2012年媽媽會 今日: 0|主題: 24638

hello，我係4月mami，係我係bk、fb 問mami同自己住完法國醫院，

有關法國醫院既野，同大家分享下，希望你地都o岩用啦！

Ø 法國醫院既時間係點架? e.g. 幾點老公可以來? 可以留幾耐?

n 探訪是每天早上8時至晚上10時

Ø 一日幾多次探baby?

n 9：30-10：15\10：45-11：30\13：00-14：30\17：00-18：30\20：00-21：00\21：30-22：00

n 每段時間前5分鐘開始排隊同姑娘登記，如太遲登記，人數太多，會無得睇b b，要再係下個時段排

Ø 每次幾耐?

n 玻璃窗前15分鐘

Ø 每日運作係點? 姑娘會唔會晨咁早又量血壓呀, 檢查攪醒你架?

n 會

Ø 幾點要起身?

n 7：00am到

Ø 電插頭可以用嗎? 定係偷偷用架?

n 可以，不過小心貴重物品，連姑娘都話"真係好多好多人偷野架!!"

Ø 開刀既話，daddy 陪入去既情況係點架?

n Daddy和媽咪會一齊由病房落手術室個層，daddy會被安排响一間房等和着袍等，mami會被安排入手術室先作準備如麻醉和吊鹽水等，待準備妥當，就會叫daddy入手術室。

n 入到手術室麻醉師打埋針，daddy先有得入來，他看不到手術過程，B B係你麻醉後10分鐘就出世了，抱埋來比你睇下影埋相，B B就去保溫，daddy就要出返去，之後醫生幫你連埋傷口，觀察一陣就上返房

n 有布遮住，如果驚就唔好起身睇。我上次生左後麻醉師問我老公睇唔睇，睇就起身！我老公真係起左身！睇到我個肚被劏開！

n 我o個個唔比睇丫，你老公好勇敢呢!

n 屬緊急手術的話，先生不准入手術室，他在手術室外等候，護士幫bb同先生在BB推車邊拍了一張相。

n 在手術室，護士會立刻為你地同B B 影幾張相，燒落 CDRom俾返你。

n 如果你有其他屋企人想睇B B第一眼（即手術室推出來的時候）可在等候室等，可以睇一眼同影相

Ø 我地幾時可以真正抱下baby? 幾時開始試埋身餵奶 ?

n 餵奶嗰陣，你可以落牀行去餵奶房就可以開始餵。一定要報名, 每朝護士都會問

n 如daddy陪產，理論上daddy個時會抱到bb 影相。至於mami要待拆除尿喉落床行到，就可於指定時間去餵母乳，到時就可餵／抱b b

n mami就可以在每天四次的餵奶時間抱及見B B 。

Ø 我地同daddy 幾時可以抱抱baby? 係咪每日都有得抱架? 每次幾耐?

n 我住三人房，無得帶B B 去房，出院前老公親戚都無得抱，只可以隔玻璃窗望。我就逢餵奶去餵奶房同B B 見面。

n 先生不能抱B B , 直至出院。

n Daddy要到出院才可抱到b b 啦。

n 聽聞住二人房或單人房可以帶B B 去房，但係好似帶完B B 去房就唔會再接番B B 房照顧，所以通常都唔帶去房。

Ø 你地洗唔洗同雙非/ 單非/ 同胞同房呀?

n 姑娘會盡量安排香港mami同住一間房，但若果無牀位就可能要同非香港mami同房。

n 我住三人房，全是港人，不過無話同港人住有質素保証，一樣可以好”難過”。

Ø 有無限住幾多人係房入面陪?

n 無限制

n 因為無限人數探，所以同房朋友多親戚多，就會好嘈，無得休息

n 有d 人10點幾都唔走，可噤鐘叫姑娘巡房時熄燈

Ø 有無其他收費注意？

n Canteen 叫野食都幾貴，$28一丁細碗肉碎麥皮！ 樓下starbucks 仲有良心仲好食！不過要家人幫手買囉！可以考慮叫屋企人探時買其他野過來食！

n 阿b 黃膽要留院照一日燈，$25xx！

Thanks Sun329shine、imabel00、Ivytin、Sana2010