在職全職 今日: 25 | 主題: 47983

積分: 2012

1^#

發表於 12-5-2 11:49 |只看該作者 |倒序瀏覽 |打印

真係勁嬲!!一定要呻吓!!!
我係在職媽媽，所以一至五係婆婆幫手湊個囡我放工接返佢，由個囡2個幾月放完産假開始到依家3歳。婆婆同我坐月，佢好好，好幫手，我新手咩都唔知，婆婆好有耐性成日幫到我"暗"BB瞓覺，雖然方法唔好(係抱住同搖BB瞓，搞到個囡習慣咗抱住先瞓到)，但當時都令我有時間休息吓。咁到大D覺得成日要抱住唔係辦法，同婆婆講叫佢唔好日頭抱住瞓，咁佢半夜又要抱先瞓得返。睇咗資料點TRAIN佢瞓，咁我同BB搏鬥咗幾晚半夜，又晚晚定時TRIAN佢自己瞓，先有少少成效，點知婆婆日間頭成又抱住佢瞓，話"佢喊呀!!咁點呀??"，我話喊2日就唔喊啦咁又要咩都由頭TRAIN過!!!又有次，我平時接個囡走時日日出門口會轉右出，有日得老公接拍咗車係左面出口，所以要轉左，為咗怕個囡喊，婆婆同佢出左面兜個大圈去返架車度，都唔緊要之後到我同老公接，我同個囡講"爸爸架車係左邊，BB我哋今日行嗰邊喎!!"個囡都無再扭!!!

有日阿囡叫我餵佢話平時婆婆都成日餵佢，我先知婆婆仲有餵佢食飯，2-3歳仲餵佢食飯話個囡自己食唔到，我要同婆婆食一次飯，俾佢見到阿囡可以成餐飯自己食哂佢先信！又成日抱佢，搞到個囡一日到黑扭抱發脾氣，一發脾氣就"哦，婆婆鍚咗返!!!食糖啦!!!唔好喊"

。上星期我無咁多嘢做準時收工，阿囡又話我知婆婆餵佢食飯，今朝同婆婆講佢竟然話無!!!講講吓又話好少，真激到我呢!!!我知佢鍚個孫，又有敎佢好多嘢睇好多故事，個囡好早講到嘢，依家我有咗第二胎又教個囡唔好要我抱，但佢日頭成日咁多嘢寵個囡搞到我成日要敎返個囡，又要同佢鬧交!!!婆婆話我湊得2日唔知咁多嘢，真係吹漲!!

呻完!!!多謝收睇!!!

0 0 0

私人傳訊

vickymok717

王國會長

積分: 26868

虎到金來勳章牛年勳章畀面勳章 wyeth冷知識勳章王國會長環保接龍勳章 BK猜猜猜慶中秋

2^#

發表於 12-5-2 12:11 |只看該作者

唉, 個個阿婆都寵個孫嫁啦, 睇開啲啦, 佢都係錫你先幫你咋

點評

jeannie_cheng 我都知，但又真係嬲!!! 發表於 12-5-2 14:32

每日望住佢哋就充滿力量啦!

私人傳訊

雲妮彭

積分: 19437

好媽媽勳章

3^#

發表於 12-5-2 12:14 |只看該作者

本帖最後由雲妮彭於 12-5-2 12:16 編輯

我覺得你唔應該嬲阿媽,你有阿媽幫手,已經好幸福.阿媽湊大你,依家仲要幫手湊你個囡...好辛苦架..應該俾佢老人家休息下.

講真,除非你自己湊,否則邊個同你湊,你都會有意見同不滿.人地唔係你肚裡面條蟲....況且,年代唔同,點可能要求老人家可以跟得住你呢?

我寧願請工人,都唔會叫阿媽湊,因為太辛苦佢...我只會得閒就帶小朋友返去俾佢睇下,探下佢...佢不知幾開心......我阿媽都經常買糖,零食俾我對仔女,又當佢地公主王子甘服侍,唔通我又嬲佢嗎?因為我知道佢鍚我既小朋友,當佢地係寶....只係我地可能覺得佢地愛鍚既方法唔同.

如果你不滿阿媽湊,不如請工人啦..

好好珍惜阿媽啦..

點評

wlhbee 好認同發表於 12-5-4 16:01

jvcfamily yeah.. me too. 我寧願請工人,都唔會叫阿媽湊,因為太辛苦佢. 發表於 12-5-2 15:38

littlestar_2009 agree X10~樓主relax下啦~~ 你已經好幸福~~有婆婆肯揍~~ 發表於 12-5-2 13:01

私人傳訊

phchan

積分: 16962

2024年龍年勳章 2018復活節勳章

4^#

發表於 12-5-2 12:20 |只看該作者

唉!我屋企個婆婆咪又係

小朋友好聰明，會在唔同人唔同環境有唔同表現，知邊個蝦得就蝦邊個

點評

warm_warm 無錯發表於 12-5-3 18:42

jeannie_cheng 咪就係!!精過鬼!! 發表於 12-5-2 14:51

私人傳訊

shpfamily

積分: 16747

5^#

發表於 12-5-2 13:07 |只看該作者

有時我99孭住個仔um佢訓晏覺, 我都心有不悅, 即係玩我je, 夜晚唔通我又要背住個仔訓咩
不過諗深一層, 佢都想控制返個時間, 可以做家務或者其他野,休息一下.
好彩仔夜晚慣左我拍下拍下都訓到

其他竉...防不勝防

私人傳訊

shirleyying

積分: 10743

6^#

發表於 12-5-2 13:13 |只看該作者

我開頭都好似你咁嬲自己阿媽，後尾我見到阿媽湊我個女湊到咁攰，個人殘晒，就明白佢真係好辛苦，佢去做瑜伽，去同FRIEND飲茶唔好咩？做咩要幫我地兩公婆，唔通真係為咗我果雞碎既家用？

佢幫你唔係必然架，當然佢寵孫就一定的，佢肯定唔會教你咁教你個女，因為身份唔同咗啦嘛，放心，港童既出現係因為連父母都寵埋一份，只要你做好本份就得^^

點評

jeannie_cheng 我依家唯有學你講做好本份發表於 12-5-2 15:02

私人傳訊

himhim0502

侯爵府

積分: 21086

7^#

發表於 12-5-2 13:17 |只看該作者

雲妮彭發表於 12-5-2 12:14
講真,除非你自己湊,否則邊個同你湊,你都會有意見同不滿.人地唔係你肚裡面條蟲....況且,年代唔同,點可能要求老人家可以跟得住你呢?

1000000000000000% agree

私人傳訊

安妮EE

積分: 1823

8^#

發表於 12-5-2 13:50 |只看該作者

回覆 jeannie_cheng 的帖子

算啦, 個個老人家都係咁, 唔可以用自己的角度去衡量......
我係幫人湊bb的都遇到同樣問題, 好似阿b在我家係可以自己瞓床仔架, 但每晚佢回到家, 或者星期六日爸媽自己湊番, 佢地就日抱夜抱, 到星期一再回來我處就發晒脾氣, 因為我唔會成日抱。
bb好醒架, 又愈來愈大呢, 佢自然會知道在EE家坐定定, 自已瞓無得抱, 返屋企大把人抱佢, 變左bb咁細個就識做雙面人啦, 唉........

點評

jeannie_cheng 係我真係會同佢哋講!!! 發表於 12-5-2 16:13

私人傳訊

hanbb

積分: 16230

9^#

發表於 12-5-2 14:29 |只看該作者

就算婆婆唔係幫你湊, 都會寵個孫架啦,

老人家真係負責寵, 父母負責管教, 老人家幫手照顧真係bonus 來了.

點評

jeannie_cheng 真係好無奈，但其實我都多謝婆咁辛苦湊個囡。發表於 12-5-2 15:04

私人傳訊

積分: 2012

10^#

發表於 12-5-2 14:50 |只看該作者

我其實都知亦同意樓上咁多媽媽講，我阿媽係好好又好辛苦，俾我咁話佢都唔開心，但我今朝真係太嬲，唔想請個工人寵壞個囡諗住婆婆好好多，因為婆婆細個湊我時好嚴，點知人老咗無哂d火，真係好唔想個囡變港童7-8歳仲要人餵連沖涼都唔識。

其實次次同佢講完個心又覺得自己做咩咁忟，婆婆已經好好。所以唯有係bk呻吓講咗出舒服，今晚咪又死死哋氣同同婆講我今朝又忟咗D!!!

真希望有辦法令婆婆唔好咁就佢，咁都唔想個囡蝦婆婆。我成日叫佢唔好蝦婆婆，婆婆咁鍚佢!!!

私人傳訊

積分: 2012

11^#

發表於 12-5-2 15:00 |只看該作者

本帖最後由 jeannie_cheng 於 12-5-2 15:52 編輯

回覆 shpfamily 的帖子

你仲煩，99都唔知點話佢!!!

咪係，日頭同我做相反既嘢咪即係玩殘我。所以其實我都知阿媽湊起碼同佢講都容易D，但真係忟!!

私人傳訊

pibb

男爵府

積分: 6810

12^#

發表於 12-5-2 15:09 |只看該作者

回覆 jeannie_cheng 的帖子

隔左一代唔同晒架喇.
我都諗住俾亞媽湊, 相信會遇到同樓主同一個問題.
苦惱中...

私人傳訊

hotingmum

積分: 11977

13^#

發表於 12-5-2 15:33 |只看該作者

你呢d就已經咁忟...咁, 我亞媽可以幫我湊住亞仔時打麻將,又喺深圳買d無墊底紙無獨立包裝只用一個大膠袋袋住既cup cakes俾我7歲既大仔同1歲既細仔食, 我見到只有忍...

點評

jeannie_cheng 咁我阿媽唔打麻將但都會係深圳買嘢俾個囡食，哈哈!! 發表於 12-5-2 16:05

私人傳訊

shirleyying

積分: 10743

14^#

發表於 12-5-2 15:34 |只看該作者

本帖最後由 shirleyying 於 12-5-2 15:35 編輯

我阿媽夠係啦，對住我就粗聲粗氣，對住我個女就服侍公主咁
You are not alone

點評

jeannie_cheng 唉!!!!

發表於 12-5-2 16:14

私人傳訊

jvcfamily

積分: 4083

15^#

發表於 12-5-2 15:44 |只看該作者

對個女有要求, 對個孫無要求...

如果阿囝SICK<我會係頭號罪人... 不過我理解老人家. 所以我都係

一下算...講真.. touch wood 難聽的...佢地都一把年紀, 重寵得幾耐....由佢..而且自己媽媽黎既嘛....我第日湊孫可能都會甘...呵呵..

私人傳訊

rambojai

積分: 2473

16^#

發表於 12-5-2 15:48 |只看該作者

你有人幫你湊仲要嬲? 我都係返工, 都係比公公婆婆湊. 佢地二個老人家湊得都幾辛苦. 我都唔敢太話佢地, 自己又唔想請工人. 佢地唔一定要幫你架. 好似我奶奶. 佢都唔幫我湊. 如果唔係自己亞媽. 我邊咁安心返工呀(佢地有自己去行街, 飲茶) 現在為左我個女咩都唔做得, 咁仲想點? 你就睇開d 啦, 每個人都有自己湊既方法.

點評

jeannie_cheng 唯有上嚟呻完再平心靜氣同婆婆傾!!! 發表於 12-5-2 16:42

私人傳訊

積分: 2012

17^#

發表於 12-5-2 15:50 |只看該作者

本帖最後由 jeannie_cheng 於 12-5-2 16:43 編輯

雲妮彭發表於 12-5-2 12:14
我覺得你唔應該嬲阿媽,你有阿媽幫手,已經好幸福.阿媽湊大你,依家仲要幫手湊你個囡...好辛苦架..應該俾佢老 ...

唉!!你阿媽又唔會日日咁對你D仔女，到佢日日咁做我諗你都忍唔住阻止佢。其實我知佢辛苦，咁佢以前明明好鬼嚴，我依家無工人拖地、洗涼衫、洗碗、洗廁所.....雖然我老公煮飯.....咩家務都自己做到，放咗工仲日日由觀塘湊囡返沙田，完全無問題，都係因佢當時敎得好，我先咁獨立，我咪好忟佢無咁敎個囡。身份唔同咗人又老咗，對個孫真係無對我哋咁嚴。婆婆肯俾阿囡樣樣自己做，佢咪又無咁辛苦啫，囡又唔會做港童!!!

我覺得工人係家務助理，無可能要佢敎，連婆婆都咁，敎小朋友既責任始終都係我哋父母自己身上。你講得啱，真係唯有自己敎所以8月生第二胎，應該都會唔做嘢自己敎返，雖然經濟上會緊好多但起碼唔洗婆婆咁辛苦仲俾我話，佢又開心我可以用返自己方法。

只係覺得錫唔等於用錯方法都係變咗啱，係度呻完但今晚都係會"呵"返婆婆，因知佢錫我哋。

私人傳訊

yikaho

積分: 13737

18^#

發表於 12-5-2 16:06 |只看該作者

本帖最後由 yikaho 於 12-5-2 16:19 編輯

全部6299阿媽阿爸都一樣會縱孫, 工人都會, ee都會~
畀人湊就冇計.........................

「婆婆肯俾阿囡樣樣自己做，佢咪又無咁辛苦啫，囡又唔會做港童!!!」

唔係架, 老人家會覺得哄佢自己食要浪費精神, 小朋友食到一天一地都係又要善後, 食得慢d嘢凍晒又冇益, 佢哋但求搞掂晒d基本嘢就當搞掂件事... 人老咗冇咁好精力搞咁多嘢...

老人家唔會存心害自己d孫, 但佢哋無心/有心無力嘅情況下都會有疏忽/求其嘅時候... 我哋要承認佢哋已經老, 每一日都退化緊...

教養孩童，使他走當行的道，就是到老他也不偏離。 (箴22:6)
Train up a child in the way he should go: and when he is old, he will not depart from it. (Proverbs 22:6)

私人傳訊

積分: 2012

19^#

發表於 12-5-2 16:10 |只看該作者

回覆 pibb 的帖子

咁你真係睇吓咁多位媽媽點做，再睇吓到時點調整心理!!! 我可能性格較忟見到錯又忍唔到!!希望你到時冷靜，慢慢同婆婆講!!加油呀!!!

私人傳訊