间. 老公叫我要放松一下,间中和朋友去行行街,食下饭, 但我放不下,我觉得现阶段孩子需要我!

不过, 我还是会减压的,就是上上BK, 还有我亦有购物乐,所以经常现身"二手市场"呢, 哈哈!

虽然真的很累, 但我会继续努力,学习如何多点包容,多点忍耐! 囝囝&囡囡,超人媽咪頂得順, 因為有您地这對心肝寶貝!

:-P :-P :-P

私人傳訊

AMYMAMA

大宅

積分: 3327

2^#

發表於 05-10-27 15:33 |只看該作者

Re: 我要做超人媽媽!

妳已經好叻的了, 加油!!!

私人傳訊

蘇菲姨姨

大宅

積分: 2768

3^#

發表於 05-10-27 16:31 |只看該作者

Re: 我要做超人媽媽!

看完後我 :-( 了, 你很堅強及充滿鬥志, 俾心機呀! 除了吃藥外還有做其他訓練及治療嗎?希望這裡有些有此經歷的媽咪爸爸可以幫到你 :-P

私人傳訊

fungyee

公爵府

積分: 28908

畀面勳章

4^#

發表於 05-10-27 17:11 |只看該作者

Re: 我要做超人媽媽!

媽媽真偉大, 支持你呀! 加油!! 加油!!

私人傳訊

師奶

男爵府

積分: 7696

好媽媽勳章畀面勳章

5^#

發表於 05-10-27 17:25 |只看該作者

Re: 我要做超人媽媽!

我睇左好感動,感覺到你為仔仔擔心,感覺到你因仔仔學校的不公平感到痛心疾首,更感覺到你因為對女女付出吾夠感到內疚。
但我覺得你是一位好好媽媽,係十項全能媽媽。
加油！加油！bk媽咪支持你架！

私人傳訊

Joy

子爵府

積分: 12241

6^#

發表於 05-10-27 17:42 |只看該作者

Re: 我要做超人媽媽!

是你本人嗎? 跟你相比, 我差遠了. 超人媽媽, 支持你!!!!!!!! 你的努力會有成果的!!!!

我係天天豬, 爸爸媽媽好愛我呀!

私人傳訊

justjust

大宅

積分: 4412

7^#

發表於 05-10-27 17:42 |只看該作者

Re: 我要做超人媽媽!

十分支持你﹐欣賞你正面想法﹐不棄餒﹐很多不夠毅力既人﹐早已怨天尤人﹐而不想法面對困難。

我冇你咁辛苦﹐但也差不遠。

我老公冇去大陸做野﹐但經常出差﹐夜歸﹐在家亦幫唔到大忙﹐我話佢係屋企同唔係冇咩分別。

老爺奶奶不同住﹐只有工人。買菜﹐當然自己買﹐唔想工人帶住BB去同其他鄉里傾計。同樣﹐為爭取親子時間﹐我上班前放工後都親自餵細女飲奶﹐同大女覆家課﹐睇書﹐玩玩具﹐畫畫.... 半夜也自己揍細女﹐一日只可訓5-6個鐘頭。全家﹐訓得最少既係我﹐咩都要揹上身既都係我。大女也因言語混亂有言語遲緩﹐見言語治療師共年半有多﹐當中亦很忙的不斷訓練﹐做練習﹐現大為進步﹐好多人唔講都唔知原來大女有見治療師﹐現治療師話可暫停半年再作評估。

老公都話不如今日去街﹐等工人揍女﹐朋友約夜晚食飯﹐但我話夜晚我要揍女呀﹐不如食晏啦﹐每晚我都唔想出街﹐其實係唔想留低兩個女。唉﹐我想我冷落老公了﹐實在應抽時間兩個人一齊。

好多父母原動力都係來自睇見仔女開心笑著既一刻﹐一家天倫既溫馨。大家共同努力﹐互相扶持﹗