吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我頂唔順我阿媽了

婆媳關係今日: 0|主題: 27780

收藏本版

發帖

返回列表

跳至頁

查看: 3007 | 回覆: 8

我頂唔順我阿媽了 [複製鏈接]

mimiNbaby

男爵府

積分: 5888

陪月勳章

1^#

發表於 12-5-28 12:00 |只看該作者 |倒序瀏覽 |打印

本帖最後由 mimiNbaby 於 12-5-28 12:12 編輯

雖然呢道個個都講99, 但我好想講下我阿媽, 我真係頂唔順, 因為佢真係好煩, 令到我好困擾, 成日喊, 生完之後差d俾佢攪到產後抑鬱. 俾我搵個地方呻下, 下面講既野會好長......

佢脾氣唔好, 一唔allright就發脾氣, o係大人面前發都算丫, 佢成日o係我個女面前發脾氣, 我好怕會教壞我個女. 我同老公教緊女 (個女唔乖, 唔好好食飯, 唔坐定定, 發脾氣, 掉野等), 我阿媽總係唱反調, 叫我地尤佢, 唔好俾佢喊喎.....

咁我阿媽幾時會罵我個女呢, 就係我個女攪佢d電器/屋企物件喇, 因為佢勁愛錫屋企的物件, 一用就十幾廿年唔捨得換, 又會覺掂多幾次就會壞果隻. 次次阿女一掂佢就發惡大聲嚇佢, 個樣又好兇咁架, 不過唔夠9秒9又會笑番, 除非阿女繼續攪, 咁佢就會繼續嬲同忟......

晚晚食飯阿女食得慢, 婆婆冇得睇電視好唔like, 成日走黎話要餵佢, 可惜阿女又唔係次次都so 婆婆, 唔肯食, 婆婆試左幾次餵唔到就鬆人坐o係梳化到等....

婆婆d口面好差, 一唔allright就會miu咀miu舌咁, 我唔想個女學左.

另外婆婆同公公關係好差, 心情好時就ok, 一有野激親就大件事, 發哂火, 嘈交嘈得好厲害, 粗口橫飛咁, 又話要死又話要自殺又話要離婚......

我老豆係冇出色, 搵唔到錢, 係阿媽辛辛苦苦搵錢番黎買樓俾我同家姐, 等我地過d好dd既生活, 咁你又唔使數到你老公咁差既, 起碼人地日日都煮飯俾你食, 照顧你, 我老豆冇不良嗜好, 都算係咁了. 兩個年紀都老, 輪盡無記性實會, 但婆婆唔可以體諒人的. 會當住我個女講: "佢都short short地既" "唔知痴左邊條根" etc. 把口真係臭呀.

好似昨日咁, 一件小事, 老豆唔記得帶keys問阿媽借, 話好快番, 點知阿媽o係大堂等左個幾鐘等唔到老豆又打唔到電話俾佢 (老豆冇帶電話), 之後開始發火了, 本來上黎我到攞keys (我地住得近), 一入到黎, 發脾氣掉一堆雜誌去地下, 坐左o係梳化到就發癲咁鬧我老豆話, 岩岩我個女起左身走左出黎, 我叫個女睇書架喇, 但佢又點會知乜事, 仲走埋去婆婆到. 我阿媽繼續嘈, 我拉我個女入房, 我99咁岩o係到, 99幫下口話可能公公只係冇心, 咁我阿媽又唔allright發我99脾氣話咁係佢自己有心囉. 又話要離婚, 又數以前d舊帳話老豆冇用, 成日要佢自己出聲, 但我宜家大緊肚, 我心情都不能激動, 對住佢我又唔識勸佢, 因講乜佢都唔岩聽. 次次佢一唔開心, 就話無人錫佢, 無人關心佢, 成日話要將佢d錢捐去第二到好過喎.

尋日臨走時仲話佢都無親人架喎. 嬲到我cc下, 早排我先帶佢地去旅行, 對過佢好又唔記住. 結果尋日我喊左好多次, 因由細到大我只係受佢既脾氣, 我無地方發洩, 到佢走左我先可以喊.

後來問番老豆, 話阿媽返到去, 發火踢門踢椅, 掉張椅落地等地下花左.

我阿媽親戚黎香港, 佢一定會帶佢地去好d既酒樓食野, 但我老豆親戚黎香港, 我阿媽會話去太興啦.... 我老豆對親戚好少少, 我阿媽又有野講. 老豆生日, 阿媽成日話唔使慶祝喎. 如果有食到飯, 間酒樓又好過阿媽生日的, 佢又會有野講.

查實我老豆真係忍左幾廿年囉, 一路只有我阿媽講冇佢講, 阿媽發脾氣佢都只係忍氣吞聲, 我老公都話我老豆好野咁忍得. 但自從老豆退休後, 情緒變了, 會駁我阿媽咀, 咁就大件事, 火上火囉, 嘈得更勁.

有一次最無辜既係, 有晚食飯時阿媽做左d野都知係唔應該做架喇, 佢即時睇下我老公乜野反應, 偏偏佢食緊飯都聽唔到睇唔到, 但無啦啦我阿媽以為我老公俾面色佢囉.

結果食完飯返到自己屋企無耐, 我阿媽黎左我屋企, 坐低梳化一陣, 就發癲, 罵我老公俾面色佢睇, 我養到我咁大咁樣對佢喎. 佢自己不斷打自己, 又話要去死呀, 又乜又物, 我當時唔識反應, 一黎我又唔知我老公有冇俾到面色我阿媽睇. 二黎我都嚇親. 阿女果陣仲o係bb, o係房等飲奶瞓覺, 我問佢你係咪誤會左, 佢又發發爛話我幫其他人. 佢發左半個鐘癲先離開, 我就忍到佢走左後先(奔繪) (唔識打個字), 喊到傻左... 佢後來再當住我99面罵我99, 真係好失禮呀, 有個咁既阿媽 .

因為我係在職媽媽, 宜家大緊肚, 有個大女, 又冇工人, 所以會返屋企食飯. 有時見勢色唔對, 阿媽發過癲, 咁之後幾日都唔返去避下風頭. 有時都同老公覺得, 想唔返去食自己o係出面食, 但一黎外面d食物唔健康, 二黎我地放工唔算早, 再出街食會好夜, 所以先會返屋企食. 有時我都明, 見少d問題少d, 不過諗住過一陣無事又再返多左去. 不過呢幾個月我地已經開始返少d架喇, 出多左街食. 阿媽有時隔左幾晚會打個電話黎問我做乜唔返去食, 點講得個真相出黎呢, 講左佢又會發癲. 扮哂唔得閒囉, 但係下次返去食時, 佢會問阿女做乜唔返黎食, 阿女會答: "我地出街食囉"..... -____-" 我要拿拿聲補飛先得.

我阿媽既行為令我情緒好困擾, 點解人人好似有個好幫得手既婆婆, 我地只有一個令我地多添煩惱/唔開心既婆婆呢.....

0 0 0

私人傳訊

manman800800

男爵府

積分: 7569

環保接龍勳章

2^#

發表於 12-5-28 12:22 |只看該作者

咁边個幫你湊大女? 自己唔煮去99到食得唔得?

私人傳訊

veeyuyu

大宅

積分: 2674

3^#

發表於 12-5-28 12:47 |只看該作者

想問下樓主你bb將來出世邊個湊? 俾你媽媽定搵工人...係工人的話..就快快請...返少d去亞媽屋企食..免得小朋友有樣學樣!!!到時學識講粗口..你想教番都難...

另外樓主同你家姐商量下...係咪有需要帶你媽媽見下社工..or醫生..佢好似有d狂燥症....或者俾佢做下義工...擴闊d生活圈子...等佢唔好將屋企小事化大!!!可能佢太得閒..當面鬧女媾...都真係好勁!!! 樓主c6同99都幾忍得!!

私人傳訊

mimiNbaby

男爵府

積分: 5888

陪月勳章

4^#

發表於 12-5-28 14:33 |只看該作者

manman800800 發表於 12-5-28 12:22
咁边個幫你湊大女? 自己唔煮去99到食得唔得?

初期佢幫手湊半日, 後來請左個part time ee, 不過我阿媽下下睇唔過眼, 話個ee呢樣唔得果樣唔得 (其實我同老公都覺得個ee湊bb ok架, 係清潔方面差dd, 但有得傾囉, 我覺得可以同ee講聲, 佢會改善)

不過阿媽愈來愈唔like個ee, 日日走上黎坐o係到, 俾面色個ee睇, 最後, 個ee自己話唔做, 問佢係咪因為我阿媽, 佢話唔係, 係自己想休息. 我唔信囉, 佢幫我地做野好輕鬆架咋, 阿女瞓晏覺瞓三個鐘, 個ee好得閒可以休息的, 根本就係我阿媽幫我趕走佢....

無啦啦幫我地趕走個ee, 我同老公勁嬲囉....

宜家就99湊, 佢屋企遠少少, 同埋我地又唔like我62呢, 62成日縱佢, 我地教女佢又係唔like囉, 阿女一俾人話就喊, 62就黑面架喇.....

私人傳訊

AAACCC

伯爵府

積分: 17171

叻叻勳章畀面勳章 BK Milk勳章

5^#

發表於 12-5-28 14:52 |只看該作者

有個咁樣阿媽又真係

私人傳訊

mimiNbaby

男爵府

積分: 5888

陪月勳章

6^#

發表於 12-5-28 15:05 |只看該作者

veeyuyu 發表於 12-5-28 12:47
想問下樓主你bb將來出世邊個湊? 俾你媽媽定搵工人...係工人的話..就快快請...返少d去亞媽屋企食..免得小朋 ...

應該99湊, 到時生完一定少返去食飯, 真係唔想小朋友學壞. 同埋唔想自己受氣囉.

佢之前睇過醫生, 好似曾經有藥.... 後來唔知係咪見冇事唔肯食....

唉, 我地都好想佢去下社區中心玩下見多d人, 不過佢唔會咁做呢. 佢成日將小事化大.

我個女就黎滿月時, 有日, 我同老公o係房餵緊奶, 我阿媽又走黎想幫手, 佢好揀唔揀, 要去洗奶樽拎去烚, 咁阿女仲飲緊, 我阿媽問個樽得未想洗埋去. 結果阿女一飲完, 就俾左個樽佢去洗, 咁就大鑊喇. 阿女唔夠飽, 仲要奶, 所有奶樽都俾我阿媽洗哂, 要烚都要等5-10 mins...... 阿女咪勁喊囉.....

我叫我老公同我阿媽, (我諗住我講我阿媽又唔like).... 同佢講話下次唔使咁急洗奶樽啦. 哈, 點知我阿媽唔岩聽, 發老脾. 我知你為我地好想分擔d工作, 但係我之前已經話左唔洗, 但你又係咁吹我地俾個奶樽你, 係都要去洗, 定下咪出事囉. 我地咁提佢, 其實都只係想提佢做人唔好咁心急, 因佢乜事都要即刻做, 不過佢聽唔入耳大發脾氣, 結果滿月餐飯唔肯去食, 6299見佢唔去食又唔敢食, 結果滿月餐飯取消了. 佢好似嬲左成個幾禮拜.

我都未至於完全忍佢架, 有時我都會頂撞番佢, 不過見好就收囉, 屋企裡面, 只有佢話人, 佢話人幾十句就得, 我地話佢一句佢已經發火. 我老公好嬲架, 不過始終係我呢邊既人佢唔會嬲到出面, 最多唔出聲囉. 初期都會答下咀, 後期 "lai"過幾次野, 答完咀, 我阿媽發哂火, 都唔敢答咀, 盡量唔望佢唔出聲, 少d上去食飯算.

我99更忍得, 因我62都唔差得去邊, 又係鍾意發脾氣亂咁鬧人囉.....

私人傳訊

veeyuyu

大宅

積分: 2674

7^#

發表於 12-5-28 15:46 |只看該作者

回覆：我頂唔順我阿媽了

同家姐傾下，真係带佢去睇醫生！佢咁既精神狀況，唔好湊bb，會加重病情！再搵社工跟進下，俾D興趣班學，俾佢參加旅行！(幾百蚊兩日一夜食食食睇廟個D！)樓主搵人湊小朋友！或者可唔可以搵家姐幫手！

私人傳訊

mimiNbaby

男爵府

積分: 5888

陪月勳章

8^#

發表於 12-5-28 16:30 |只看該作者

veeyuyu 發表於 12-5-28 15:46
同家姐傾下，真係带佢去睇醫生！佢咁既精神狀況，唔好湊bb，會加重病情！再搵社工跟進下，俾D興趣班學，俾 ...

講起睇醫生, 又要呻一呻. 話說我阿媽有次話心臟唔舒服 (一向都麻麻地), 家姐幫佢約左個專科醫生, 仲要係幾好的. 見之前都冇乜野, 到當日要見醫生, 朝早就同家姐講: 我冇事喇, 我唔去睇... 嬲到我家姐cc下. 唔係你宜家無事就唔睇麻, 係幫你搵出個問題唔好有下次麻. 不過我阿媽根本係唔想睇醫生, 搵藉口唔去o者. 唔係第一次佢約左醫生臨時唔去架喇.

佢跟唔到團去旅行架喇, 佢下午一定要休息, 不能去呢到去果到.... 下下帶佢去旅行佢又唔會肯, 因為上次禮拜日帶佢去花展, 去到門口, 知到要俾7蚊入場, 即時話要同老豆返屋企, 話平日再黎, 唔使錢入場, 激到我c. 後來肯入去, 行一陣又話熱要走了. 仲話幾百蚊跟團去玩, 佢實唔會去. 上次去旅行都差d又唔肯去架.

我家姐同我一樣好無助呀.