香港18區媽媽會

收藏本版
發帖
返回列表
跳至頁

首頁
12

尾頁
   4
hotsing


男爵府

積分: 7154

2024年龍年勳章 2023年兔年勳章


1#
發表於 12-3-12 15:02 |只看該作者
阿女係細b,考咗好多間幼稚園都唔收,現在只有間唔出名學校收咗讀下午班,問心好想佢繼續讀英藝,見佢真係好開心,而且老師都好好,由乜都唔識到現在識咗好多野,不過想起要捱3年無學卷用的日子,負擔好大,一家人要好慳,又唔知咁做值唔值得!又唔知道英藝畢業生通常前途係點?將來我想比佢讀返資助,政府小學,現在唔知點決定好。
私人傳訊

OKOK123


禁止發言

積分: 7804

好媽媽勳章 畀面勳章


2#
發表於 12-3-12 15:16 |只看該作者
提示: 作者被禁止或刪除 內容自動屏蔽
私人傳訊

odiedie


大宅

積分: 3174


3#
發表於 12-3-12 15:34 |只看該作者

回覆 回覆:hotsing的帖子

等一年做大女得唔得？有其他心宜學校嗎？或者照升英藝k1，到k2轉校？

點評

hotsing  心儀學校當然有啦,不過我個女唔係人地心儀對象呢!乜到k2有機會轉學校?  發表於 12-3-12 16:51
私人傳訊

milk2008hk


水晶宮

積分: 74860

wyeth冷知識勳章 睛靈勳章 畀面勳章


4#
發表於 12-3-12 15:38 |只看該作者
英藝課程比其他幼稚園深的(深一年).....如果仲要係細女讀.
我諗會幾辛苦(但係到小學可能佢會覺得舒服D)
....如果係我,我會比佢做大女....(因為我個個12月的),
同埋你負擔咁大,仲要一家人要好慳,我覺得無咁既必要....
我自己就唔會再比佢讀囉,寧願比佢出去學..(興趣班)

點評

oceanmatthew  很讚成你的話,小孩會知道自己成為家裡負擔,根本不用這樣  發表於 12-3-17 20:48

私人傳訊

hotsing


男爵府

積分: 7154

2024年龍年勳章 2023年兔年勳章


5#
發表於 12-3-12 16:57 |只看該作者
本帖最後由 hotsing 於 12-3-12 16:58 編輯
milk2008hk 發表於 12-3-12 15:38
英藝課程比其他幼稚園深的(深一年).....如果仲要係細女讀.
我諗會幾辛苦(但係到小學可能佢會覺得舒服D)
... ...

我都明白你所講。我個女其實係10月出世,又唔係細到12月,唔湯唔水! 佢現在又唔係跟唔到學校課程,因我問佢d英文字母同生字,佢都答到,我都無係屋企教過佢,證明佢都有聽書....不過佢一個月學費等如人地成7個月學費,真係好金!
私人傳訊

Fannie923


禁止訪問

積分: 3374


6#
發表於 12-3-12 17:25 |只看該作者
提示: 作者被禁止或刪除 內容自動屏蔽
私人傳訊

kittytyl


大宅

積分: 3558


7#
發表於 12-3-12 18:27 |只看該作者

回覆：好煩,唔知好唔好比女繼續升上英藝k1

萊茵唔收嗎？學費好似平dd！慳一元得一元
私人傳訊

milk2008hk


水晶宮

積分: 74860

wyeth冷知識勳章 睛靈勳章 畀面勳章


8#
發表於 12-3-12 21:14 |只看該作者
回覆 hotsing 的帖子

其實唔止7個月了,真光正校唔洗學費,二校好似係百幾,
生命而家都唔過百,肖珍就好似要4百幾....

這三間都係元朗好好的...

不過我女讀生命,真係比其他2間淺.....我諗你個間仲深.....
你真係要好好諗清楚....

點評

Vandi  其實英藝, 一個月學費 = 有學劵扣既3年學費呢  發表於 12-3-15 17:14
hotsing  最慘你所講那3間都唔收呢,佢現在果間要六百多元學費!  發表於 12-3-14 10:30
私人傳訊

hellocarmen


複式洋房

積分: 486


9#
發表於 12-3-12 23:13 |只看該作者

回覆：好煩,唔知好唔好比女繼續升上英藝k1

我都諗爆頭，生命收了我小朋友，但英藝又真係學到好多，自己又小小想小朋友返全日，當然錢係最大問題，諗了大半年，都仲未想得好
私人傳訊

flowerw88


大宅

積分: 4805


10#
發表於 12-3-13 11:08 |只看該作者

回覆 回覆:hotsing的帖子

你仲要预英藝加學費和雜費
私人傳訊

lyctina


男爵府

積分: 7025

醒目開學勳章 畀面勳章


11#
發表於 12-3-13 11:09 |只看該作者
我仔k3了,捱左4年,到8月就可以每個月多5千幾蚊洗!諗起都開心!
但真係可以肯定,佢依4年,係學校真係學倒好多好多野,
由其英文普通話,因為日日上堂都對住外籍老師,
依d係有學卷學校俾唔倒的,
如果比我再揀多次,我都會比我仔讀英藝,
不過....唔係因為英藝好好,
而係因為係元朗冇學卷既學校唔係咁多,
(冇學卷學校先能做到全外籍老師既學習環境)
冇選擇之中既選擇!
私人傳訊

snoopyiu


伯爵府

積分: 19315


12#
發表於 12-3-13 17:44 |只看該作者
讀唔讀英藝係睇錢份上, 如果手頭鬆動緊係比佢讀上去, 講真語文方面真係會好好, 不過唔夠錢就唔好諗, 唔好強迫自己, 如果到時真係收入少左無辦法比就要小朋友轉校仲衰~ 不過我覺得英藝只係英文堂上得多d課程深d, 到時上小學追得無咁辛苦, 呢個優勢只係去到小二, 因為上到小二追唔上d小朋友已經追得上~ 咁多年比咁多錢學費只係上到小一有呢個優勢, 去到小二就打回原形架啦~ 其實讀其他幼稚園都可以keep到小朋友語文各方面, 自己教係好重要, 又比小朋友去上出面上英文堂都得~

我大果個小朋友係英藝讀左四年架啦, 算係細仔, 上小學都跟得上, 我覺得比佢其他同學仔仲要好, 不過我有一邊教佢speed up 佢, 因為老師都有講其他同學仔都努力緊, 小二已經追得上架啦, 即係話佢地上到小二就係打平手架啦, 之後睇小朋友能力同家長點教~

我細果個小朋友都無讀英藝比佢讀有學卷幼稚園, 我知道要點教同埋都比佢出面上英文堂, 始終學卷幼稚園請唔起外籍老師日日上英文堂架~ 學語文講真係要家長幫至得~

英藝同學仔好多都係係返呢度讀書, 都有唔少係讀資助, 有d會讀直資, 總之咩小學都有英藝同學仔啦~ 講真我唔覺得我地好d, 覺得仲要努力d, 唔好比小朋友偷懶話佢學過同埋依家成績好唔代表自己叻, 只係其他同學仔未追得上, 尤其係英文科, 英文科最高分唔代表你英文叻, 只係其他同學仔唔習慣呢個模式~ 所以我依家同小朋友持訓緊, 唔理學校教咩英文, 因為佢地小一英文係淺d要比其他同學仔暫時追得無咁辛苦~

點評

hotsing  Thank you, your information is very useful!  發表於 12-3-14 10:34
私人傳訊

P師奶


大宅

積分: 2347


13#
發表於 12-3-13 18:06 |只看該作者

回覆：好煩,唔知好唔好比女繼續升上英藝k1

我都爭扎緊同唔同我小朋友報無學券幼稚園。錢方面我地應付得黎，但唔知每年俾四五萬蚊學費係咪物有所值呢？如果讀學券幼稚園同每月用四五千蚊黎學英文、樂器、游水同其他野會唔會更有效能？幾個月後就開報K1, 要慢慢諗清楚
私人傳訊

bb01


男爵府

積分: 6262


14#
發表於 12-3-14 10:06 |只看該作者
如果錢唔係問題，一定無學卷果d學得多好多，我覺得都好值得！

點評

hotsing  問題係錢都係一個問題!如果發咗就唔洗煩!  發表於 12-3-14 10:36
私人傳訊

三個白白豬


伯爵府

積分: 18964

我的育兒心得勳章 好媽媽勳章 BK Milk勳章


15#
發表於 12-3-14 10:12 |只看該作者
如果有能力的話,我會慳 d 都比佢讀.
一來小朋友讀緊...好開心.
二來小朋友學到野...你見到成效
三來佢課程比人深...小朋友好易適應
四來呢間 d 英文和國語都 ok,升小學,完全冇問題啦.
但你要預左好多雜費,比賽費....
私人傳訊

hotsing


男爵府

積分: 7154

2024年龍年勳章 2023年兔年勳章


16#
發表於 12-3-14 10:58 |只看該作者
hellocarmen 發表於 12-3-12 23:13
我都諗爆頭，生命收了我小朋友，但英藝又真係學到好多，自己又小小想小朋友返全日，當然錢係最大問題，諗了 ...

如果我個女入到生命,我就唔洗咁煩啦!
私人傳訊

sheepdog


大宅

積分: 2519


17#
發表於 12-3-14 12:42 |只看該作者
捱幾年, 換來佢o既語文基礎, 影響深遠, 我唔會慳囉. 錢搵返黎係愛黎洗, 爭在洗去邊咁解? 洗咗去個仔度, 咪第二度洗少d, 唔會話唔得.

對一個bb黎講, 冇所謂深定淺之分, 深定淺係大人去定義, 你教乜細路就學乜, 佢鬼知邊d係難邊d係易咩?

私人傳訊

snoopyiu


伯爵府

積分: 19315


18#
發表於 12-3-14 13:40 |只看該作者
sheepdog 發表於 12-3-14 12:42
捱幾年, 換來佢o既語文基礎, 影響深遠, 我唔會慳囉. 錢搵返黎係愛黎洗, 爭在洗去邊咁解? 洗咗去個仔度, 咪 ...

其實語文基礎唔係單靠學校架, 要家長都配合埋一份~

講真唔好講到讀完英藝英文一定好至得, 只係學多少少英文咁解, 唔保証小朋友講英文好叻, 我個小朋友讀完都只係講到幾句, 無可能好似人地一輪咀咁講, 基本聽得明少少咁解~ 如果家長平時幫下小朋友操下都有呢個結果架~ 同埋學深d佢地上到小一會變得lazy又覺得自己好叻咁, 其實係其他小朋友未追得上, 到小二打平手架啦, 其他小朋友(大多數讀有學卷)追得好快架~

阿仔係英藝讀左四年(全日班), 都洗左廿幾萬啦, 英文上到小學真係差左, 多左港式英語, 讀幼稚園時連英文字都似外國人, 讀的英文聽唔到有港式口音架~ 之後真係要我地做家長幫至得, 我覺得讀英藝學唔到港式英語呢度係好之外, 其他野其實同學卷幼稚園無分別, 反而係少左德育教育果類~

我唔比細果個小朋友讀英藝係覺得呢個幼稚園時期應該係強調德育人格自理方面的訓練多過語文, 因為德育人格果類係一生一世影響深遠, 始終小朋友係聽老師教多過家長同埋同其他同學仔一齊學係易入腦, 好似老師教佢地唔係亂洗錢要聽家長話, 小朋友入哂腦~ 語文其實家教係著重d架, 可以陪佢地多睇書, 多看英文節目, 上下d 英文 playgroup 都可以~ 所以我選擇左比小朋友讀學卷幼稚園, 其實好多小朋友都係讀學卷, 上到小學連老師都講家教影響到小朋友的語文能力多過係學校架, 好似阿仔果班最叻果個, 英文科係第一名, 佢係讀學卷幼稚園架~

所以讀唔讀英藝錢當然最重要, 仲要諗你想小朋友變到點樣~
私人傳訊

P師奶


大宅

積分: 2347


19#
發表於 12-3-14 22:04 |只看該作者
回覆 snoopyiu 的帖子

你分析得好好！
我都覺得唔可以靠曬學校，如果返到屋企無follow-up，就算俾十幾二十萬去交幾年學費，小朋友都未必會英、普俱佳。
德育同大小肌肉訓練方面，無學券既幼稚園(英普班/國際班)會唔會弱d呢？時間去晒學英文同普通話，會唔會少左時間教德育同玩遊戲做運動？我無呢方面經驗，有無版友分享下？
我屋企係雙職家庭，兩公婆返工時間好長同好忙，有d擔心第時無乜精神去教小朋友英文同普通話。如俾小朋友讀無學券學校既英普班，似乎係最簡單既solution，但呢一刻我地都好puzzled，唔太sure洗呢舊錢係咪會洗得其所。
希望有多d版友分享下啦
私人傳訊

kittytyl


大宅

積分: 3558


20#
發表於 12-3-14 22:30 |只看該作者

回覆：好煩,唔知好唔好比女繼續升上英藝k1

想問下冇學卷的幼稚園係咪一定德育自理差，有學卷的呢方面好d？

有冇方法可以balance? 我重視語文，一直覺得私校可以fulfill我要求，但睇見講d私學著重語文就忽略德育，咁又似乎唔太好！
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見