吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 好攰..

在職全職今日: 0|主題: 48015

收藏本版

發帖

返回列表

跳至頁

查看: 669 | 回覆: 7

[全職媽媽] 好攰.. [複製鏈接]

dewberry

大宅

積分: 3090

好媽媽勳章親子王國15週年勳章

1^#

發表於 12-5-15 11:25 |只看該作者 |倒序瀏覽 |打印

我係ftm, 兩個仔勁痴我，而家冇工人，兩位公子（＜5歲）事無大小，都會搵我，老公都想幫忙，可惜兩個仔仔唔多鍾意！好似沖涼，陪瞓覺，做功課，溫書，大小便！有時因為我想抖，迫佢地就範。老公見佢哋唔鍾意佢，就會發脾氣同大聲罵。另外，就係教的問題，老公好燥，冇耐性，忍唔住就罵，細仔成曰喊，攪到個家好唔開心！老公話以後唔理佢地，寧願做家務，話兩個仔仔最好當佢死咗，佢唔識教，唔配做人爸爸！老公講埋呢啲晦氣話，我聽到好心痛！

大家可以開解下我。

0 0 0

私人傳訊

Minnie2010

珍珠宮

積分: 41909

2^#

發表於 12-5-15 14:51 |只看該作者

你老公要訓練一下EQ

。以前有工人？

私人傳訊

dewberry

大宅

積分: 3090

好媽媽勳章親子王國15週年勳章

3^#

發表於 12-5-15 15:01 |只看該作者

回覆：Minnie2010 的帖子

九個月前有！我都同意如果有工人唔洗做家務，大家的心情會輕鬆啲，時間又多啲，可能就唔會覺得咁大件事！

私人傳訊

Minnie2010

珍珠宮

積分: 41909

4^#

發表於 12-5-15 15:31 |只看該作者

佢放假會同仔仔去公園玩？你地有冇去旅行？做多些親子活動吧。

私人傳訊

Doraginger

大宅

積分: 3040

畀面勳章

5^#

發表於 12-5-15 16:42 |只看該作者

你老公九成九呷醋!

以誠以真代人，希望你體會到~

私人傳訊

bosch

瑪瑙宮

積分: 128510

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

6^#

發表於 12-5-16 01:13 |只看該作者

本帖最後由 bosch 於 12-5-16 04:53 編輯

dewberry 發表於 12-5-15 11:25
我係ftm, 兩個仔勁痴我，而家冇工人，兩位公子（＜5歲）事無大小，都會搵我，老公都想幫忙，可惜兩個仔仔唔 ...

你老公呷醋同埋佢覺得冇安全感呀~ 我而家間中都會咁樣發老公晦氣, 不過發完就算, 生細仔前後情緒起伏大果陣仲痴線, d 晦氣話可能仲難聽過你老公講果d....

你老公想幫你係好事, 不過佢真係要提升下EQ, 改善態度, 同埋要學下點同你地兩個仔相處. 佢好想親近兩個仔, 但又唔識, 個仔又唔睬佢, 佢所以你既指引同埋引導係好緊要, 遇到佢發晦氣時, 咪問下佢咩事, 可能佢呻完一輪又冇野. 你既角色好緊要, 仲有要好有耐性至得呀, 你唔駛對佢講既野太上心....

你老公打仔有可能唔止係想教佢同埋自己發洩情緒, 仲可能心急想個仔聽佢話, 仲有要證明俾你睇佢有能力去令個仔服從佢. 至少果陣我係咁諗, 最後我越心急想自己做得perfect 就越易發脾四, 咁只會係惡性循環. 最後我嘗試乜都睇開d, 諗其他方法同技巧對小朋友相處. 例如阿仔唔聽我話時, 咪用遊戲方式去引佢俾我去take care 佢. 不過我唔會完全縱佢地, 必要時都會打佢地patpat. 同小朋友硬踫係唔得架.

有時我個仔都唔聽我老公支笛, 咁我做中間人就要諗計仔將佢地拉埋. 舉例, 個仔唔肯去廁所, 我咪叫佢帶埋個沖涼鴨仔玩具, 去到廁所我將個鴨仔入水, 話佢飲左好多水, 要去vv, 之後我唧d 水入個馬桶度, 話鴨仔要去vv, 個仔覺得有伴陪佢去vv, 咁佢又肯去vv. 好彩呢招得, 咁老公見到我咁教, 有時佢都跟住做.

我個仔早排鍾意玩匿埋去嚇人, 咁有時我老公放工, 我同阿仔匿埋響梳化後面, 突然彈出黎嚇佢, 咁我老公有時扮睇佢唔好, 仲問個仔係咪出左街等等... 有時就扮俾佢嚇親. 有時我地太攰唔想玩捉迷藏, 咪齋坐響度擰頭身, 突然擰番轉頭咁扮嚇d 細路, d 細路都好咁鐘意玩.

我個仔鍾意同我老公講野多d, 對住佢時亦會講得流利d, 我有時會唔抵得, 甚至唔開心. 有時我會扮傻問個仔做過乜, 有時趁冇人果陣陣咪同個仔傾番佢之前同我老公講野既內容.... 講真咁不停去catch up 係幾辛苦, 所以我試過直接叫老公去叫我個仔講我知咩事, 因為佢唔做中間人去幫我, 我個仔將來只會當我冇到, 將來只會越黎越疏離.

你想你個仔同你老公一齊, 就迫俾佢範, 迫佢係咁冇意思. 小朋友思想好單純好直接, 佢地唔會真係唔鍾意邊個人, 總之佢同咩人開心就鍾意同佢玩. 如果你老公係玩得之人, 又唔介意玩d 小朋友誼遊戲, 佢可以好快埋到堆, 講得白d 佢要改下個形象, 等d 小朋友覺得爸爸響度係可以好開心.

你覺得你老公既說話係hurt到你既話, 應該要出聲話佢知, 否則佢唔知咁係傷害到你. 你已經湊2個細路, 仲要加多大細路就仲辛苦.

加油!

私人傳訊

one_babyshop

別墅

積分: 718

7^#

發表於 12-5-16 13:11 |只看該作者

見你老公放多d時間落d仔到,因為小朋友都會感受到的,到時一樣會鐘意跟你老公,同時又可以比你老公感受下你係屋企湊仔都好辛苦

私人傳訊

kellyly

侯爵府

積分: 24623

好媽媽勳章畀面勳章

8^#

發表於 12-5-16 23:58 |只看該作者

小朋友出世後佢係咪好少時間同小朋友玩同相處呀
我大仔同細仔都係咁
尤其大仔TIM,佢出世開始到5歲,唔同人講佢係有爸爸既,個個都以為佢係單親既
因去邊都好都係無爸爸分既,係屋企老公又唔會同個仔玩
個仔病左入院留醫佢都無睇過
所以大仔有咩都係搵我OR我D朋友(我朋友成日帶佢去玩)
有日佢好羨慕佢同事個小朋友好痴佢
咁老公至作出左小小改變
但2個仔始終都係有咩搵我唔會同老公講同玩