吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

Baby Kingdom - 親子王國香港討論區 › 首頁 › 婆媳關係› 老公同奶奶嘈咗交

婆媳關係今日: 1|主題: 27745

發帖

跳至頁

查看: 2169 | 回覆: 16

老公同奶奶嘈咗交 [複製鏈接]

1

積分: 11919

1^#

發表於 12-4-24 02:35 |只看該作者 |倒序瀏覽 |打印

本帖最後由 vickilau 於 12-4-24 02:34 編輯

放復活節假時,我同老公加3個小朋友去老爺奶奶度住幾日,咁臨走前一日,二仔又痾又嘔, 成個人謝晒,同佢睇咗醫生,結果係腸胃炎。奶奶就開始話我將二仔既食物剪得太太嚿,搞到佢病。(我真係第一次聽到呢個腸胃炎既理由)
到我同老公執返啲野預備返屋企時,奶奶不下十次叫我地返出去同細仔睇多次醫生,我地都知佢係緊張個孫, 但不停地在耳邊哦真係覺得有啲煩,我老公已經答咗佢幾次,我個仔唔通我唔緊張咩, 返出去我會睇住佢啦!

咁到上星期六,細女要打歲半針, 我就諗住下午先帶二仔睇醫生, 返到屋企, 二仔唔舒服扭緊計,係呢個時候,我奶奶又打嚟問我帶咗二仔睇醫生未, 咁我咪話睇情況,況且當時係點幾鐘, 醫生食飯, 都無得睇。點知當我收咗線幾分鐘後,老公打比我, 佢話奶奶打電話比佢, 叫佢叫我帶二仔睇醫生, 我咪回應我老公會睇情況, 點知轉個頭我阿媽電話響, 我奶奶竟然打比佢, 內容都係叫帶二仔睇醫生! 我嗰下反應係有無搞錯, 你使唔咁誇張呀?

之後二仔食咗少少野瞓著咗, 咁我就諗住等佢醒咗先出去啦, 點知隻仔瞓到成7點幾先醒, 我又見佢精神好返少少, 加上嗰個時候診所都關咗門, 結果咪無帶佢出去囉。跟住到夜晚, 我奶奶再一次打電話嚟問我老公, 二仔點情形, 我老公一話今日無睇醫生, 奶奶即刻省爆我老公, 話叫咗你幾次都唔去睇, 見到個仔咁病法, 有無搞錯。跟手仲收埋線。

我老公都好鬼嬲, 佢話唔關佢事, 做乜無啦啦鬧鬼佢。 (事實上又係, 係二仔月瞓著咗先無再睇醫生)咁佢就無再打返比奶奶,而佢以前係會晚晚打一次電話比奶奶既, 呢一個多星期, 老公都無打電話比佢, 因為老公覺得自己無做錯, 打返電話比奶奶即係認低威。呢段時間唔知會維持幾耐, 佢兩母子嘈交, 咁應該真係要我老公主動打返電話, 定係我同奶奶講返好?

私人傳訊

積分: 16954

2^#

發表於 12-4-24 07:59 |只看該作者

提示: 作者被禁止或刪除內容自動屏蔽

私人傳訊

積分: 5644

3^#

發表於 12-4-24 08:28 |只看該作者

其實你有無搞清楚你99係嬲你定嬲你C6? 講真, 兩母子邊會有隔夜愁, 你C6點頂撞你99, 又或者你99點鬧你C6, 過多幾日佢哋肯定唔會有事; 反而我覺得你99會埋怨你, 搞到佢個孫病又搞到個仔頂撞佢... 我係你就唔會送上門俾佢鬧。

再者, 既然你知道你99係咁麻煩嘅人, 下次就咪咁老實, 求其話佢知睇咗醫生咪算囉!

點評

發表於 12-4-24 16:15

私人傳訊

積分: 22289

4^#

發表於 12-4-24 08:30 |只看該作者

回覆：美亞的帖子

絕對贊成唔好理佢地，你介入幫佢地，佢地末必會多謝你，反而可能覺得你搞事~~

我沒有很多朋友, 但有你們就足夠~~~我沒有很多錢,但我所擁有的東西已經比別人多~~~我沒有很多老公, 但有一個把我寵壞就已經足夠

私人傳訊

積分: 8366

5^#

發表於 12-4-24 09:09 |只看該作者

回覆：老公同奶奶嘈咗交

如果你老公仲係唔開心，而你又覺得自己因為阿仔瞓咗先冇同佢睇醫生，搞到老公俾奶奶話兩句，你就同老公講句對唔住就算。你奶奶同你老公之間的事，由佢地解決。

冬天的味道

私人傳訊

積分: 44373

6^#

發表於 12-4-24 10:15 |只看該作者

Superbee 發表於 12-4-24 08:28
其實你有無搞清楚你99係嬲你定嬲你C6? 講真, 兩母子邊會有隔夜愁, 你C6點頂撞你99, 又或者你99點鬧你C6, ...

Agree!
樓主，你99擺明係嬲你！不停勞動身邊D人，都係想勸你！
不過佢唔直接爆你，都算係咁囉~^^

至於C6同99果D係好小問題，由佢地啦~

輸入搜索內容

私人傳訊

積分: 23500

7^#

發表於 12-4-24 11:24 |只看該作者

佢兩母子既野等佢地自己攪掂,唔好插手

私人傳訊

積分: 10825

8^#

發表於 12-4-24 11:34 |只看該作者

等佢地2個自己搞掂佢啦.
你加把口落去, 佢地可能仲有嘢再鬧~

私人傳訊

積分: 21459

2025勳章 2025勳章蛇年勳章

9^#

發表於 12-4-24 12:44 |只看該作者

靜觀其變，！

私人傳訊

積分: 14501

大廚勳章陪月勳章畀面勳章 BK Milk勳章

10^#

發表於 12-4-24 12:49 |只看該作者

回覆：老公同奶奶嘈咗交

唔好多事，扮唔知

36日咋...緊張緊張

私人傳訊

積分: 92466

2025勳章 2025勳章蛇年勳章好媽媽勳章醒目開學勳章畀面勳章環保接龍勳章大廚勳章 BK Milk勳章

11^#

發表於 12-4-24 12:54 |只看該作者

Superbee 發表於 12-4-24 08:28
其實你有無搞清楚你99係嬲你定嬲你C6? 講真, 兩母子邊會有隔夜愁, 你C6點頂撞你99, 又或者你99點鬧你C6, ...

呢個情況99緊係嬲你多過嬲自己個仔啦！佢2母子既野你唔好理，做好心和事老唔會有人欣賞，你千祈唔好多事呀！

私人傳訊

積分: 24395

醒目開學勳章

12^#

發表於 12-4-24 12:55 |只看該作者

你99又真係好鬼死煩, 明知你要湊3件, 咁佢咁希望個孫去睇醫生, 都可以offer 入黎幫你湊住d細, 等你帶亞仔去睇醫生, or 倒番轉, 佢帶亞仔去睇都得. 唉..........湊2個都可以好踢腳, 唔好講話湊3個添啦!! 體諒下人地啦!!

私人傳訊

積分: 915

13^#

發表於 12-4-24 13:31 |只看該作者

其實答話睇左醫生咪唔駛煩囉 .......邊個叫你咁老實...

點評

發表於 12-4-24 14:03

仔仔~~ 爸爸同媽媽永遠都咁愛你!!

私人傳訊

積分: 5444

熱血勳章畀面勳章 BK Milk勳章

14^#

發表於 12-4-24 13:53 |只看該作者

已經要揍3件, 唔好鬼理佢地2母子d 野... 好得閑咩

2022年還是必須好好過下去...

私人傳訊

積分: 12418

我的育兒心得勳章陪月勳章 BK猜猜猜慶中秋

15^#

發表於 12-4-24 14:23 |只看該作者

佢地兩仔乸既事，唔好理啦~

你99好煩！如果我係你我會敷衍佢話已睇咗醫生費事佢咁多'gee gut'

私人傳訊

積分: 5222

畀面勳章陪月勳章大廚勳章 BK Milk勳章

16^#

發表於 12-4-24 14:27 |只看該作者

你99係煩架喇~不過佢同你C6嘈你唔好理啦..
唔通你自動送上門比佢鬧咩~
有時老人家唔知你當下嘅情況啫~

不過樓主真係要分配好時間...小朋友病...唔係話瞓咗就算...
特別係腸胃炎呀....如果未清真係要睇多次架~

私人傳訊

積分: 11919

17^#

發表於 12-4-24 15:17 |只看該作者

多謝咁多位既意見, 咁我都係多一事不如少一事, 等佢地自己解決。

有媽咪都講得啱, 同奶奶講話睇咗醫生就得, 而家諗返真係豬, 做乜當時咁鬼老實, 又諗唔到同老公夾定口供, 搞到而家咁鬼僵。

私人傳訊

1

跳至頁

上一主題 • 下一主題

© 2025 Baby-Kingdom.com Limited.

網站：聯絡管理員廣告查詢私隱政策使用條款免責聲明使用意見