夫婦情感今日: 0|主題: 42794

收藏本版

發帖

返回列表

跳至頁

查看: 3823 | 回覆: 38

論盡99 [複製鏈接]

maggiechow

大宅

積分: 2616

1^#

發表於 05-12-21 16:09 |只看該作者

論盡99

各位，
以下長篇大論是為何我會有婆媳問題，是我不夠讓步或是99持老買老？

我和他自小相識，未讀書他已追我，但我要求讀完中五才拍拖，他真的等我，畢業後便和他拍拖，我一心想，他家是有錢人，不用養家，他又等我，算幾好啦！

点知我和他有了進一步関你，99便現形了，原來有錢是沖出來，欠銀行70多萬，他每月為99還息已有2-3年，每月養99同自已用巳所剩無幾，拍拖出街，他竟然連$20都無，當時心想，算吧！他還是一個孝順仔，衰極有限，所以我仍然同他一起。

這樣惡夢便開始了，拍拖不夠半年，早上返返吓工，經期痛，他家與我公司差2個地鐵站，於是他接我返他家稍休息，便自已再返工，我在廳休息一会便打算睇医生，
99便問：你有無錢呀！
我答：得$300。
99又問：可唔可以借比我？
我答：我用來睇医生架！
99不奭地"哼"一聲走出門口到隔離單位拍門
99問：張太，我有急事，可唔可以借住$500，個仔返來叫佢還比你。
錢到手後返入屋打电話：喂！約齊腳未，我有錢喇。收線便出門口，完全當我隐形。

我漸漸發覺不能比他再與99一起，我便與他搬到離島住，99當然不肯比個仔搬，我搬出百樣理由，豪無反駁才就範，但要晒他銀行嗰萬幾蚊旁身喎，他便身無分文，帶2件衫，2條褲 (當時他所穿的都是穿XL的哥哥舊衫，99從來無為他買过一件新的衫褲)便搬走。

搬開後99從來無問一句，無探訪一次，入伙無送过一毫，一過便2年，電話五隻手指數都有剩。但我巳開始想，他這樣幫99還息，冇錢剩，点得架，於是同他及他哥商量，賣咗層樓還債，剩返70-80萬比個老人家旁身，過多１年半戴伸公屋咪仲好，他們一致同意同99講，99見無人同佢還債都無計，照賣，ok一切順利，暫時租樓住，嘩！99要我地送4部冷氣賀入伙(心想，個仔入伙又唔見你送)，他照買。

不久，他想供樓準備和我結緍，並問99借首期，99答應，我們睇樓，睇中同區一個單位落咗細討，同99攞錢比首期，点知99講：剌！首期借比你地，要計息同還，仲要屋契加我個名，唔可岐有你條女個名，供就有佢份。我聽到火滚，他立即話﹕唔可以，供有份，名又無，点可以架公平。一拖2 weeks，問極99都唔借，一時話做咗定期，一時話借咗比人做生意，終於要撻訂，他很不開心。

自始，每3-4個月99便搬出很理由，每次要1-2萬，更甚話自巳有cancer急要做手術，点知所有都是要錢借口，我心算，99計算他不用替她還債，每月剩6-7仟，3-4個月有萬幾2萬比她攞，就這樣，我開始問他每月要$7000儲用來做首期，但99開口問我要，我唔比，她發爛：我駛我個仔D錢，関你咩事，你又唔係佢老婆。迫於無奈又要比哂99。

終於有一天，99個老豆(99-00)出面同我地講數，最精對答。
99-00对他講：你要養媽媽架！
他講：点養呀！佢月駛過萬 (他及他哥各比$5000)都話唔夠，仲每隔4個月攞一畢，次次萬萬聲，邊有"禁"多。
99-00講：無又比到。
他請：我無，D錢問 "X"借 ("X"是我)
99-00講：咪係羅，你地兩個人揾比一個駛，點會養唔起。
我立即反駁：我未嫁，要養老豆老母，D錢要還，我無本事養起你個女。
跟着99及她老豆黑起面。

事過3數年，期間99仍然不断要錢，為咗我地將來有瓦遮頭，唔想自已老咗要為交租愁，我地決定問政府借首期買樓，我媽碼自動借廿萬，但99一D反應都無，入伙當然全家人都冇表示，只有我家人分別送禮，跟着又過2年我地結緍，99要擺酒，老公話無錢，剩3萬蚊做禮金，要擺你出錢，最後當然無擺，仲將預留$3000用來與夫家D人食餐飯的錢都比99袋埋，99亦1毫子利事都無，我家人就樣樣做足。

又事過2年，香港經濟最羞一年，99突然到訪弹我間屋細，点住，我答我住又唔係你住，放心。跟住99叫我地買咗LI間，你港島区供過間千幾尺比佢、佢大仔大女住喎，放心，我會叫佢地每月幫你地2仟。我答﹕供間幾百萬要月供2萬，幫補2千，好多喎，仲駛唔駛包2餐。老公望我一眼，即收聲，老公自已話，問樓負資產，賣都要貼錢，算啦！你想d嘢都為自巳同d亞哥家姐，都無理我掂唔掂，有無想過我，淨係要錢。

仔仔06-12-2003出世

私人傳訊