放完假返來...大家應該好掛住我呢~....
今集講下 99 覺得最自豪的事情.
最自豪的事情1)
生咗c6......由於99第一胎係女, 福建人都係重男輕女.....所以出世於文革時期既c6, 99一直當佢係天上有地下無既一樣~...所以比佢個乖仔鬧佢, 拒絕佢, dum佢d野....佢都只會笑~....好開心個仔肯鬧下佢~佢覺得佢個仔鬧佢果陣時係最可愛~...
最自豪的事情2)
生咗叔仔....由於99係40歲先生叔仔 (早期算係超高齡產婦)...佢成日都好自豪自己老蚌生珠~...個仔好似被佢禁室培育咗好多年咁....叔仔既表達能力係零~....同啞既無分別...叔仔最鐘意係屋企做毒男...成家人一齊出去食飯好似叫佢去槍斃咁...成晚坐到郁來郁去.....打少一陣機會鬼上身咁....(差未嘔埋泡).....
早年叔仔失業...係屋企困咗自己8個月....後來得到有人介紹去外地工作....終於唔做毒男啦~....但99話,佢寧願佢失業, 叫姑9養佢喎.....
(其實佢老來得仔呢單野係c6靠害既, 因為c6話係佢細個多手篤穿d袋, 所以先有細佬)
最自豪的事情3)
福建親戚(一對夫婦)!年初時, 佢地有個親戚係英國來香港探佢地(係c6表姐,大c6好多~)...99講到人地天上有地下無...有錢有生意...d仔女讀唔知咩大學...好巴閉咁.....但一睇個女既就知係鄉下人....著衫品味/行路/講野都已經表現出佢係一個大陸人....係酒樓食飯, 完全聽唔明佢講乜...原來佢只係識講福建話.....
幸好, 個男既有做開生意, 所以識講廣東話....
好心啦, 既然都去咗外國, 就唔好咁大陸啦, 仲要講到自己幾巴閉.......
後來c6話, 其實佢地係偷渡去英國, 10幾年前佢地試過係香港過期居留...大年初一比人拉咗去坐監.(c6自己狂笑)....後來再偷渡去英國...住咗10年...先申請到居留權...好心啦, 偷渡客就偷渡客啦...講到自己舉家移民咁...=.=
最自豪的事情4)
創業! 我99慳埋慳埋d錢, 一次過比人厄晒佢就最開心~....我覺得佢最自豪的事情應該係自己個腦係生係屎忽度...完全無用過個腦~.
成單野, 係佢落咗答之後....有一日同c6講, 佢去[看鋪]...c6一問之下...先講d唔講d......佢話有個親戚 (佢好多親戚厄佢) 叫佢拎6千蚊出來一齊做玉石生意....係深水埗有個架部租個位來賣玉...... 係同親戚夾份租...用6千蚊係入貨...少少地玩下喎.....
後來被c6查問之下....事實: 係深水埗有間藥房門口個位 (人地開咪賣野果d攤位) 600蚊租一日....d 玉...全部係[車]歪咗洞位...所以都係賣10-幾10一粒.....d貨係次貨中既次貨...仲係全香港最窮既深水埗攤檔...人地有幾10蚊都留返買餸啦~.....99叫破喉嚨都唔會有人幫襯佢~....
幫佢計下,一日要600蚊租+6000本 x 當佢做14日=$14400 除 30蚊一粒賣出去....要賣到480粒爛玉先回到本.....深水埗又點會有480個茂利幫襯99.....
前後99拎咗幾皮野出來....換咗一大包玉碎返屋企....仲笑笑口話生意失敗咗....佢睇下佢包玉碎讓比第二個去做喎~...
<font color="Magenta">大家睇還睇,千萬唔好轉載去其他地方呀!!!!仲想追我既故事,就請大家合作~保持我神秘身份!!!!
發表於 
mouth:
返回列表
