我地一行人去到酒樓, 見到d兄弟姊妹好慘咁, 好彩, 我d表弟妹即刻幫手,
因為要拜神既關係, 所以我地好遲先到酒樓, 個時都差唔多5.30
咁我終於可以著住套掛同自己屋企人影返d相, 咁我阿媽阿爸就好高興啦,
諗住影完相就去換夜晚套衫啦
(我係有兩個新娘房, 一大一細, 大既留返俾自己同d姊妹, 細既就諗住留俾兩個阿媽同其他人換衫用)
點知, 我大約6點入去換衫後, 6.30左右, 我阿媽就話要入來換衫, 我問佢做仲唔去另一間房換?
阿媽就答: 你99霸左間房, 鎖埋門, 你幫我搵個姊妹入去拎返套衫俾我啦
我: 下, 霸左間房, 咁是但啦
我就叫左個姊妹來幫我過去拎, 點知, 敲門後, 99話佢換緊衫, 叫佢地等陣
如是者, 到左7點仲未出來
我自己都換好衫, 同d朋友影緊相啦, 我見我阿媽仲未有得換, 今次, 我忍唔住自己去拍門
我: 99, 你無事啊麻, 你係入面好耐啦
99: 無野啊, 出來啦
(佢終於開門, 但有一陣煙味湧出來, 原來99同未來大嫂係入面化妝set頭換衫+煲煙)
我: 99, 呢度唔食得煙啊
99: 我鎖埋門, 邊個知, 係咪襯家要換衫啊
我: 係啊
咁我就叫阿媽咪入去換啦, 我阿媽面有難色咁話
媽: 啊囡, 我件衫好大陣煙味啊, 我點換啊
我: (勁無奈地) 我借d香水俾你噴下啦, 都無法啦, 對唔住
媽: 我知唔關你事, 但, 我其他衫可唔可以放你個間房啊, 我唔想又臭晒啊
我: 好啦
跟住我就行返去台影相, 當時我當然同c6投訴啦, c6都覺得好對唔住
C6自己走埋去同62&99講, 呢度唔食得煙, 你地要食煙就落街食
99就好大聲咁”講”: 好巴閉咩, 呢度又唔係得我一個食煙, 你趕晒d人落街啊
C6: 而家室內禁晒煙啦, 無人會係度食囉
咁c6又上返台繼續影相, d親戚朋友開始到啦. 99又出招, 佢先係開晒我地準備既紅酒開始飲
(我地係book埋任飲, 但要開席後, 所以開席前要飲酒就可以開自己既紅酒)
係咁捉住d親戚上來影相, 親戚a單人一張, 兩公婆又影一張, 同埋6299又一張, 同埋d仔女又一張, 如是者
每一個親戚都影4-5張相, 我個邊d親戚就係咁係度等, 最慘既係, 99死唔肯落台, 企係度大叫呢個埋來,
咁我屋企人又唔好意思叫佢俾我個邊影, 我覺得唔對路, 我就好大力咁批左c6一下, 叫佢醒少少
咁c6就叫佢地落台先, 我屋企人先有得影, 今次, 我就捉住阿爸媽唔放, 我係咁叫d姊妹幫我叫我個邊d親戚過來影,霸返個台先
一路梅花間竹咁影到8點, 我一定要入去換衫進場啦, 點知99又話, 唔得, 未影大合照
咁我心諗, 大合照, 好快啦, 咁諗住影埋先啦, 點知, 男家都要分開99個邊同62個邊, 企係個台度仲要3催4請先過來影,
足足玩左15分鐘, 我已經黑晒面, 我既醒目姊妹就走埋來講: 新娘子夠鐘換衫啦, 一陣先再影過啦, 咁終於捉左我走
(後話: 後來先發現, 兩襯家竟然無一齊影過一張合照囉, 哈哈)
終於捱到進場, 一齊都ok既, 因為無人再可以搞d咩, 直至到敬酒既一part, 真係勁
我換好衫, 岩岩出返房準備敬酒, 突然間聽到有人大聲鬧交
全場靜晒望過去, 原來係99既妹同99既表哥嘈緊交, 兩枱人企晒起身, 叉住腰咁互鬧,
我怒啤住c6, c6即刻衝埋去睇下咩事
99就講左句: 佢地不嬲都係咁, 有心病, 無辦法
(喂, 大佬啊, 你明知就唔好俾佢地一齊坐啦, 再唔係唔好請其中一個得唔得啊, 貪好睇咩)
我眼見一班兄弟同c6既哥哥+62行埋去, 終於都平靜左, 但我已經覺得自己好肉酸了
我行埋我屋企人度, 同佢地講無事無事, 唔使擔心, 我阿媽就已經想喊
媽: 啊囡, 你將來會唔會好辛苦啊
我: 媽, 我搞得掂既, 我係嫁c6, 唔係嫁其他人, 佢地搞親我, 我唔會俾佢地好過既
媽: 你自己睇住啊
跟住就開始敬酒, 99去到呢一part, 超級hyper, 因為佢係”酒鬼”一名
杯杯清, 去到佢自己個d親戚度就直程唔想走, 我已經無理佢, 拖住c6繼續行
咁酒樓會有位姐姐帶路既, 連個度姐姐都問使唔使等埋99
我一句車埋去: 唔使啦, 行啦
去到差唔多尾既時候, 食魚時, 我行左去自己阿媽個枱傾幾句. 酒樓個經理就走埋來同我講
經理: 你地d紅酒白酒飲晒啦, 得返一支, 使唔使留返俾你地?
我: (呆)下, 我地買左120支紅酒, 60支白酒喎, 飲晒… 唔係阿
經理: 係啊, 99有d叫我地唔好開, 佢話直接送俾d朋友喎
我: (發癲中)而家我俾錢定佢俾錢啊, 佢話要送就送, 要拎就拎, 我話唔俾啊, 你過去拎返晒返來俾我
經理: 下, 咁我好難做喎
(我就大叫c6過來)
我: 你啊可拎左d紅酒送俾人, 而家唔夠飲, 咁點先
C6: 無理由啊, 送咩俾人
我: 你問我, 我問邊個
C6同個經理講: 你行埋去開晒所有紅酒佢, 如果佢地咁都要拎, 無法
經理: 咁飲唔晒都照開晒佢啊?
C6: 係, 總之開晒佢
經理就好無奈地走左, 我見d待應開始開晒d紅酒
99就走埋來問c6
99: 你做咩開晒d酒
C6: 橫掂都要飲, 早d開晒佢囉
99: 有d親戚話好飲, 我叫經理留左20支俾我送俾佢地
C6: 今日我擺酒, 唔係我送禮, 又食又拎啊
99好無引地走左
終於都送埋客, 打算換衫找數走人時, 99又一個箭步衝左入佢間房
咁當然, 我阿媽既衫已經係我間房度, 所以我都由得佢
諗住過埋今日, 咩事都無啦, 但仲有follow up…..
發表於 
返回列表
