產前產後

跳至

首頁
1

尾頁
   0


複式洋房

積分: 208


發表於 05-10-27 18:16 |顯示全部帖子

分享生BB的經歷

感謝主!BB很順利地出世了,雖然早了一個月,但藉著神的恩典,BB在意想不到的祝福下出世。(各位媽媽都可以試下祈禱)

10/10 2:30a.m.
在睡夢中突然肚痛 :-( ,以為只是一般肚痛(同一般肚痛冇分別),但點解會一陣陣痛嫁!仲係每隔5 mins 痛30秒。當時真係吾知係吾係陣痛,因為又冇見紅,又冇穿水,又仲差一個月先到預產期。

10/10 7:00a.m.
痛佐成5個鐘(不是太痛,十級痛中只屬一級),決定去醫院check check。本來我諗住去仁安生,但而家早成一個月,去政府醫院對BB來講是比較安全(雖然心裹害怕去政府醫院要痛好耐,唯有祈禱)。

10/10 7:30a.m.

到達威爾斯醫院,去到候產室,姑娘同我度下開了幾多度,點知係 0 度,即係未開(吾係卦,5分鐘陣痛一次都係未開)。姑娘安排床位比我,叫我等下,話我冇咁快生。(威院的姑娘好 nice,我比80分)。我的床位是近窗 ,大玻璃窗外綠悠悠,風景很幽美,隔離還有電視,我個人認為靚過浸會(我曾住過浸會三人房),心想冇入錯嚟!感謝主!


10/10 3:30p.m.

都係5mins 痛30seconds,但由一級痛升至三級痛。姑娘同醫生都成日嚟睇我(服務態度好好),話我只係開佐一度。老公係病房外等我,我隨時可出去睇佢,但由於我都有三級痛,所以卧床休息。最吾抵得身边的其他病人好似一D都吾痛,剩得我一個人痛。原來佢地仲未生得,是有其他問題先入院。

10/10 5:30p.m

探病時間,老公終於可以入嚟,我開始有五級痛,突然‘pop’一聲,穿佐水,開始勁痛,我眞係好感謝神安排我這段時間大痛,因為老公可以係我身边幫我按摩及祈禱,冇佐老公我驚我挨吾過。

10/10 8:30p.m.

好痛呀!已到達十級痛,姑娘話已開5度,可以去產房。產房是獨立的,好靚好新,D姑娘勁好人(90分)。姑娘好pro咁報告我的資料給其他同事(因我心臟跳得比常人快),同我check住心跳。我痛到好急,開頭姑娘話吾好用力,我話忍吾住啦!佢就同我睇睇,真係可以生啦!佢立刻叫我老公入嚟。然後就好似陸運會咁,好多姑娘同我打氣。『曄嘩』BB就出世啦!然後吾知姑娘定醫生(因為產房D姑娘同醫生個個都年輕貌美,分吾到係醫生定護士)好仔細檢查胎盤齊吾齊。BB有2.67kg(5.87磅)不過血糖有D低,要送入兒童病房,入暖箱及插營養水(好彩最後決定入威爾斯)。產房姑娘勁好人,立即抱BB比我,比BB吸人奶。


住了兩晚醫院,我們兩母子平安出院,埋單$350。在此感謝主完美的安排,給了我一次平安、愉快及慳錢生仔經歷。亦感謝威爾斯的醫護人員。

大家分享下你們生仔/女的經歷。





伯爵府

積分: 15505


發表於 05-10-27 18:32 |顯示全部帖子

Re: 分享生BB的經歷

睇完你既經歷,我都想去威爾斯生tim!


複式洋房

積分: 208


發表於 05-10-27 18:43 |顯示全部帖子

Re: 分享生BB的經歷

米奇BB:

開頭我都好吾願意去威記生,因為聽到其他人在政府醫院生的不愉快經歷。但今次早產迫住去,冇期望之下,威記帶比我大大的 驚喜。


子爵府

積分: 12911


發表於 05-10-27 19:12 |顯示全部帖子

Re: 分享生BB的經歷

dickmiu,
我係一個唔乖嘅基督徒,但平時都會有瞓前禱告嘅習慣;今次睇完您嘅經歷,我開始放鬆咗!其實我唔怕生BB,只係怕"痛"..............:-( :-( :-( 同埋驚BB出世會有問題
最後主會保守您&BB一切平安,健康成長 :lol:


複式洋房

積分: 208


發表於 05-10-27 20:54 |顯示全部帖子

Re: 分享生BB的經歷

basilmama,

講真,真係好痛!不過凡事禱告,交託主 ,主會為妳預備最好的。請放心!仲有六星期,好快就見到可愛的BB。到時點痛都吾記得晒。God bless you!加油!


首頁
1

尾頁

跳至