Platinum 寫道:
我依家20周, 一直都諗住去私家醫院生, 所以冇去到政府醫院登記. 前日去仁安照結構性超聲波, 醫生話我BB肺動脈偏窄(但仲算係响正常既range裏面)同埋頸部仲有積水, 担心我BB可能有一種好罕見既病症.
我依家担心萬一BB出世要留醫, 我可能負擔唔起, 因為聽聞如果BB要住氧氣箱, 仁安收成$2000一日, 而且萬一要瞓氧氣箱, 一定唔會住一日半日.
請問各位媽咪, 我可唔可以响私家醫院生, 而BB出世後即刻轉送去政府醫院留醫? 如果可以, 我係咪要去政府醫院登記左先? 我尋日打過去廣華問, 佢話我預產期果個月已經full左, 而威爾斯個電話又打極都唔通, 而家真係好愁... :-(