夫婦情感 今日: 16 | 主題: 42766

積分: 76971

2^#

發表於 05-11-7 16:37 |只看該作者

Re: 放親假都好唔開心!!!!

唔好意思若果我無記錯係咪好耐之前話你爸爸過身, 99身體唔好又帶左個b出街個位呀, 不過是但啦, 呢劑還呢劑

你唔鍾意99, 99亦唔鍾意你, 所以你覺得去99到, 99唔會比你入門, 我相信你係諗多左囉, 首先你要知道嫁雞隨雞老公揀定左無得變, 與其係咁倒不如嘗試溶入裡面, 不過冰凍三呎非一日之寒, 既然以前都只係叫一聲的話, 咁你家陣返到去咪都係叫一聲就算囉, 我深信你99更唔鍾意你都好唔睇憎面都要睇佛面一定會比面你老公唔會趕你走的, 連咁基本既第一步你自己都踏出唔到仲可以講d咩啫

另外, 我接受唔到你老公打你

因為佢都知你忍左99好耐都只不過講左一句說話就大打出手, 呢樣野我真係願諒唔到佢, 不過既然你地雨過天晴就算啦, 家陣既對策係你老公想你讓步在先, 你咪姑且順佢意去99到一趟睇下佢係咪會守諾言去你外家囉, 若果佢食言咁你都打定輸數無謂再同呢d卑鄙男人一齊啦, 盞苦了自己

私人傳訊

阿8

積分: 798

3^#

發表於 05-11-7 16:43 |只看該作者

Re: 放親假都好唔開心!!!!

其實如果你老公同你ge路係反方向又真係好難攪！

私人傳訊

積分: 76971

4^#

發表於 05-11-7 16:56 |只看該作者

Re: 放親假都好唔開心!!!!

所以咪總要有人作出讓步先囉

倘若佢讓左步隻佬得寸進尺的話.......

私人傳訊

阿8

積分: 798

5^#

發表於 05-11-7 17:07 |只看該作者

Re: 放親假都好唔開心!!!!

係。
我老公就揀左同我搬出黎
我果陣又係日喊夜喊..（不過我唔知老公知吾知，因為我唔會係佢面前喊）
晚晚唔係屋企食飯
奶奶終於忍唔住出聲”屋企D野唔係咁難食嘛..晚晚出去食，個仔成日喊呀..自己番黎睇番呀!"　dooooo 收線
（屋企係有工人架）
我老公又忍唔住返去抱埋阿仔去食
之後...我老公話”不如...搬出黎住”
我心諗梗係好啦。
點知...我老爺捉我老公傾
話佢地老喇..又得你一粒仔
你點都要照僱我們喇...講呢D說話
老爺出動..又點會唔成事呀　
我老公有一晚攬住同我講
話佢地此終得佢一粒仔..點都唔可以唔理
不如遲D先諗搬啦
oh！！！呢個時候
我D眼淚係無扮法唔流出黎
我話..你比左一個好大ge希望我
以家又係你...一掌打番我落去
不過都無扮法∼∼∼佢決定唔搬，決定做孝順仔
我無可能去阻止！
（第一節完）

　　

私人傳訊

積分: 76971

6^#

發表於 05-11-7 17:12 |只看該作者

Re: 放親假都好唔開心!!!!

其實有時老人家都真係唔係你地相像中咁難相處的, 做後生既試下豁達少少, 我都衰衰地同62 99住過一年, 不過我地係唔夠地方住先迫不得已搬, 否則我估家陣我地仲一齊住緊呀

你地要記住家有一老如有一寶, 老人家講野唔啱聽咪當自己時運高聽佢唔到囉, 當佢地發up風得架啦

好似家陣我講野你地唔啱聽唔回應一樣之嘛

既然你地可以做到咁對我, 點解對住老人家又做唔出呀

私人傳訊

阿8

積分: 798

7^#

發表於 05-11-7 17:17 |只看該作者

Re: 放親假都好唔開心!!!!

（第二節）
之後..有個星期日
我地一家三口去同我爸媽食飯
係老公開車途中
我的眼淚不停咁落
我都控製唔到..（唔知你地有無試過）
係真好出奇
之後...我老公攬住我話”老婆！我地搬喇”
但係其實當時我ge心情係
我真係唔想迫你
之後.....
我地番去講話搬
我地就好少講野咯
到以家成三年幾咯
佢地由接受唔到...到以家都覺得分開住係好ge心態
不過當然..搬左出黎後...一定要成日返去咯
唔好比D老人家覺得搬左出去就係=唔理佢
（第二節完）

私人傳訊

積分: 76971

8^#

發表於 05-11-7 17:20 |只看該作者

Re: 放親假都好唔開心!!!!

同意, 你想人尊重你, 首先都要問下自己有無去尊重過人先, 再且, 嗰兩個係你老公最值得尊重既人

愛屋及烏呀朋友

私人傳訊

阿8

積分: 798

9^#

發表於 05-11-7 17:29 |只看該作者

Re: 放親假都好唔開心!!!!

我同意偶像你話老人家唔係一定難相處
但係真係有D係會得閒到去理埋你兩公婆幾時上床咯！
我果陣成日唔開心
咁出夜街約朋友食飯就一定多架喇..下話
老爺係會問老公點解唔跟埋去架
我覺得好以多事左少少咯
我煮公仔面食
又好話我唔問下佢食唔食
都明知你唔食化學野，問乜叉o昔
但係原來佢地係要呢D表面野
我又點知同點做得出呢???
總之一切係搬左出黎之後...大家都平安過渡
由我果陣好黑心想佢地快些去賣蛋
到以家我想自己賣先好過佢地賣先
分開住你話幾好呀。
不過最緊要都係個老公都要體諒大家
郁手我就接受唔到咯。
　

私人傳訊

阿8

積分: 798

10^#

發表於 05-11-7 17:30 |只看該作者

Re: 放親假都好唔開心!!!!

收工。
bye bye

私人傳訊

想做個開心媽咪

民房

積分: 3

11^#

發表於 05-11-7 18:06 |只看該作者

Re: 放親假都好唔開心!!!!

ringoivy,
好多謝妳比意見我呀!

嗰個唔係我黎架, 我係第一次上黎BK架, 平時都係睇人地點寫. 自己就好少講, 因為我慣左自己收埋自己, 未同奶奶嘈之前, 連我呀媽都唔知我住得咁唔開心架 :cry:

講返d內心嘅說話吖, 其實未搬之前, 我成日自己會念, 幾時可以搬, 成日覺係奶奶欠我架, 要我同佢一齊住, 反而而家我係覺得我欠左佢, 得佢一個人住 & 工人, 我都好耐久, 有時都會念, 遲d再同佢一齊住, 但再念又好驚好似以前咁住得咁唔開心!!!上個星期日, 我同老公同埋我屋企人一齊出去消野食, 夜晚10點幾我奶奶打比我老公話佢個心口唔舒服, 我老公就叫佢去驗血, 我自己念左好耐, 究竟打唔打比佢問侯下好呢, 因為奶奶仲係幫我照顧兩個小朋友的, 到第二朝, 我鼓起好大勇氣打比佢, 問侯下佢, 問佢駛唔駛我呀媽來幫手睇幾日, 佢好"留"咁話, 好吖!好吖! 叫妳呀媽自己湊返啦, 我只係答佢, 好吖, 就收左線啦! 妳哋話啦, 點會重有可能上去吖! :cry:

私人傳訊

onon1022

子爵府

積分: 12596

好媽媽勳章

12^#

發表於 05-11-8 00:32 |只看該作者

Re: 放親假都好唔開心!!!!

其實...你係同你老公生活...一生一世...你嫁既係你老公...唔係你奶奶...如果你想同你老公唔再係呢個問題再嘈既話...我覺得你真係要行出一步...返黎奶奶屋企...又唔係去住...只係探下佢...食下飯...食完咪走囉...唔好為左一個人...攪到夫妻之間唔愉快...

[url=http://lilypie.com][img]

私人傳訊

BBKHC

等待驗證會員

積分: 943

13^#

發表於 05-11-8 02:03 |只看該作者

Re: 放親假都好唔開心!!!!

同意onon1022說法, 為

]

私人傳訊

阿8

積分: 798

14^#

發表於 05-11-8 09:44 |只看該作者

Re: 放親假都好唔開心!!!!

想做個開心媽咪,

首先
你願意先行出第一步以經係好好
但係你無可能你一行呢一步
對方就要立即接受咯
比少少耐性同心機
慢慢佢會睇到你對佢ge好意
佢都會心軟架喇!
你奶奶話心口痛
佢係好似小朋友咁嗲下個O昔
佢呢排係一定會特別多病痛架
一來佢會炸下嬌
二來佢可能真係會屈到病
雖然佢可能真係難頂
但係~~~當就下佢老人家算喇
老公見你咁識諗..識體諒佢
可能佢會梗加愛鑊你!

私人傳訊

積分: 76971

15^#

發表於 05-11-8 09:58 |只看該作者

Re: 放親假都好唔開心!!!!

唔....照你咁睇好明顯你99係呷緊醋, 下次你屋企人去bbq時不防打個電話問下佢一唔一齊去, 有時我都明老人家好q煩, 問你明知你唔會去, 但唔問你就會出現呢d咁既情況咋病...等, 老實講唔好話你99, 有時我自己媽咪都會咁, 見我好耐無返去就會無精打采咁 c c 下好似好唔開心, 問佢做咩唔開心, 其實無咩特別事, 佢就會懶話周身痛....等多多藉口等你關心下佢, 而我睇你post出黎我覺得你99係介意你地問都無問下佢一唔一齊玩, 所以佢比說話你聽話叫你亞媽湊小朋友等..., 佢覺得你都識搵時間同媽咪去玩, 點解就唔可以抽時間同佢去玩, 不過老人家係咁咩都鍾意擺在心上, 所以有時做後生既咪識做問多句無壞 :wink: 禮多人不怪, 我都好明比人潑冷水唔好受, 但做左自己份內事, 你問十次佢十次都咁對你, 慢慢佢自己會化或者你老公都有眼睇係佢老母唔啱, 日子久了你除了win到老公個心, 我相信你老公唔係盲目的, 佢聽得多見得多你咁受佢老母氣而又無呻過一句半句, 佢自己都會有日忍唔住鬧佢老母一餐到時幫你出番一口氣囉

私人傳訊

阿8

積分: 798

16^#

發表於 05-11-8 10:09 |只看該作者

Re: 放親假都好唔開心!!!!

每個奶奶...都會呷醋!

私人傳訊

積分: 76971

17^#

發表於 05-11-8 10:11 |只看該作者

Re: 放親假都好唔開心!!!!

錯...係每個老人家都會呷醋先啱. 有次鑽石山間寺開張, 我99行動又唔方便我見我地有車想帶佢出去玩下, 佢不知幾開心, 但可惜到最尾無去因為我老公話佢麻煩行動唔方便一陣跌親就唔好.....等....

所以到最後佢都係空歡喜一場

私人傳訊

阿8

積分: 798

18^#

發表於 05-11-8 10:20 |只看該作者

Re: 放親假都好唔開心!!!!

咁你99有無講”生仔呀...拿！！生仔呀。”
hahahahahahaaa

ringoivy 寫道:
錯...係每個老人家都會呷醋先啱. 有次鑽石山間寺開張, 我99行動又唔方便我見我地有車想帶佢出去玩下, 佢不知幾開心, 但可惜到最尾無去因為我老公話佢麻煩行動唔方便一陣跌親就唔好.....等.... 所以到最後佢都係空歡喜一場

私人傳訊

PINKAVA

男爵府

積分: 7534

19^#

發表於 05-11-8 10:28 |只看該作者

Re: 放親假都好唔開心!!!!

想做個開心媽咪

我覺得做人就係要大家就下, 但老人家你要佢讓步就真係好難, 唔多唔少佢認為你係衰人, 搶佢個仔, 呢d係正常既。

但係, 你想你們既關係惡化到佢入官才為止嗎?

諗深一層, 佢咪當99係細路仔lor, 你"乙水"得佢幾多年丫, 你就當為頭家又好, 為老公又好, 積福都好。你先做好你既心抱, 既然你上次都行出左第一步, 去問候99, 佢話返你轉頭or唔領情, 都唔緊要架。反正佢話你, 你聽完就算, 當佢唱歌, 唔好記住, 佢又唔會食左你。你咪又再行大步d lor, 如: 帶d孫上去探麻麻, 買d小食, 冬天買件寒衣.... 做多小小野啦, 唔好成日計住、數住我今日點點點對佢, 但佢又咁咁咁..

日子有功呀, 你肯豁達d豁出去, 實有一日感動到你99架, 而你老公會有眼睇既, 見你付出咁多, 自然對你寵愛有加。

有一句說話好好用架: [size=medium]人到無求品自高 你而家唔係要佢地幫你, 又唔係靠佢, 又唔係求佢, 你做既係出於自己既心, 出於自己既品格。或者又當係比自己一個好大既考驗, 挑戰自己既eq, 努力呀!!! 支持你!!!!

(提外話) 亞8

多謝你上次教我"屌"呢個字,我昨晚用呢個仔寫左首歌比李唔知道贈慶呀

私人傳訊

阿8