自由講場 今日: 3586|主題: 1023770

你地有無聽呀 ?

邊度有得聽???

無聽開佢電台節目，但有睇佢o係有線教煮"送"，只係做左幾集就無左，唔知同佢病有無關?
如果係真，希望佢逢凶化吉啦~

有呀, 啱啱聽到, 佢話係第二期, 已經做咗手術, 不過之後會再有d嘢要做, 就係電療, 佢話短短幾個月就變咗二期, 所以呀蘇奉勸各位女仕真係要每年檢查!
希望呀蘇身體健康!

啱啱cr1佢自己講,而家節目完左喇!

其實唔止每年, 係應該每月 period 完左之後, 自我檢查, 發現有少少, 就立即去睇醫生.....

[quote]
Rabbitlee 寫道:
有呀,

唔好意思...邊個叫啊蘇 ???

咪就係蘇詩黃囉﹗唔知有無寫錯佢個名呢？

haha ... 唔好意思都係唔知佢係邊個啊.... ^_^

以前係DJ, 而家通常教人煮野食, 有時係飲食男女都有佢d專欄.


[size=medium]希望佢快d好番啦

咁佢係咩癌呀公？

希望佢無事啦, 第二期, 康復係好大機會, 我都好鐘意聽佢做節目.

其實佢勇敢先講姐

小路:
佢係生乳癌呀﹗

所以我都諗住下月做bodycheck。各位姊妹都係呀，要定期
做bodycheck 先得呀﹗

我以前都有聽阿蘇做節目架,
真係好攪笑!
希望佢早日康復啦 :cry:

1/11/2005 萍果日報

「 無 論 男 女 都 快 作 驗 查 」
蘇 施 黃 患 乳 癌 火 速 開 刀

資 深 電 台 DJ 蘇 施 黃 昨 日 在 主 持 商 台 節 目 時 ， 透 露 自 己 患 上 乳 癌 ， 並 於 上 月 六 日 進 行 手 術 ， 現 正 接 受 電 療 。

商 台 DJ 蘇 施 黃 昨 日 主 持 《 友 誼 萬 歲 》 節 目 時 ， 公 開 講 述 患 上 乳 癌 ， 現 正 跟 癌 魔 搏 鬥 ， 是 繼 汪 明 荃 、 葉 麗 儀 與 陳 家 瑛 等 後 ， 再 有 演 藝 界 人 士 患 上 乳 癌 。
蘇 施 黃 昨 日 透 露 早 前 在 友 人 建 議 下 ， 四 月 進 行 全 身 檢 查 ， 再 於 九 月 三 十 日 作 婦 科 驗 身 ， 之 後 證 實 患 上 乳 癌 。

乍 聞 消 息 嚇 一 跳
蘇 施 黃 昨 日 在 節 目 中 平 靜 地 說 ： 「 我 五 十 年 冇 做 過 呢 類 型 驗 身 ， 檢 查 後 發 現 有 ， 跟 住 再 拮 支 針 抽 出 驗 ， 醫 生 之 後 就 話 有 個 好 唔 好 消 息 ， 係 乳 癌 ， 當 時 嚇 自 己 一 跳 。 」
蘇 絲 黃 續 說 ： 「 成 個 過 程 好 快 ， 六 號 開 刀 ， 十 一 號 已 經 出 院 ， 然 後 十 九 號 已 經 返 工 ， 其 實 我 家 重 要 做 少 少 ， 重 要 做 電 療 ， 本 來 唔 想 講 畀 大 家 聽 原 因 ， 係 驚 有 時 有 唔 舒 服 告 兩 日 假 ， 咁 人 會 諗 『 阿 蘇 死 得 未 呢 ？ 』 咁 我 又 唔 希 望 咁 去 嚇 怕 大 家 ， 有 記 者 朋 友 問 到 ， 我 都 好 樂 意 同 大 家 分 享 。 」

幸 未 擴 散 續 電 療
而 蘇 施 黃 更 在 節 目 中 鼓 勵 大 家 多 點 進 行 驗 身 ， 她 說 ： 「 希 望 大 家 能 夠 做 一 樣 ， 唔 好 以 為 唔 驗 就 冇 事 ， 我 問 過 醫 生 發 生 幾 耐 ， 原 來 係 發 生 兩 至 三 個 月 ， 開 始 到 家 已 經 係 第 二 期 ， 好 彩 冇 擴 散 ， 唔 係 成 件 事 會 好 壞 ， 我 希 望 度 奉 勸 各 位 女 性 每 半 年 做 一 次 mammograph （ 乳 房 X 光 檢 查 ） 同 ultrasound （ 超 聲 波 ） ， 無 論 男 女 都 要 快 快 脆 脆 去 做 驗 查 。 」

祝阿蘇早日康復