每逢天后誕或佛誕等節日都是放生「旺季」，北角碼頭是香港的放生熱門地，海鮮檔檔主坦言：「日日都有人嚟放生，佛誕最多。份量隨心，由百幾蚊到過萬都有。」記者周三採訪當天，見到信奉佛教的女士 Vivian趁生日，花 500元購買生猛海鮮，邊誦經邊放生，惟另一邊廂則有多人垂釣等候魚穫。
香港兩棲及爬蟲協會行政總監段國樑指，近年放生烏龜是熱門選擇，貪其豐儉由人，「買到嘅物種好多都係人工飼養，冇覓食能力，亂放生等於加速死亡，尤其唔好喺街市買，因為等於鼓勵商販入多啲貨」。段國樑家中飼養了長約八吋的巴西龜，取名「碼頭」，「上年 11月，義工見到有人喺九龍城碼頭放生兩隻巴西龜，佢哋係淡水生物，放落鹹水海實死，可惜只撈到一隻，另一隻唔見咗」。
放大圖片 獲救的巴西龜仍需漫長治療才能康服。 佛教徒 Vivian邊誦經邊放生。
放大圖片
段國樑將巴西龜接收後，立即帶牠看獸醫，「最初眼凸凸，反應遲鈍，要打抗生素治療先執番條命，但最少要觀察多半年」。他指不少義工見過有人把淡水生物等放落大海，多數凶多吉少。除宗教原因外，他指每年暑假及冬天後，亦是棄養的高峯期，「養兩個月就唔想養，或者冬眠後染病，主人就亂放到水池，等佢哋自生自滅」。該會曾在九龍灣德福花園水池收到數十隻龜，呼籲市民行善或養龜前，應先考慮後果，「最少有啲常識，唔好將淡水生物放落海！」
生態教育及資源中心總監程詩灝反對放生，「近岸水質未必適合魚類存活，如果真係要放，最好揀香港水域有嘅品種，否則會破壞香港水域生態」。他指出，每年天后誕或佛誕期間不少人出海放生，「之後海裏好多外來死魚」。 
發表於 
返回列表
