我家那自以為潮奶奶 – 過大禮受委屈 (長篇)
我6299成日講到自己思想好新潮, 咩都唔計較, 但實際上呢, 哈哈哈.
話說我地見家長傾過大禮時, 因女家唔係好識. 雙方都認同一切從簡, 用利是寫住「包羅萬有」就OK啦.
過大禮前一晚, 99要我去男家話要點D禮, 當時我好奇怪, 明明一切從簡, 有咩要點呢? 落到去就知「領野」,
男家買左對椰子, 對龍鳳餅, 髮菜, 冬菇X2同訂左一隻乳豬, 男家既長輩就教我第二天過大禮時,要還返一份架. 乳豬要切返頭尾四隻腳.
99重好強調: 「唔係叫你真係頭尾腳, 要有肉架」(知啦, 知啦)
之後99突然問我:「你女家回咩比我地呀, 茶禮係咪準備好」
我:「…」(心諗咩叫茶禮呀? 幾時有講過要呀) 我:「好似無話過要喎, 哈哈, (以笑掩飾)」
99:「下, 唔洗講架喎, 係人都知啦, 」
我: 「我地無買, 一係我而家去買囉」
99: 「咁你而家都買唔切架啦(後面C6既亞婆又加埋一份怒插我) 而家一份茶禮都要幾百蚊架, 咁你聽日回返封一千蚊利是啦
重有呀記得比埋姑仔利是呀, 唔好咁寒酸呀」
講真, 各處鄉村各處例, 我地真係唔識囉, 而且你要既點解唔早D講? 明明張LIST就無提過, 重有比幾錢利是係唔係你話事呀? 欲哭無淚
第二日過大禮時,我99當日派左C6舅父同外婆禮比我地, 而佢自己就話唔方便在場, 因對佢唔好(我娘對此好不滿, 佢認為雙方提親, 父母應該出席) 我娘見我無端端比多幾封利是比男家代表時都好奇怪, 重哦我做咩事呀, 同之前唔同. 我娘當然唔知要回茶禮同姑仔利是, 既然好女兩頭暪就暪到底, 受晒啦
發表於 
果時我99逢比女家D野都話佢地鄉下唔興:;pppp:連比金器都係話只比佢個仔:;pppp:新抱唔會比:;pppp:後來佢要求女家回利是比佢地男家買煎堆
返回列表
