吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 救命! 我有好嚴重既返工恐懼症! (超長...) ...

在職全職今日: 17|主題: 48001

收藏本版

發帖

返回列表

跳至頁

查看: 2957 | 回覆: 8

[在職媽媽] 救命! 我有好嚴重既返工恐懼症! (超長...) [複製鏈接]

corn819

大宅

積分: 1491

1^#

發表於 12-5-25 16:05 |只看該作者 |倒序瀏覽 |打印

本帖最後由 corn819 於 12-5-25 16:07 編輯

唔知點解, 最近呢個星期, 個頭都爆痛, 係痛到澎澎聲個隻。明明我出門口個時係無事, 但每日返到公司一坐低, 唔夠十五分鐘, 個頭就會自動痛起黎。我諗真D, 應該係壓力, 但我無辦法可以叫自己放鬆, 我無辦法叫自己唔好亂諗。故事有D長, 請大家見諒...

故事由上年12月開始, 無啦啦無左份工, 加上又近新年, 搵工就更加難。其實我由舊年開始就計劃懷孕, 所以係失業既日子, 我都希望唔好中, 我唔想中左之後成年都唔做野, 零收入。好唔容易, 二月尾就搵到呢份工, 但我入職個時都知, 唔會有好日子過, 因為個project好趕, 都係做到趴街個隻。以為搵到新工一天都光晒, 點知令我擔心既事之後先發生, 真係無諗過會咁煩。

返工唔夠三個星期, 我就發現自己有左BB。計返轉頭即係我未職就已經有左, 所以我知有薪產假一定無我份, 但唔緊要, 因為肚裏面既BB先係最重要。但另一個問題係, 我到底幾時通知公司我有左? 個時我第一反應該問勞工署, 但佢地答覆係, 係probation期間, 即使我懷孕, 公司都可以隨時以我唔適合公司為理由, 炒左我。另外我都有問朋友, 佢地都話自己公司都有人係呢D case, 通常係同事通知HR後幾日, 就會炒左個人。再唔係, 個老闆會做多小動作, 迫個同事自己走。所有人都同我講, 千祈唔好係probation期間比公司知我有左。於是, 為左保住份工, 我唯有死忍唔講。

呢三個月好難捱, 每次我去JobsDB睇, 都見到公司keep住登post請我個位。我好想知點解? 係因為我老闆唔滿意我表現定咩? 有日我頂唔順, 就去問我老闆, 點解要咁做? 我老闆係外國人, 我覺得佢應該無本地人咁衰先敢問佢。佢話因為project太趕, 佢怕我一個人做唔切。佢亦有話因為我D客多數係歐美, 有時差, 佢唔想我成日一早返公司conf. call, 或者要半夜係屋企做, 佢會係其他國家既oiffice請人。我老實話佢聽我好擔心, 因為我有左BB, 我好怕公司知道後會唔比我過probation。佢就叫我唔駛擔心, 有BB係開心事, 佢都替我高興, 唔會因為咁炒我。我聽完係好左少少, 但都係擔心。

近呢一兩個星期, 我成日都諗, 就過probation點解都無人搵我傾? 到底過定唔過? 我又唔敢問老闆。我地個project又唔係咁順利, 老闆成日同management報喜不報憂, 我好怕到時出唔到, 全部一齊孭鑊。而我其他同事都未知我有左, 佢地不斷咁講, 之前其他project都係咁, 如果唔得, 就會全team一齊炒。你叫我聽到之後點唔擔心? 如果我過左probation, 我就可以堂堂正正同HR講我有左。講得衰D, 到時你個product唔掂, 真係要全team炒, 都要睇住我有左份上, 唔炒得我住。我唔理我生左之後佢炒唔炒我, 總之我係生之前唔駛驚無左份工先嘛! 偏偏無人同我講我既Probation會點。呢排老闆又好似對我有D不滿, 一陣佢extend我三個月咁我點? 到時無得呃, 個肚都大晒出黎啦! 咁佢咪又可以係probation內炒我囉?

我真係超級超級擔心, 27日就係三個月probation完結之日, 理論上我係今日就過。但我點知自己過定唔過? 又唔可以問, 我可以點樣呀? 我有做HR既朋友, 佢話如果合約寫明三個月probation, 但三個月後公司無同我傾過, 就當係自動過左。公司係唔可以係過左同意既probation限期後, 先同我講要extend或者我唔過probation既。到底係唔係真? 我擔心到, 連夜晚發夢都見到自己比老闆炒, 再係咁落去真係唔係法。宜家我係一坐埋位就會頭痛, 咁點做到野? 我可以點呀?????

呻完... 希望無悶親大家...

0 0 0

私人傳訊

Katy_mwong

男爵府

積分: 7589

2^#

發表於 12-5-25 16:35 |只看該作者

if nobody approaches you today talking about your performance, you can assume you have passed the probation.
Bless you!

私人傳訊

阿早!

子爵府

積分: 11405

好媽媽勳章

3^#

發表於 12-5-25 16:37 |只看該作者

relax, 咁樣對你同個BB都唔好架.

我份份工都係過左3個月一段時間, AROUND一至兩星期先通知我過左PROBATION, 所以唔好咁緊張先, 話唔定佢地下星期就通知你.

但有一樣野你真係小心, 就係唔好成日擔心憂慮, 你BB既性格響你肚入面就開始建立, 唔好唔信. 我之前陀住肚讀書, 成日都好緊張, 加上我間唔中又見紅, 憂上加憂. 亞仔出左世, 佢係成日喊, 又怕人又唔信人, 相比起其他BB, 佢對陌生人抗拒程度大好多. 我後來睇書, 好可能係因為我陀佢比唔比到開心快樂感覺, 比唔到安全感佢, 所以佢唔係happy baby...

我好後悔架....下一胎我真的一定要開心, 無野緊要個BB.

私人傳訊

vego

公爵府

積分: 28977

4^#

發表於 12-5-25 17:50 |只看該作者

公司無傾, 就當係自動過左!

私人傳訊

minirat

男爵府

積分: 8217

5^#

發表於 12-5-25 18:10 |只看該作者

阿早! 發表於 12-5-25 16:37
relax, 咁樣對你同個BB都唔好架.

我份份工都係過左3個月一段時間, AROUND一至兩星期先通知我過左PROBATION ...

同意
唔系每間公司HR都甘pro
有時會遲少少confirm你都唔出奇
就算真系過唔到probation，天無絕人之路
現在你有左，最緊要系BB
我覺得你有輕微憂鬱，甘樣會影響BB
份工根本唔到你話事，又何必左唸右唸，唸唔停

私人傳訊

pak_mama

男爵府

積分: 6361

陪月勳章

6^#

發表於 12-5-26 18:04 |只看該作者

放鬆, 我上一份工都係, 成4個几月至同我傾過PROBATION的野.

私人傳訊

corn819

大宅

積分: 1491

7^#

發表於 12-5-28 10:45 |只看該作者

回覆阿早! 的帖子

多謝你既意見, 其實我都好想要一個Happy Baby, 但我又真係控制唔到自己唔好亂諗。我有同老公傾過, 佢都有話如果真係無左份工, 咪專心安胎等BB出世囉。我知以我老公份人工, 其實都係夠一家三口用。只係, 如果可以, 我想儲多個錢, 以備不時之需姐。我會努力relax, 希望過左呢個星期會好D。

私人傳訊

valentinored

男爵府

積分: 5263

8^#

發表於 12-5-28 13:30 |只看該作者

回覆：救命! 我有好嚴重既返工恐懼症! (超長...)

恕我直言, 你太老實啦, 太早同boss講有咗, 既然project甘趕, 佢點會容忍有人阻住進度(一般人都認為大肚婆多病痛)! 外國人表面gentleman, 但骨子裏未必係甘nice架! 但既然講咗就算啦!

我有類似經歷, 我本身係ftm, 但有個headhunt朋友介紹份工俾我, 人工好好, 但返咗一星期我就發現有左, 本打算做得一日得一日, 賺下私己錢, 但boss好難頂, 成日罵人, 搞到我逢星期日就好怕星期一要返工! 老公勸我唔好返, 反而享唔到有薪maternity leave, 加上頭家一向都係佢頂晒, 我最終係公司confirm我過到probation時我quit咗, 宜家專心養胎&湊大b....心情輕鬆好多。

你唔好想太多, 有工返就返, 無就生完再算(你都話老公人工support到一家三口), 做個開心孕媽媽