吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我這樣情況, 應唔應該離婚呢?

夫婦情感今日: 1|主題: 42728

收藏本版

發帖

返回列表

跳至頁

查看: 3784 | 回覆: 26

我這樣情況, 應唔應該離婚呢? [複製鏈接]

si818

洋房

積分: 763

1^#

發表於 05-10-30 01:34 |只看該作者

我這樣情況, 應唔應該離婚呢?

老公優點: 專一, 顧家, 對個仔好,幫手做家務, 但堅持唔學煮飯

缺點: 大脾氣, 小氣,自私, 冇儲蓄, 計較,

佢近來仲用手提電話拍下我沖涼的相, 但佢有delete, 我同佢講, 咁你好唔啱, 佢就話無野做,玩下, 完全冇覺得唔啱, 我同其他人講, 話佢好唔啱, 我想想吓佢咁做, 好變態, 好唔專重我,還有我地一路以來思想都好唔夾, 我和佢都有脾氣, 我地閙交, 佢一定大聲過我, 嬲得好犀利時, 會掉東西(eg.椅),仲有佢不太就我, 我現在已經想到他說什麼都不信他, 點解呢?因為我只會聴佢第一個答案, 個答案不是我要時, 佢就會再解釋,去說服我, 我覺得佢不是真心,所以我已經對佢冇信心, 以去到一個不再緊張佢, 愛佢的田地, 我有2歲個仔, 我真是不想傷害佢, 但我又不想再和他一起,好辛苦, 試過大家溝通, 體諒, 可能大家性格是咁, 變不到, 我點做好呢?

私人傳訊

Uchida

別墅

積分: 622

2^#

發表於 05-10-30 08:53 |只看該作者

Re: 我這樣情況, 應唔應該離婚呢?

清官都難審家庭事.
或者大家再坐下傾一次,並說出你的想法,看他是否想維系此婚姻 law

私人傳訊

parker

別墅

積分: 551

3^#

發表於 05-10-30 09:39 |只看該作者

Re: 我這樣情況, 應唔應該離婚呢?

係咪離婚真係睇你自己對婚姻期望同對呢個人既感情.

但提你, 用手機拍伴侶裸照係極缼德行為, 居心叵測, 完全不能接受. 你小心佢會唔會用針孔拍埋你地"行埋"既情況, 尤其你已經有離開佢既意思.

私人傳訊

esmond01

複式洋房

積分: 451

4^#

發表於 05-10-30 10:17 |只看該作者

Re: 我這樣情況, 應唔應該離婚呢?

妳好~!以我個人意見認為妳應該選擇同佢分開, 因為妳已經知道妳唔再愛佢, 咁樣大家好難再一齊生活落去, 而且我覺得如果為個小朋友好的話, 就更加應該o係佢未懂事時分開, 雖然每個父母都希望比到一個完整o既家比個小朋友, 但一個完整o既家唔代表係一個健康o既家, 如果一個小朋友生活o係一個成日家嘈屋閉, 一個冇愛o既家裡面, 對佢o既成長亦都會有影響, 而且當妳先生發脾氣時亦會變得好暴力, 小朋友亦有可能有樣學樣, 其實你o地分開唔代表個小朋友見唔到爸爸, 你老公亦可以時時去探佢的, 不過最後都係o個句, 妳最緊要諗清楚, 當有決定時就去啦, 我支持你呀~~!

私人傳訊

orangelai

複式洋房

積分: 490

5^#

發表於 05-10-30 11:11 |只看該作者

Re: 我這樣情況, 應唔應該離婚呢?

早晨呀｝｝｝｝我個人認為小朋友應放第一位，做夫妻難免有多少”咬殺”，咁難得做成夫婦，離婚真的是解決方法嗎？．．不要一時衝動作決定．．你認識你Ｃ６前已知他的性格．．你也可試吓講你現在感受．．睇吓Ｃ６有什麼反應．．不要輕易放棄．．．加油．．努力．．我哋支持你呀！

私人傳訊

onon1022

子爵府

積分: 12589

好媽媽勳章

6^#

發表於 05-10-30 11:35 |只看該作者

Re: 我這樣情況, 應唔應該離婚呢?

你地再傾一次...講出你因為呢d問題...對佢唔再信任...對佢既行為唔開心...覺得一齊辛苦...如果佢願意為左呢段婚姻去補救...咁你不妨再比多次機會佢...

[url=http://lilypie.com][img]

私人傳訊

si818

洋房

積分: 763

7^#

發表於 05-10-30 11:36 |只看該作者

Re: 我這樣情況, 應唔應該離婚呢?

好多謝大家意見, 佢就話自己咁為個家, 佢做錯什麼, 要和他離婚, 其實我和他以前已經分開幾次再一齊(佢之前對我好差), 到現在他性格和思想都冇改到,我對他已經冇感覺, 他擁抱和掂我, 都幾反感, 性方面,更加唔想, 我話想以後用安全套(暫時冇能力生第2個), 佢話以前一路都冇意外,(危險期用套, 其他時間體外),佢話不能接受以後用安全套, 我覺得佢自私, 冇想我感受,太多野, 一句講曬, 對住佢我唔開心, 對住個仔好開心,

私人傳訊

onon1022

子爵府

積分: 12589

好媽媽勳章

8^#

發表於 05-10-30 11:41 |只看該作者

Re: 我這樣情況, 應唔應該離婚呢?

既然性格不合...點解當初分完再合...佢應該都有佢既優點...你先會同佢起埋一齊...你有無試諗過正係諗佢d優點...咁你咪唔會咁憎佢囉...一個人成日諗住人地既缺點...漸漸會覺得佢好討厭...佢做咩你都睇佢唔順眼...不過既然你唔想再同佢一齊...分開下都好d既...

[url=http://lilypie.com][img]

私人傳訊

si818

洋房

積分: 763

9^#

發表於 05-10-30 12:21 |只看該作者

Re: 我這樣情況, 應唔應該離婚呢?

我因為個仔比左機會佢,到現在佢性格和我想法都唔同, 又專製,我覺得一直以來和他唔夾,一路遷就大家,好辛苦,佢根本話接受我條件(例如唔理我穿衣服,我個程度是吊帶都唔會着),到爭執時佢就話介意, 轉頭又話冇講過,

私人傳訊

si818

洋房

積分: 763

10^#

發表於 05-10-30 16:27 |只看該作者

Re: 我這樣情況, 應唔應該離婚呢?

私人傳訊

apple_y

大宅

積分: 1348

11^#

發表於 05-10-30 17:14 |只看該作者

Re: 我這樣情況, 應唔應該離婚呢?

是否真的不愛??
不要做錯缺定,真惜眼前人!!

http://www.hellob.com/

私人傳訊

smartkaka

別墅

積分: 726

12^#

發表於 05-10-30 17:54 |只看該作者

Re: 我這樣情況, 應唔應該離婚呢?

試下去找明愛婚姻轉導員傾，由第三者做中介人，或可找出問題所在，重新學習相處之道。
tel:18288，24小時有人聽

私人傳訊

sharonhwyc

珍珠宮

積分: 35656

好媽媽勳章畀面勳章

13^#

發表於 05-10-30 17:56 |只看該作者

Re: 我這樣情況, 應唔應該離婚呢?

第一.佢影你都好過佢影第二個啦,我老公有時都會影我架,
咁點呀?咪影番佢law,最緊要係你明唔明白佢點解要影你姐~
第二.佢可能係理你感受先至瞞住你呀~
我覺得你對佢有點避忌,同埋你都唔係好識點就佢law~

郁D就起晒鋼, o係論壇好難生存架, 學下大方d接受人地建議, 唔好咁小家!

私人傳訊

mameme

伯爵府

積分: 19230

14^#

發表於 05-10-30 18:27 |只看該作者

Re: 我這樣情況, 應唔應該離婚呢?

當你對果個人無 '愛'既存在時, 佢做任何事你都覺得唔合意, 甚至討厭!但係...你所講你老公既優點, 我諗已經係好多太太對丈夫既期望, 當你列出佢既優點時, 你有無諗過佢點解能夠做到呢? 會唔會係因為佢對你同家庭都有"愛"既存在?

我唔係好識比意見你, 但你會唔會太在意於佢既缺點而忽略優點呢? 你所講佢既缺點, 我覺得基本上大份人都會有, 視乎點樣去平衡, 係唔係到咗你完全包容唔到既地步呢? 而你自己既缺點...佢有無為個家而妥協呢?

當然..我唔接受動粗, 亦唔同意因為有個仔而强己所難, 只覺得你老公係咪真係咁差? 抑或只係你已經唔愛佢? 希望你响考慮離婚既同時, 可以去諗下佢既優點! 兩個人萍水相逢至組織家庭, 實在得來不易, 請珍惜愛你既人!

其實, 你講所發生既事, 每一點我都可以反駁, 怕你無興趣知吧!

私人傳訊

心妍媽

大宅

積分: 1480

15^#

發表於 05-10-31 01:22 |只看該作者

Re: 我這樣情況, 應唔應該離婚呢?

可以互相包容嗎.?
如果佢太過的話...再慢慢傾下...
我同隻C6 1齊15年...細細個就跟佢....
我就包容左佢好多野...係果12年佢一直都好好的...佢仲好錫我...會樣樣都聽我的...13年之後....
結果有個賤人介入左...佢就成個變到我都唔識佢一樣...簡直係第2個佢....可怕....之後我想到好多人生既道理呀....
係哩個時候只係大家既缺點仲未可以接受...要用些時間去改變...不要太多急進....慢慢來吧...

私人傳訊

方鍾SIR

洋房

積分: 403

16^#

發表於 05-10-31 01:41 |只看該作者

Re: 我這樣情況, 應唔應該離婚呢?

冷靜d, 諗清楚, 越急越亂, 越亂越急, 稍有差池, 抱憾終生, 小心小心!! ?-( ?-( ?-( ?-(

私人傳訊

哈哈笑

大宅

積分: 3773

17^#

發表於 05-10-31 10:27 |只看該作者

Re: 我這樣情況, 應唔應該離婚呢?

其實呢個會唔會係一個階段呀, 因為我同我個c6都係咁, 由生完個仔到依家2yr左右都係咁, 又唔係為咗個仔喎, 一係佢唔願訓覺到我都訓唔到, 一係佢唔願執野, 我成日都佢講"出年個仔返黎返學, 你就要湊佢返學, 我湊佢放學買餸煮飯", 但係到依家佢都係成10點幾至起身(因為佢份工係彈性上班) :-( :-( :-( :-( 唉!!真係比你激到死下死下.......出年1月就返學啦, 唔好又皆宜我呀........ :cry: :cry: :cry:

私人傳訊

ringoivy

翡翠宮

積分: 76971

18^#

發表於 05-10-31 10:43 |只看該作者

Re: 我這樣情況, 應唔應該離婚呢?

可否告知你兩公婆有幾大年紀呀

有時當兩夫妻生活覺得悶時, 搵D小沖撃都未嘗不可, 可能係因為呢個原因而影你相, 其實我好明白當你對住一個你唔鍾意既人時, 佢做咩你都會好反感, 呢個真係事實黎, 正如佢對你噓寒問暖你會覺得問長問短好煩, 佢想同你增加一D性趣, 你會覺得佢係變態..., 其實離唔離婚無人可以幫到你下決定, 因為你自己先清楚你自己, 但家陣目前唔係得你兩公婆, 仲有個小朋友, 而我亦唔係鼓勵你為左小朋友而夾硬同一個無感情既人一齊, 但我想你做既係自己一個行開下, 過下冷河睇下自己需要D咩, 自由自在既身活, 定一話要一個安樂窩, 若果係後者的話, 我覺得你有必要向你愛人講清楚你既底線, 你接受到D咩, 你接受唔到D咩, 大家搵個解決辦法, 日後先會有快樂日子