吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 食得好差...

大仔大女媽媽會今日: 0|主題: 177860

收藏本版

發帖

返回列表

跳至頁

查看: 1762 | 回覆: 12

[2010年] 食得好差... [複製鏈接]

nijocf

複式洋房

積分: 214

1^#

發表於 12-5-14 10:36 |只看該作者 |倒序瀏覽 |打印

本帖最後由 nijocf 於 12-5-14 10:38 編輯

對午餐同晚餐無咩興趣, 自細食量少,一向偏食, 10分鐘耐性
最多1/3-1/2碗仔(飯+送)...通常食菜先,少許肉,3啖飯, 然後黎手推開食物, 要食生果
最唔鍾意食飯同肉(增磅最緊要), 一停手, 餵都唔肯食...
今年無重過, only 20lbs...but 身高ok, 超活潑, 學野快...

試過晒轉食物食具花款,粉/麵,無零食,一齊食,唔打唔迫等方法...完全無效
現早(8a)晚(9p)各一支奶, 早奶後及下午茶小食(唔多)

每餐都好無奈, 見佢咁瘦好擔心, 我仲可以點做.....help plz...
(唯一希望返n班..要等到9月...唉)

0 0 0

私人傳訊

joyceksk

大宅

積分: 3443

貢獻勳章環保接龍勳章

2^#

發表於 12-5-16 13:03 |只看該作者

回覆：nijocf 的帖子

唔食晒飯，生果都唔比，生果都飽肚的；晚餐唔食晒，奶都唔比。你試三日冇好轉先再打算喇，雖則你要預佢扭計扭到爆，但佢好轉的話，絕對對大家都有好處，況且劣勢持續的話，你去到佢三，四歲你頂佢唔順都係會出同一招，但佢到時抗爭力亦會提高。

及早出招，成功機會快啲同大啲架。加油！

點評

jenniferbb 同意發表於 12-5-22 14:03

私人傳訊

irene_the_pooh

伯爵府

積分: 15328

3^#

發表於 12-5-17 20:25 |只看該作者

我個囝都係自細唔鐘意食野，細個時真係只肯食1-2啖飯，呢D日子維持左成幾個月。
而家就好D，雖然都係咩都唔鐘意食，但食量OK。

我亦試過晒你講既方法：換餐具、轉煮法、轉食材、呃、tum、鬧、轉唔同人餵…咩都試過，但我既結論係：佢係唔鐘意食，基本上用咩方法都係對食冇咩興趣。

而家餵佢食既話就冇問題，但2歲人仔仲係唔肯自己畢，佢係識 (但畢得唔好，因為練得少)，但最慘係完全唔肯自己畢！

我一直都心軟，又係怕餓親個囝，所以通常搏鬥完一輪之後就範既就係我。

今晚我又係叫佢自己畢三啖，三啖之後我會餵佢，佢又係郁都唔郁，我終於成碗飯倒晒！

我都係諗住好似上面個媽媽咁講，試三日，等佢真係感受到咩叫「唔自己畢就冇得食」！

私人傳訊

nijocf

複式洋房

積分: 214

4^#

發表於 12-5-18 09:40 |只看該作者

回覆 joyceksk 的帖子

感謝回覆!
之前都試過尼招, 佢好有性格...你愈要佢屈服, 佢愈唔食...
講道理/解釋食野好處...無用...唔鍾意食/唔啱FEEL, 都係食好少
唔比雜食餓佢, 到正餐唔覺點肚餓...
唯有再試三日睇下點~

私人傳訊

nijocf

複式洋房

積分: 214

5^#

發表於 12-5-18 09:48 |只看該作者

回覆 irene_the_pooh 的帖子

你都好D, 餵都肯食!
佢肯自己食, 識畢, 用筷子"了"飯食都識, 但偏偏鍾意用手"拿", 細細啖咁食...
迫佢用餐具, 5mins內就收手,,,激死

點評

jenniferbb 再大d唔會用手,不過都要控制佢,佢一用手就,講唔得唔可以,要煩下及控制佢. 發表於 12-5-22 14:04

私人傳訊

irene_the_pooh

伯爵府

積分: 15328

6^#

發表於 12-5-18 13:26 |只看該作者

回覆 nijocf 的帖子

琴晚倒晒阿囝D飯，今日晏晝呢餐就肯自己畢我比佢o個DD (大約5啖左右)，然後我餵佢食就10分鐘就食晒！

當然我唔會咁天真地相信「一次見效」，不出3日，佢又會故態復萌！
不過，我相信日子有功，佢一定會知道咩叫「為自己既行為負責」呢個道理！

其實個個小朋友性格唔同，真係冇得一本天書睇到老，我都係「集大成」，唔同人講既方法咩都試下，希望可以搵到一D教到自己個小朋友既方法架咋！

私人傳訊

nijocf

複式洋房

積分: 214

7^#

發表於 12-5-29 11:22 |只看該作者

試左10日, 午及晚餐講明要"食晒"先有生果/零食...
頭7日...佢一停手, 就重申條件...雖然拿埋口面不太願意, 仍算就範... 此終唔鐘意食白飯, 次次都剩3啖, 好勉強先肯開金口食埋...重番1lbs
尼2日...開始抗拒...食D菜/肉就停手...餵佢即刻令咩面, 堅決講"唔食"...放生果係前面引佢都唔掣, 要落地...覺得佢平時無之前咁開心...
我諗...試多兩三日仲唔得...要停吧...威迫利誘對佢無效...夾硬尼好快厭食
考慮午餐補加謍素...再咁同佢磨, 大家都辛苦...唉...死症...

私人傳訊

joyceksk

大宅

積分: 3443

貢獻勳章環保接龍勳章

8^#

發表於 12-5-30 16:48 |只看該作者

回覆 nijocf 的帖子

其實可以唔“迫”佢，我最絕嗰次收碗係好聲好氣咁問佢，佢自己話要收嘅，咁我都係好平靜咁收咗，同埋同佢講當日冇下午茶，只有水飲，晚飯遲半個鐘食添，下晝仲帶佢到公園玩一大餐，夠餓喇～～

樓主你D食物同飯係咪分開的？即係冇撈埋，如果係，你可以試吓將佢地撈埋，最好用蒸肉之後淨番啲汁一齊撈，D飯有汁可能會有啲幫助，引起食欲好緊要。整D色水都有機會得，我個囡一見到有紅／橙／黄色食物就會食得快D。。。仲有，你可以試吓比少D飯佢食先，即係5啖都嫌多的話，就比3啖，比佢有“完成”嗰種滿足感；我個囡都試過放一大碗飯比佢，佢見到唔想食，我減咗一半，佢就畢，到佢差唔多食完，先再比埋嗰一半，都食得晒。或者買隻大D嘅碗，咁D飯睇落得好少。。。佢哋有MISSION IMPOSSIBLE嘅感覺，都會唔想做。

另外肉同菜SIZE係大，中，小？
前排我將D餸嘅SIZE由中小變中大，即係已經需要咬至少一兩吓先吞得，加上唔將D餸撈埋，於是乎我個囡由食飯好OK變到好唔OK，因為佢唔肯咬，大條D菜一吞就令佢作嘔，肉大粒D見到又唔願食（但食我哋嗰D佢好願咬的，佢連春卷都食到!！），幾日都係咁。咁我終於將D肉落少少調味（SIZE都維持中大粒），咁佢就肯食肉同咬，但係呢，就揀餸食，菜同飯都專登唔畢。（當然最後佢只點都要食，最多整細DD）我知佢應該係對D菜有陰影，咁我專登揀嫩D嘅莖，單一放入佢個口，叫佢唔準LUR同埋話佢知咬咗先吞就唔會嘔，佢咬到就話佢好叻，佢自己响到笑，試咗兩日進步好多了。

近來我都係將D飯同餸撈番埋，但D肉回復冇調味了，SO FAR呢幾日食得都幾好。

私人傳訊

bb8899

複式洋房

積分: 371

9^#

發表於 12-6-2 15:48 |只看該作者

回覆回覆:nijocf的帖子

我個仔早幾個月都係咁好似絕食咁，真係要不停試揾方法，希望幫到你，我就食飯前食菜買菜芯苗，佢食葉我食頭加D美極麻油，原來佢係唔鍾意一點點既野所以我而家唔剪菜撈飯。喺飯到加少少粟米片脆脆會食得好快，如果食粉可以試下用牙籤食，同埋真係要陪佢食即一人一碗。

私人傳訊

chenmymei

複式洋房

積分: 412

睛靈勳章

10^#

發表於 12-8-6 10:03 |只看該作者

原來好多媽媽都面對呢個問題. 我都無咁擔心. 因為我隻百厭仔都係咁.

我已經將我地食的食物同佢一齊分享, 不過叫工人少油少鹽.

亞仔都絕食左好多個月, 嚇死婆婆同嫲嫲, 佢兩人各出奇招, 買左好多不同的零食俾我個仔食. 零食當然食啦. 因為我返左工, 我無法阻止佢地.

但我個仔都係唔多食正餐. 2星期內, 肚腩突突變超模排骨身材.

我好擔心, 唔想返工, 想即刻RESIGN.

但係現實環境唔容許.

之後我發覺, 逢星期六, 工人放假, 我煮左D好難食的午餐. 有時要多煮晚餐, (真係好難食, 而且只係好簡單的在米內加碎肉煮) 亞仔食左成碗飯.

每次我都要亞仔自己食, 最多我自己清理地方.

可能佢知道無左工人, 婆婆, 嫲嫲的照顧, 唔可以依賴呢個無用的媽媽, 要自己攪掂. 所以都自己食.

各位媽媽, 試下俾小朋友知, 食, 要靠自己. 無人可以幫助的.

雖然我隻仔依然係排骨仔. 但我知道, 我曾經講的道理, 2歲人仔係明白的.

大家要繼續努力!

私人傳訊

nijocf

複式洋房

積分: 214

11^#

發表於 12-8-6 12:13 |只看該作者

回覆 chenmymei 的帖子

咁婆婆同工人肯唔肯跟你個做法?
始終大家一致先事半功倍, 尼樣唔係個個得, 未必聽...
會唔會返N班? 可能好D~

P.S.: 依家囝囝好返D, 可能意識到食野係自己負責,唔食就餓, 有時間就帶佢落街行半至一個鐘, 3餐奶2.5餐正唔敢減奶住...仲有唔好太緊張單日食量, 幾日平均OK就得