國家地區媽媽會 今日: 0 | 主題: 20263

積分: 8831

1^#

發表於 12-2-6 12:06 |只看該作者 |倒序瀏覽 |打印

唔經唔覺，黎左美國快12 年。我每次聽到／睇到以下呢啲，我會激動同眼濕濕：

粵劇，舞獅

羅記﹣﹣獅子山下
陳百強﹣﹣幾分鐘約會，因為開頭有地鐵既廣播：“往中環列車即將到站。。。”
甄妮﹣﹣東方之珠

你地會唔會有類似心情／情況？

所以無論無記啲劇幾爛都好，我都會睇，因為見到啲街景會好開心。

0 0 0

私人傳訊

meatballs

公爵府

積分: 25635

2024年龍年勳章畀面勳章

2^#

發表於 12-2-6 13:02 |只看該作者

本帖最後由 meatballs 於 12-2-6 13:03 編輯

muimui313 發表於 12-2-6 12:06
唔經唔覺，黎左美國快12 年。我每次聽到／睇到以下呢啲，我會激動同眼濕濕：

粵劇，舞獅

都有㗎～
睇到佢地去游行，donate 燈報紙反雙非等等嘅新聞都睇到眼濕濕

私人傳訊

積分: 174137

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

3^#

發表於 12-2-6 13:22 |只看該作者

你講果D都係我嘅香港回憶，我係粵劇迷，差不多晚晚上youtube搵粵曲聽，仲有關正傑、羅文、張德蘭等，見到以前D武俠劇片段，真係彷如回到童年時，我而家去圖書館都有搵D舊劇嚟煲番。

花旗太太生活在花旗國，留意時差，你問我未必即時答到。

私人傳訊

積分: 8831

4^#

發表於 12-2-6 15:10 |只看該作者

rose-mag 發表於 12-2-6 13:22
你講果D都係我嘅香港回憶，我係粵劇迷，差不多晚晚上youtube搵粵曲聽，仲有關正傑、羅文、張德蘭等，見到以 ...

我同學仔，錢佩佩，喺香港電台第一台播粵曲，你有無聽一台呢？我想捧佢場，但成日夾唔到時間，返工又唔准上網，想上網捧佢都唔得。

私人傳訊

積分: 8831

5^#

發表於 12-2-6 15:14 |只看該作者

meatballs 發表於 12-2-6 13:02
都有㗎～
睇到佢地去游行，donate 燈報紙反雙非等等嘅新聞都睇到眼濕濕

睇到呢啲新聞，我仍然會好肉緊，會嬲個政府，一係視而不見，一係做埋啲野去擾民。

私人傳訊

積分: 174137

6^#

發表於 12-2-6 15:28 |只看該作者

muimui313 發表於 12-2-5 23:10
我同學仔，錢佩佩，喺香港電台第一台播粵曲，你有無聽一台呢？我想捧佢場，但成日夾唔到時間，返工又 ...

冇呀，上網聽收音機成日都聽唔到，又要啱時間，返工上到網但唔可以聽歌，因為要聽電話，我父母係粵劇迷，屋企都好多粵曲粵劇碟。我好多個老倌都鍾意，最L係任白，但其他如林家聲、新馬師曾、芳艷芬、鄧碧雲、文千歲、李寶瑩都鍾意，新一D嘅好似李龍、蘇春梅、李淑勤、郭鳳女、龍劍笙、梅雪詩、倪惠英、謝曉瑩等都不錯。

花旗太太生活在花旗國，留意時差，你問我未必即時答到。

私人傳訊

積分: 8831

7^#

發表於 12-2-7 14:32 |只看該作者

rose-mag 發表於 12-2-6 15:28
冇呀，上網聽收音機成日都聽唔到，又要啱時間，返工上到網但唔可以聽歌，因為要聽電話，我父母係粵劇迷，屋 ...

你可能對呢個有興趣：

西九大戲棚 1
西九大戲棚 2

我睇呢啲都會眼濕濕。

私人傳訊

babytomato

積分: 8223

畀面勳章環保接龍勳章

8^#

發表於 12-2-7 15:03 |只看該作者

回覆：聽到／睇到呢啲，我會眼濕濕。你地會唔會架？

我都係TBB劇忠實fans，老公每日都dl嚟滿足我，又成日睇生果報，見到啲雙非嘅報道都好上心，好想返HK遊行

私人傳訊

積分: 174137

9^#

發表於 12-2-7 15:34 |只看該作者

muimui313 發表於 12-2-6 22:32
你可能對呢個有興趣：

西九大戲棚 1

多謝分享，睇完都幾唏噓，新光都冇埋，我未入過戲棚或戲院睇大戲，
因為票價太貴，以前讀書果陣雛鳳喺浸會大專會堂做大戲，睇住排幾日隊，
真係好勁，我係細細個就成日煲粵語長片果D，我媽又開住收音機聽粵曲，
以前香港電台係鍾偉明做主持，而家鍾偉明都已作古。我媽睇住阮兆輝做童星大，
而家佢都做到大老倌啦。但粵曲俾人覺得老土真係好可惜，
其實我覺係好有文化嘅一種藝術，D歌詞做手用動作真係靚到不得了，
都未計化粧同戲服，有機會我都想著下戲服化下大戲粧，以前有想過去學，
但又好似好老餅咁，我又未去到顛嘅程度，我對仔女都鍾意睇篤篤撐同舞獅。

花旗太太生活在花旗國，留意時差，你問我未必即時答到。

私人傳訊

積分: 8831

10^#

發表於 12-2-8 00:58 |只看該作者

babytomato 發表於 12-2-7 15:03
我都係TBB劇忠實fans，老公每日都dl嚟滿足我，又成日睇生果報，見到啲雙非嘅報道都好上心，好想返HK遊行

...

你老公真好。我用dish network, 如果要睇香港既台，要加多隻碟，加月費，仲好似無翡翠台睇，得亞視同大陸台。我老公唔想我同佢爭電視睇，佢唔肯加。我唯有上網搵。最衰呢排土豆，優酷從良，所以好多港劇都睇唔到，要喺網上慢慢搵，有時好彩有人load上youtube咁就有得睇。

私人傳訊

積分: 8831

11^#

發表於 12-2-8 01:03 |只看該作者

rose-mag 發表於 12-2-7 15:34
多謝分享，睇完都幾唏噓，新光都冇埋，我未入過戲棚或戲院睇大戲，
因為票價太貴，以前讀書果陣雛鳳喺浸會 ...

細個時，我屋企每年都去茶果嶺天后誕，我爺係出錢又出力果種，果度每年都有大戲棚，都去過一兩次，好熱鬧。
以前屋村啲公園／波地真係好大，附近既屋村都好多時都有撘棚，有神功戲。可惜而家啲人為左起樓，啲公園越縮越細，想撘都無位啦。

私人傳訊

積分: 174137

12^#

發表於 12-2-8 02:56 |只看該作者

muimui313 發表於 12-2-7 09:03
細個時，我屋企每年都去茶果嶺天后誕，我爺係出錢又出力果種，果度每年都有大戲棚，都去過一兩次，好 ...

以前細個我住屋村，樓下球場都耐不耐有表演，不過唔係大大個戲棚果隻，係個好迷你得個台果種，都有睇過一兩次，但阿媽話太夜，好多時都睇少少就走，反而係睇電視聽收音機多。我都冇裝有線，一來月費貴，二來多數都係對仔女睇兒童節目或DVD多，老公又霸住部腦睇電視，我要夜晚佢地瞓晒至有得睇，以前我都係睇土豆同優酷架，而家就慘啦，不過youtube都有唔少粵劇，TBB劇就好少睇到，因為冇耐就會俾youtube剷走，最近睇咗天與地大結局，係幾有意思，又未至於係神劇咁誇。

西九大戲棚好大呀，希望有機會可以真正撞啱可以去到睇。

花旗太太生活在花旗國，留意時差，你問我未必即時答到。

私人傳訊

積分: 8831

13^#

發表於 12-2-8 11:14 |只看該作者

rose-mag 發表於 12-2-8 02:56
以前細個我住屋村，樓下球場都耐不耐有表演，不過唔係大大個戲棚果隻，係個好迷你得個台果種，都有睇過一 ...

哈哈，所以係youtube一搵到，要即睇，唔慢得，好似前排有人up 左“那些年” 我bookmark左諗住遲啲睇，點知渣都無埋。
天與地，節奏快，無咁老土。我都係為左睇陳豪

私人傳訊

積分: 174137

14^#

發表於 12-2-8 12:47 |只看該作者

muimui313 發表於 12-2-7 19:14
哈哈，所以係youtube一搵到，要即睇，唔慢得，好似前排有人up 左“那些年” 我bookmark左諗住遲啲睇， ...

我冇話捧邊個演員，我就係鍾意睇故事，所以以前咩戲都睇得一餐，
咩故事書雜誌都睇，不過我識周旭明，佢係我鍾意睇嘅編劇之一，
佢好多舞台劇我都睇過，有幸參與過幾個。

花旗太太生活在花旗國，留意時差，你問我未必即時答到。

私人傳訊

積分: 8831

15^#

發表於 12-2-8 14:39 |只看該作者

rose-mag 發表於 12-2-8 12:47
我冇話捧邊個演員，我就係鍾意睇故事，所以以前咩戲都睇得一餐，
咩故事書雜誌都睇，不過我識周旭明，佢係 ...

估唔到你以前搞舞台既。你搞邊瓣架？
我細妹搞道具，我地成日笑佢工作係 “裝假狗”。之前，好似係劍雪浮生，佢都有做後台，但做邊瓣就唔知。

私人傳訊

積分: 174137

16^#

發表於 12-2-8 15:00 |只看該作者

muimui313 發表於 12-2-7 22:39
估唔到你以前搞舞台既。你搞邊瓣架？
我細妹搞道具，我地成日笑佢工作係 “裝假狗”。之前，好似係劍雪浮 ...

我做台前，即係演員，都試過編劇同導演，不過都係演員輕鬆D啱我多D，
中學玩到大學，後來出嚟做嘢都玩過，果陣好迷架，有諗過考演藝，
但我自己知自己事，生得矮又唔靚又冇身裁，加上屋企人反對，
所以都係正正經經考大學。

花旗太太生活在花旗國，留意時差，你問我未必即時答到。

私人傳訊

積分: 8831

17^#

發表於 12-2-9 13:03 |只看該作者

rose-mag 發表於 12-2-8 15:00
我做台前，即係演員，都試過編劇同導演，不過都係演員輕鬆D啱我多D，
中學玩到大學，後來出嚟做嘢都玩過， ...

我以前間唔中去睇話劇，分分鐘我睇過你演劇。
唔好咁話自己，羅X蘭，劉X麗，焦X，都唔係樣靚身材正架。有化粧，又可以裝假狗，哈哈，矮啲可以就返啲矮既男演員呀。

聽你咁講覺得有少少可惜添。家人支持真係好緊要。

私人傳訊