夫婦情感 今日: 17|主題: 42596

我係咪有產前抑鬱?

我自從今年過年果時發現c6係icq扮女仔同女仔計(冇錯!係icq, 但係另外開一個新a/c), d女仔講到好似做媛交咁, 講到好露骨…..呢個a/c係由大約06年用到而家, 我睇返佢chat d時間好多都係半夜點零鐘(個時我未同佢結緍唔係一齊住, 所以佢半夜玩我都唔知, 但個時我同佢每晚講電話通常都唔會過十二點, 佢就話攰唔講要瞓覺), 一睇到d message 同時間我就係度喊, 但我又要扮唔知, 當然我亦用返我個a/c同開多2個a/c add佢啦, 但係只係add咗, 冇過計

我個時係度諗, 點解我同佢拍咁多年拖都唔發現呢? 其實佢有冇見過呢d女仔, 定係已經一齊咗?

我日日返工就係度上icq睇吓佢有冇online, 不過自從佢add咗我之後就冇on過line.
我都放鬆咗少少,

同時我都有check佢mobile, 睇吓佢有冇亂識女仔, 又比我發現佢同初戀女朋友whatsapp. 呢個女仔而家已經嫁咗過澳洲, 仲有2個小朋友, 個女仔知我有咗, 仲叫c6對我好d, 又同c6講一定要比我知存在, 但c6冇, 講仲話驚我亂諗嘢. 個女仔仲話要寄嘢返嚟送比bb.

我雖然信佢同個女仔冇嘢, 但都唔開心同係度喊, 我覺得好冇助

到上個禮拜, 我襯佢沖涼個時check佢電腦, (因為佢做電腦, 所以部電腦長期唔熄, 仲要係1個mon駁幾部電腦個d, 有時佢見我行過書房佢會特登轉咗, 唔比我睇), 今次我發現佢dl 唔知d咩sauna 囡囡相, d囡囡著得好sexy, 瞓係床個d, 有相直情係用相機影, d file名係順no.咁落, 我一時間check相機, 但係冇發現 仲有c6 save咗間sauna 地址, 我今次冇再忍佢, 我坐係佢書枱度喊, 開住d相等佢出嚟, 佢一沖完涼見我係佢書房喊都心知不妙, 佢問我做乜, 我即刻問佢點解會有呢d相, 佢話d相係d forum show出嚟, 個個男仔/男人都係咁睇同dl, 我冇理佢, 我返入房係度喊, 佢d態度講好委屈佢咁. 仲誓神劈願話冇過d對我唔住o既事, 我個刻個心好亂, 唔想同佢講嘢, 個晚我冇乜瞓過………..第二日, 我返工冇打過比佢, 放工睇完醫生, 十萬個不願意返佢屋企食飯, 但表面上要做到冇嘢, 免得佢屋企擔心, 而我表面上好似原諒咗佢咁, 不過一瞓落床, 又諗起d相, 又係度喊, 但c6唔知我做乜又係度喊, 我有同佢講.
星期日晚, c6因為要趕功課, 所以做到3點先瞓, 我有吹佢, 因為佢唔駛返工, 星期一晚, 佢放學返嚟食完飯沖完涼都11:00, 我同佢講咗陣冇謂嘢, 佢又嫌我住佢打機, 個晚佢又2點都瞓, 我發佢脾氣, 咁夜都唔瞓, 噚晚我諗住佢會唔打機陪我一陣, 或者同我肚裡個b玩一陣, 但點知, 佢係, 一隻手拎住部機, 一隻手放係我肚面, 我見佢咁勉強, 我話要瞓, 咁佢真係繼續打機, 而我就搵個背脊對住佢, 跟住我又喊, 但係我喊咗半個鐘佢先知我喊咯, 佢問我做乜嘢, 我話冇嘢, 我只係唔想答佢, 唔想睬佢, 我個心就同阿b講, “你睇吓你老豆, 有冇理過我兩仔乸,” 成晚同我講唔夠10句嘢, 又冇問過bb點, 其實佢想點? 如果冇阿b,成件事會唔會係咁? 我而家大住個肚乜都做唔到, c6要出去我都冇辦法!