大仔大女媽媽會 今日: 0 | 主題: 177860

積分: 1228

1^#

發表於 05-11-5 12:05 |只看該作者

皮膚敏感

天氣轉涼，大家小心身體，上星期開始，因為天氣轉涼，阿女瞓得唔好，每晚都半夜起身瞓得唔好，所以買左余仁生的保嬰丹給她吃，第1次食晚上比半樽她吃冇問題，第2天早上才吃埋另外半樽，同埋o麻o麻用佢地古老方法用鑊炒芙蓉花再用手帕同佢燙風，但一直沒有事，點知到晚上佢個身一塊塊紅色，嚇死我，佢又沒有喊同扭計，仲好開心同我玩添！

第2天便同她去睇醫生，本來想睇返同佢打針的荃灣路x圍果個劉X鴻醫生，但上次打針開始覺得他的態度串，雖然睇得細心，但我問多幾句，就好似覺得我問咁多，問佢攞退燒藥好似乞咁唔想比，我有比$打針架，同埋d姑娘教我奶奶用針筒餵藥，我奶奶唔識問多句，就即刻話你唔識用我比匙你囉!!!果日早上8:30開門一定要登記晒門口等的人才接電話掛號，通常電話掛號仲編你遲 2 個鐘先有得睇（有3個姑娘話係度好得閒傾計，電話響都唔會接電話，話佢地規矩是要等到唔知幾點先聽電話），我當時去到是早上8:45，我見唔係好多人，大概 2-3個人，佢叫我早上10:20再來，跟住我問我係第幾個，d姑娘唔睬我，我好嬲，即係去左睇其他朋友介紹的荃灣陳小敏醫生，去到都有好多人係度等，大概 6-7 個人，但睇得好快，我睇完都唔使早上10點，個醫生睇得真係好細心，我問左好多野，佢叫我唔好咁擔心，同埋d姑娘都OK，仲同阿女玩，仲問我會唔會比糊仔佢食，話有Sample，仲比左6大包我添。

阿女原來係皮膚敏感，前幾天o麻o麻同佢沖涼都發現佢有粒粒，以為係熱痱，醫生話佢個肚好多風，可能佢瞓得唔好係肚好多風肚痛同埋蘊釀皮膚敏感痕，佢仲話好多原因會皮膚敏感，可能佢瞓得唔好又抵抗力差左，咪會咁，佢又話答唔到我是否食保嬰丹，不過昨天已經揸過藥膏，同埋飲左d肚風藥水去風好番好多了。

私人傳訊

DoDoMum

積分: 530

2^#

發表於 05-11-5 13:28 |只看該作者

Re: 皮膚敏感

ev928,

依家囡囡飲o左藥, 好番好多, 咁樣你就放心好多了。係呀! 如果bb有肚風, 真係周身唔舒服o架, 唔知係唔係用樽餵奶呢? 如果係的話, 就真係要注意了。希望你囡囡快d 好番晒~

湊女日記 ]安穎安傑相簿

私人傳訊

bcmok

積分: 2939

好媽媽勳章醒目開學勳章

3^#

發表於 05-11-5 14:09 |只看該作者

Re: 皮膚敏感

好耐都無同你傾計,你個女好返未呀? 做左人媽咪睇見自己個 bb 吾舒服,個心就實哂幾想代個 bb 去受呀.我11月已經無返工喇,而家日日在家照顧吓個女.我個女而家有 13.5 磅,成日想反身,又玩口水,你個女呢?

私人傳訊

ev928

積分: 1228

4^#

發表於 05-11-5 18:37 |只看該作者

Re: 皮膚敏感

bcmok,

係啦!好耐冇同你傾計，我呢排好忙呀!你仲有沒有餵人奶呢?我個女好番好多，多謝你，我未去健康院磅，對上2個月磅重11kg，你真係偉大，冇返工係屋企湊女，我都會繼續返工因為份工可以準時放工，我個女都係成日想翻身同埋都有玩口水，仲成日叫人添。

bcmok, DoDoMum, 你地2個女件動物衫都好靚，你係邊度買架，貴唔貴呢?

DoDoMum,

多謝你，我會注意了

bcmok 寫道:
好耐都無同你傾計,你個女好返未呀? 做左人媽咪睇見自己個 bb 吾舒服,個心就實哂幾想代個 bb 去受呀.我11月已經無返工喇,而家日日在家照顧吓個女.我個女而家有 13.5 磅,成日想反身,又玩口水,你個女呢?

私人傳訊

bobo媽

積分: 3051

5^#

發表於 05-11-6 01:40 |只看該作者

Re: 皮膚敏感

ev928,
你bb好番好多就好lu

聽完你個case我都會留意下bb..
話時話,原來劉X鴻醫生咁衰o家

我依家去李x謙醫生度同bb打針,大至上都ok.你話嗰個陳小敏醫生係咪响荃豐

私人傳訊

外地媽媽

積分: 710

6^#

發表於 05-11-6 15:14 |只看該作者

Re: 皮膚敏感

ev928,

我個女最近都訓得好差、以前夜晩一覚訓天光（吾係餵奶）、
但最近兩個幾礼拝真係晩晩醒!!!個幾兩個鐘又醒一次。我都頭痛緊佢發生咩事！
見到你個Case、我個女会吾会都係肚有風尼?!
我睇佢又好似無咩吾舒服、望下佢、佢又笑口騎騎！日本都入冬了、10幾度咁。会吾会真係転季節BB吾適応尼??!（我已経同佢蓋足被）我想問你仲有無D咩妙法同BB去風？因我尼度D医生吾会講話咩肚有風呀、熱気呀尼D中医野架！

我想褒姜比BB沖涼、各位媽咪你地話得吾得？？？ ?-(

私人傳訊

QutieBaby

積分: 4922

7^#

發表於 05-11-7 10:17 |只看該作者

Re: 皮膚敏感

外地媽媽,
BB太細個,我覺得唔適合用薑同佢沖涼,如果你懷疑佢有肚風,你不妨試下用bb油滴小小係你o既手掌心,然後搓"興"對手,即刻放係bb肚仔,d老人家話好有效驅肚風o架!健康院姑娘都有教可以用打圈方法同bb按摩肚仔都可以o架!不過聽你形容個女又唔係太似有肚風,因為如果有肚風o既bb會好唔舒服,成日喊,抱住都唔喊o架!

私人傳訊

bcmok

積分: 2939

好媽媽勳章醒目開學勳章

8^#

發表於 05-11-7 13:17 |只看該作者

Re: 皮膚敏感

ev928

我而家重有餵人奶,不過得返 1.5 餐 ( 每日泵得 8 安度 ),我就係無返工所以重想餵下先,但睇黎都就快要結業喇

我其實係想轉工又想休息吓,咪11月吾做 law,諗住過左農曆年再出動.我舊個份工太長時間喇,連坐巴士每日都要成 12-13 個鐘,返到屋企重要泵奶同個女洗白白,所以都係搵過份近屋企好,save 返 d 坐車時間呀嗎.

我個女件衫響女人街買架,個檔口對住先達架,好易搵.而且只係 $40 另外有 d 厚 d for 冬天著都係 $50-60 左右,著來影相效果幾好架.

私人傳訊

外地媽媽

積分: 710

9^#

發表於 05-11-9 10:43 |只看該作者

Re: 皮膚敏感

QutieBaby,

我仲係頭痛緊BB点解夜晩訓得吾好∼　好羅命∼∼∼

而家試緊用油同BB驅肚風、睇緊効果...　

Ah∼∼∼ :cry:

私人傳訊

積分: 2558

10^#

發表於 05-11-9 10:57 |只看該作者

Re: 皮膚敏感

老人家教，沖奶時搖混奶水之後，擰開個蓋放一放氣，有時會聽到"gi"一聲架，咁樣d奶就會無風喎，好簡單，試下啦！

私人傳訊

積分: 2558

11^#

發表於 05-11-9 11:05 |只看該作者

Re: 皮膚敏感

外地媽媽，你個b仲係唔肯瞓呀？佢多唔多屁屁？如果多風，屁屁都會多d架。試下臨瞓同bb按摩，輕輕同佢摔下全身手腳，等bb放鬆，睇下會唔會易d入睡。

Qutiebaby講，摔興手掌即刻放響bb肚皮上，可以驅風，我以前上中醫班都聽過，醫師話好好架。而Johnson按摩小冊子就教用手掌順時針按摩bb肚仔，可令bb脹胃消化好d。

我個囡上星期連續晚晚半夜醒，搞到我無覺好瞓，但呢兩晚又好好，一覺瞓天光，但我又無做過d乜喎。

私人傳訊

外地媽媽

積分: 710

12^#

發表於 05-11-9 11:35 |只看該作者

Re: 皮膚敏感

myrchan,

我餵人奶架、所以無得放気Law... :mrgreen:
而我已差不多日日同佢做Baby Massage、佢都吾知幾爽！
我都想有人同我做Massage∼ :cry:
BB而家訓下醒下Law！夾夾埋埋都訓得够既！不過我就辛苦D Law！！！

私人傳訊

積分: 2558

13^#

發表於 05-11-9 11:36 |只看該作者

Re: 皮膚敏感

講開皮膚敏感，可能係前排阿囡面仔出奶癬，佢成日摔面，所以幾晚都瞓得唔好。

私人傳訊