在職全職 今日: 21 | 主題: 48040

積分: 209

1^#

發表於 12-4-2 16:33 |只看該作者 |倒序瀏覽 |打印

本帖最後由 sbeida123 於 12-4-10 02:10 編輯

更新, 屋企唔會有任何變動

bb+工人會跟奶奶住, 我會盡量星期六日抽時間上去睇bb, 老公會多D返去幫手,

我地會努力D儲錢, 目標係7年內換樓, 到時接返個仔一齊同住

0 0 0

私人傳訊

py84ko

子爵府

積分: 12246

好媽媽勳章畀面勳章 hashtag影視迷勳章

2^#

發表於 12-4-2 16:59 |只看該作者

上下隔床, 我唔知你媽幾大, 佢老人家爬上爬落都好危險, 有冇想過子母床?

點評

肥妹心 agree 發表於 12-4-5 13:20

Heidilok agree 發表於 12-4-5 12:50

蘿絲頭 agree 發表於 12-4-5 12:49

MariaTsui agree 發表於 12-4-5 10:48

loverydm 第一時間詅到呢個問題？老人家可以麼？跌襯好大件事GE 發表於 12-4-5 04:54

fishes agree 發表於 12-4-5 03:17

haydenden1023 認同發表於 12-4-4 11:53

vickymok717 agree, 我都想問呢個問題發表於 12-4-3 10:40

私人傳訊

積分: 17176

3^#

發表於 12-4-2 17:02 |只看該作者

sbeida123 發表於 12-4-2 16:33
我阿媽跟老公同住 (因為層樓係我供), 屋有2房, 520呎左右, 工人同BB訓廳, 前日, 我跟阿媽行街睇bb床時, 個s ...

小朋友大咗(由返學開始)跟住父母會較好, 再上一輩照顧小朋友起居飲食無問題, 但教育方面應該由父母做...
除非父母或 62 99讀好多書.
你小朋友仲細未需要咁快和你媽爭坳住房問題,免傷感情.....

我覺得你打算BB和你媽同房好正常,但通常好少要老人家爬上爬落睡上格床.....
睇番我身邊的朋友, 如小朋友在10歲以下, 通常會買子母床, 或買床褥比小朋友睡地下, 如房間連床褥都不能放, 通常會小朋友跟父母一間房...
等小朋友大個D (小學以上), 買碌架床, 細路睡上格, 老人家睡下格.

點評

多多綠茶 agree! 發表於 12-4-5 15:02

MariaTsui yes 發表於 12-4-5 10:48

私人傳訊

積分: 209

4^#

發表於 12-4-2 17:40 |只看該作者

其實子母床定上下格床都唔係一個問題, 我concern係唔明點解阿媽有呢個諗法, 我上網睇可能bb到2歲時都要開始換床, 咁做得裝修黎, 即係要bb 1歲幾就要plan, 因為都要儲錢架, 咁我都唔想到個仔1歲時突然同阿媽講, 個仔要同你share床, 佢咪仲接受唔到

私人傳訊

積分: 17176

5^#

發表於 12-4-2 18:10 |只看該作者

本帖最後由 ppsfung 於 12-4-2 18:11 編輯

sbeida123 發表於 12-4-2 17:40
其實子母床定上下格床都唔係一個問題, 我concern係唔明點解阿媽有呢個諗法, 我上網睇可能bb到2歲時都要開始 ...

每個人性格不同, 你應該對你阿媽有一定程度了解..... 如果佢咁講令你很不安, 你不如直接同佢講第日打算小朋友同佢SHARE房....
正常來講, 同自己個孫同房無乜大不了, 可能你阿媽一時想唔到可以咁,隨口講吓架咋... 你唔使諗到佢要你骨肉分離咁大件事....

我唔知你屋企間格係點, 照理換張床唔都係好複雜... 要一年前PLAN咁大件事 ????

我覺得你不用想得太長遠, 應該睇BB發展而去決定點做.... 你本書話2歲換床只係參考....
跟據我經驗, 1歲左右BB已開始唔想睡BB床, 要跟大人睡, 我屋企床夠大, 所以BB同我地一齊睡, (我地不放心BB和工人一齊睡照顧無咁好)... 到咗再大D張床好迫, 我地先買床褥睡在地上, 然後才找合適的床.

私人傳訊

積分: 209

6^#

發表於 12-4-2 23:26 |只看該作者

其實之前同阿媽傾BB出世後邊個湊時(因我阿媽要返工), 佢已經叫我將BB拎返奶奶屋企, 完全冇諗過我工作地點及我個人感受, 後來同老公商量後先決定請工人, 間屋係多左個人迫左, 但至少可以自己湊BB

到今次買床, 話張床遲早都要換時, 佢又一口咬定叫個仔跟奶奶住, 又係完全漠視現實環境講出黎既建議, 就係唔係因為第一次, 我先覺得佢未接受BB出世後間屋企係點都會有所改變既事實

我工人7月返工, 我開始擔心佢地既相處問題, 既然佢咩都諗左自己先, 我唔敢想像叫佢就工人早D訓佢會有幾唔高興

BTW, 因為我阿媽間房傢私係訂做, 所以再造床時就要折原本既傢私, 唔係複雜, 只要將佢而家既梳妝台拎走就可以放一張小童床, 但佢活動空間會少左好多, 而且出入佢都要就住 (因為房細), 我怕佢越遲知道件事佢越難接受, 至於我地張雙人床得5呎, 訓多隻貓就得

私人傳訊

milimili

大宅

積分: 2460

7^#

發表於 12-4-2 23:53 |只看該作者

回覆 sbeida123 的帖子

我想問, 向你未結婚前, 係咪你同媽咪已經向呢間屋住開架 ? 雖則係你供, 但一路住開都係一個人一間房, 佢可能未必習慣同人share, 有時老人家都想有自己的私人空間.

點評

多多綠茶 agree.....每個人都想有私人空間...... 發表於 12-4-5 15:05

MariaTsui agree 發表於 12-4-5 10:53

私人傳訊

積分: 209

8^#

發表於 12-4-3 10:27 |只看該作者

我未結婚之前, 佢自己訓大房, 我就訓細房, 到我結婚老公搬入黎, 佢就讓左間大房俾我地, 自己訓細房, 咁到而家有bb, 要叫佢再讓多半間房出黎, 可能佢唔多鐘意卦, 之前請工人時, 我已經諗過佢同工人同房, 但最後我寧願叫工人訓廳, 都冇郁佢間房, 咁bb出世後, 都要諗呢個問題, 冇可能叫工人同bb訓廳架嘛!

我都知係人都想有私人空間, 但個問題就係我屋企冇咁多空間俾佢"private"嘛!

私人傳訊

vickymok717

王國會長

積分: 26868

虎到金來勳章牛年勳章畀面勳章 wyeth冷知識勳章王國會長環保接龍勳章 BK猜猜猜慶中秋

9^#

發表於 12-4-3 10:45 |只看該作者

個個都口硬心軟嘅, 到個孫出咗世, 可能你唔叫佢改, 佢都自己同你講叫你改張床而同個孫一間房啦, BB瞓廳始終唔係咁好嘛

每日望住佢哋就充滿力量啦!

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

10^#

發表於 12-4-3 11:56 |只看該作者

你間房張床5呎, 其實足夠一家3口一齊瞓. 又或者將你地大人床改張4呎床子母床, 夠唔夠位呢?
間屋係咪你媽咪出首期? 佢有冇份供過樓? 佢有返工, 你仲有冇俾家用佢? 可否大家(你兩公婆+你媽咪)夾錢換層3房單位? 大家都住得舒服d.

點評

boobecky Agree, good point! 發表於 12-4-3 12:15

私人傳訊

積分: 17176

11^#

發表於 12-4-3 12:14 |只看該作者

sbeida123 發表於 12-4-2 23:26
其實之前同阿媽傾BB出世後邊個湊時(因我阿媽要返工), 佢已經叫我將BB拎返奶奶屋企, 完全冇諗過我工作地點及 ...

我屋企都係5呎雙人床, 小朋友同我地一齊訓到3歲幾....
普通雙人床得4呎床, 我好多朋友都係一家3口睡4呎, 我已經覺得自己好幸運.....

私人傳訊

tiggertigger

大宅

積分: 4608

12^#

發表於 12-4-3 12:20 |只看該作者

慢慢暗示，阿B日後都跟你住囉... 睇你媽有咩反應。

如果佢老人家真係唔想同阿B SHARE一間房，你就唯有買上下格床去你自己間房，你同阿B訓下面，老公訓上面。好多家庭生左小朋友之後，老婆同老公都未必晚晚一齊訓。

無野話唔可以，係自己能唔能夠接受。

你媽肯讓個大房俾你地，都算不錯了..

點評

多多綠茶

agree.....bb係自己既，當然自己同老公要先有所犧牲遷就.... 發表於 12-4-5 15:08

MariaTsui agree 發表於 12-4-5 10:56

私人傳訊

積分: 17176

13^#

發表於 12-4-3 12:31 |只看該作者

本帖最後由 ppsfung 於 12-4-3 13:47 編輯

sbeida123 發表於 12-4-3 10:27
我未結婚之前, 佢自己訓大房, 我就訓細房, 到我結婚老公搬入黎, 佢就讓左間大房俾我地, 自己訓細房, 咁到而 ...

我唔知你層樓邊個比錢多D... (我估係你阿媽)

情況係,你媽原本覺得佢係主(睡大房), 你結婚佢已讓咗一次(比大房你地), 到你生BB後再多一個工人, BB又要同佢同房,
佢由原本係主人睡大房搞到得番半間細房, 咁佢唔開心係正常.....

傳統上,女嫁咗之後跟99住會啱D (你又話99有地方), 但係你變嫁後帶埋老公入屋霸佢地方, 請工人霸咗廳, 你地2公婆睡5尺床都唔想加多個小朋友一齊睡.....
如果細路同你阿媽同房, 等如要你阿媽半夜幫你湊仔, 小朋友半夜人幫佢蓋被, 仲有BB半夜嘈,會尿尿....你阿媽年紀有番咁上吓, 早上仲要返工....你唔應該要佢咁辛苦.

先分清楚間屋邊個出錢大份....如果係你阿媽, 你應該一家3日睡大房....

可否叫你阿媽可否自己搞掂層樓 (你比少D家用).... 你地一家租地方(或搬去99度住)

私人傳訊

littlecarey

男爵府

積分: 8097

育兒性格勳章畀面勳章

14^#

發表於 12-4-3 12:54 |只看該作者

妳c6賺好少咩?
妳未結婚已經可以1個人供樓
而家多咗妳c6,妳可以賣咗層樓,同c6一齊供多d,咪可以換3房單位解決問題囉
妳阿媽一向都係自己一間房,妳要佢同bb同房不太好,因為bb出世後要飲夜奶,又會半夜喊,妳媽媽要返工,bb會影響妳媽媽
妳這情況,大部分人都會自己同bb同房,起碼到3歲,小朋友返學,妳媽媽又同意,先會比bb同婆婆同房
有些人希望bb夜晚交比工人湊,都會狠心放佢出廳(bb都唔識分房還是廳)
不過,妳要有心理準備,如果妳要工人瞓廳,又要佢半夜湊b,佢可能會好快唔做

私人傳訊

yikaho

子爵府

積分: 13783

15^#

發表於 12-4-3 13:40 |只看該作者

本帖最後由 yikaho 於 12-4-3 13:43 編輯

tantanmama 發表於 12-4-3 11:56
你間房張床5呎, 其實足夠一家3口一齊瞓. 又或者將你地大人床改張4呎床子母床, 夠唔夠位呢?
間屋係咪你媽咪 ...

同意, bb應該跟父母同房, 換咗張5呎床變4呎, 將bb床放埋入自己房都夠位, 需要工人照顧時先推出廳
一係就直接換張上3下4呎嘅子母上下格床同你哋同房, bb 大少少就瞓拉出嚟嗰格, 大d就瞓上格, 或者到大d你媽肯同個孫同房先換你媽張床做上下格, 但冇可能叫你媽瞓上格啦, 几十歲人你想跌死佢咩....

或者到bb上小學/中學, 你哋經濟環境許可就買間大d嘅屋咪得囉...

教養孩童，使他走當行的道，就是到老他也不偏離。 (箴22:6)
Train up a child in the way he should go: and when he is old, he will not depart from it. (Proverbs 22:6)

私人傳訊

積分: 209

16^#

發表於 12-4-3 13:55 |只看該作者

層樓係阿媽出首期, 我供, 我同老公原本都諗住快d儲錢俾番d錢阿媽, 點知結左婚唔夠一個月已經有bb, 所以都冇可能咁快換到樓, 再者, 我而家換樓邊個係業主都唔係問題, 係錢既問題, 如果我同老公兩個人都要訓細房, 佢一個人都要訓大房既話, 我諗我地一早關係破裂左啦

我先生而家每個月又要俾家用, 又要俾工人費, 仲邊有一筆錢黎供樓, 所以係我負責供樓同BB開支

我請工人時已經講明佢訓廳, 佢又知道要照顧bb, 咁佢都預左bb同佢一齊訓廳架啦, 我5呎都唔夠訓就係因為我隻貓已經訓左係床上面, 已經冇多餘位俾bb, 而且我唔想bb同貓一齊訓

我係覺得阿媽想我地搬走, 但我地一走, 我就唔會再供層樓, 佢自己就要搵地方住, 根本就冇可能負擔, 所以我係希望阿媽明白我係願意照顧佢, 但佢都要明白而家屋企多左3個人, 佢都要作出讓步, 而唔係不停諗辦法叫我個仔跟奶奶生活

點評

bebe12hk :;pppp: 發表於 12-5-13 14:15

準劉太貓重要過自已個bb

發表於 12-4-5 13:25

華美點解隻猫一定要瞓床.....連你個b都無得傾

發表於 12-4-5 07:28

ppsfung 你未請過工人... 講到明佢都可反口, 工人湊BB可以湊得好差

發表於 12-4-3 14:51

私人傳訊

積分: 17176

17^#

發表於 12-4-3 14:36 |只看該作者

本帖最後由 ppsfung 於 12-4-3 14:42 編輯

sbeida123 發表於 12-4-3 13:55
層樓係阿媽出首期, 我供, 我同老公原本都諗住快d儲錢俾番d錢阿媽, 點知結左婚唔夠一個月已經有bb, 所以都冇 ...

你層樓買咗幾多年 ? 當初買樓時無預計過你始終有一日要嫁人嗎?
我諗買樓已經用咗你媽大半生績蓄, 佢拎咁多錢出來, 到頭來搞到好以佢寄住係你度咁佢當然唔開心啦....

唔見你提你爸和其他兄弟姊妹, 我估你阿媽最親只有你,和佢辛辛苦苦儲番來的買樓首期, 佢一把年紀仲要返工, 而且可以揾錢的日子又唔長 (再大D 要被迫退休), 依家層樓係佢的安全感, 你已經有自己家庭, 萬一你再不能照顧佢, 佢有層樓有地方容納佢, 所以層樓對佢心理上好重要, 你一步步佔入佢當然唔安樂....

相反,你C6對你家庭貢獻唔多, 你99收咗你C6家用, 幫手湊吓孫省番個工人錢都叫有些貢獻.... 你阿媽覺得你嫁咗之後仲要乜都拿晒上身, 唔叫老公屋企幫吓手, 佢會擔心.

坦白講,我覺得你太要求完美, 但你要求背後變相分薄咗你媽咪, 又唔捨得同BB分開, 為咗同隻貓睡而要你媽半夜幫你湊BB....我真係唔明隻貓同你BB你媽點可以比較, 貓睡在廳, 你地一家三口一間房等你阿媽舒服D較好.

點評

bebe12hk

發表於 12-5-13 14:17

wong191

發表於 12-5-13 00:31

caraman923

發表於 12-5-11 00:09

sauNG 十分認同發表於 12-4-5 16:20

多多綠茶 very well said~ 發表於 12-4-5 15:16

私人傳訊

積分: 17176

18^#

發表於 12-4-3 14:50 |只看該作者

sbeida123 發表於 12-4-3 13:55
層樓係阿媽出首期, 我供, 我同老公原本都諗住快d儲錢俾番d錢阿媽, 點知結左婚唔夠一個月已經有bb, 所以都冇 ...

我估你阿媽需要一處屬於自己的地方養老, 有層樓係手實際過只係你口頭應承照顧佢...(好多老人家都係咁諗, 咁不代表佢唔信你)

如果我係你, 我會叫阿媽換層細和平的樓(夠一個人住), 然後儘快儲錢和老公買樓租樓(或搬去99度住到有錢自己出去住)....
其實BB咁細,由老人家睇好過由工人睇, 你媽又要返工不能湊BB, 所以我會選擇比99湊, 等BB大個D讀書才自己睇番.

點評

多多綠茶

發表於 12-4-5 15:16

私人傳訊

積分: 209

19^#

發表於 12-4-3 15:07 |只看該作者

層樓我一畢業就開始供, 都有7-8年, 所有裝修傢私錢都係我出, 我阿媽剩係俾首期, 其實我有個家姐, 嫁左搬左出去, 最worse case係阿媽跟家姐住, 因為佢屋企都係得2個大人+2隻狗, 我家姐都唔介意, 不過我唔想親自提出, 好似我迫佢走咁

我奶奶會過黎幫手睇bb, 因為我地3個大人返工之後, 屋企得工人同bb, 所以奶奶會幫手睇住

而家都係諗住見步行步, 到bb大既時候都要郁佢間房架啦, 我都明白佢有可能會覺得冇安全感, 但我亦冇可能因為咁樣而唔結婚, 唔生仔, 佢曾經同我講過佢遲d會一個人搬出去住, 但我知道呢d係悔氣說話, 我有叫過佢退休, 湊孫, 但佢寧願返工都唔肯, 我無可奈可先請工人

私人傳訊