夫婦情感 今日: 0 | 主題: 42797

積分: 25

1^#

發表於 12-6-6 14:24 |只看該作者 |倒序瀏覽 |打印

尋晚我係老公部電腦到發現左佢睇過介紹屋企附近一樓一資料的咸網,其中有幾張相show左大廈入口及整幢大廈嘅外形, 果一刻我好心痛, 唔明點解佢會睇啲咁嘅嘢! 佢返到屋企, 我無望佢一眼亦唔想同佢講嘢, 我自己入左房係床到d眼淚不停咁流, 而佢就留係廳食飯,睇電視,同人whatpp, 大約11點幾佢先入房. 入到來佢好大聲問我做0麥咸, 我真係唔想同佢講嘢所以無答佢, 但佢就不停問, 後來用近乎鬧嘅語氣問我點解, 我終於打開部腦, 問佢呢啲係嘜, 佢靜左一陣, 然後話自己睇咸網自己攬定,係唔係咁都唔得? 我答佢話呢啲唔係咸網,係介紹一樓一呀! 跟住佢話佢只係睇下,佢唔會去個d地方, 我唔出聲因為我已經唔知應唔應該相信佢, 佢見我唔出聲就好悔氣咁話你話有就有啦!

尋晚佢出左廳瞓!今朝佢返早, 出去時留左whatsapp比我話叫我今晚同呀女食飯,唔駛預佢!

我好想相信佢講嘅係事實, 但如果呢個係事實, 咁即係話佢寧願對住部腦啲相自己攪都唔想掟下我, 咁我呢個老婆算係嘜嘢! 幾年前佢都曾經出過去玩, 仲染左嘢返來傳染埋比我,因為咁我唔可以正常地有bb! 呢件事攪到我哋差唔多要離婚, 最後我選擇左原諒佢, 因為我知道佢出去玩我係有一部分責任(剛生完bb,唔想ml, 同佢嘅感情亦唔係太好), 但自從呢件事後,我知道自己嘅疑心大左, 無以前咁信佢! 所以今次我真係唔知應唔應該相信佢, 仲有佢講嘢嘅態度同語氣仲要惡過我, 攪到好似係我錯, 我做錯左嘜?!佢要返工,我都要,放工後我仲要趕返屋企煮飯,教女做功課…..屋企大部分支出都係我負責, 佢無嘢做我連佢父母嘅家用都負責埋….係唔係我做得太多? 係唔係咁都有錯? 我做錯左嘜嘢!

我未唸清楚應該點做,亦唔想同屋企人及朋友講,唔想佢哋擔心我亦怕人哋會點睇佢,上來呢度伸下,發洩下…但我知道為左呀女, 我一定要堅強下去, 同呀女好好咁生活下去!

0 0 0

私人傳訊

vego

公爵府

積分: 28977

2^#

發表於 12-6-6 14:34 |只看該作者

咁佢都可能只係睇，無必要諗到咁灰！

私人傳訊

金仔媽媽

侯爵府

積分: 22985

2025勳章蛇年勳章最關心BB問題熱投勳章畀面勳章

3^#

發表於 12-6-6 15:42 |只看該作者

其實你無錯, 男人好多都係咁, 比人發現左D 醜行就會聲大夾惡咁鬧返你轉頭, 其實想掩飾自己衰左比人知道.... 我係你就一方面由佢睇, 但另一方面你要保護自己, 雖然佢話無, 但之前都試過傳染左比你

自己都要小心D ~

私人傳訊

lovelykitty

珍珠宮

積分: 42987

4^#

發表於 12-6-6 16:54 |只看該作者

但今次會唔會...佢真係只係睇下呢..........

老老實實我都睇過呢d網.......

試下好好坐底傾下啦.....分析比佢知您睇到會好唔開心.....

點評

rayrayus agree 發表於 12-6-7 01:39

私人傳訊

creative28

大宅

積分: 1686

5^#

發表於 12-6-6 17:18 |只看該作者

你c6都好好色！以前試過傳病比你

mouth:，而家睇咸網為咗自己搞惦

，咁你唔想做都可同佢搞惦格！

私人傳訊

lambing

水晶宮

積分: 66961

我的育兒心得勳章夏天玩到顛熱血勳章畀面勳章有「營」勳章陪月勳章爸B勳章大廚勳章

6^#

發表於 12-6-6 17:29 |只看該作者

回覆：如何走下去

一次不忠，百次不用

私人傳訊

積分: 25

7^#

發表於 12-6-6 17:32 |只看該作者

多謝bk jm嘅意見, 其實我係可以接受男人睇咸網, 呢個係佢哋嘅天性, 只係因為今次係一樓一女仔賣廣告嘅網, 仲要有一張係幢大廈大門口個樣, 我就好難叫自己唔好懷疑, 而且佢已經有前科…..加上佢d態度, 我真係好難當嘜事都無。我只有不停同自己講唔好諗, 唔好唔開心, 如果對方都唔顧我嘅感受, 我更加要照顧自己, 我唔可以因為咁而發癲, 因為我仲有個女…… 但一想到8年夫妻感情, 原來都不過如此, 心始終有慽慽然嘅感覺!

點評

creative28

無言發表於 12-6-6 21:12

私人傳訊

ecling

珍珠宮

積分: 36230

馬年勳章 2026勳章 2023年兔年勳章畀面勳章 DHA勳章

8^#

發表於 12-6-6 18:50 |只看該作者

引用:多謝bk jm嘅意見, 其實我係可以接受男人睇

原帖由 greengreen620 於 12-06-06 發表
多謝bk jm嘅意見, 其實我係可以接受男人睇咸網, 呢個係佢哋嘅天性, 只係因為今次係一樓一女仔賣廣告嘅網, ...

平心而論，你認為你老公有咩好處？你還愛你老公嗎？如果答得出咁就俾個機會大家，佢惹性病俾你你都忍得到，你老公有冇感恩呢?恕我直言

主賜平安

私人傳訊

積分: 25

9^#

發表於 12-6-6 22:40 |只看該作者

回覆 ecling 的帖子

你提出的問題,我找不到答案, 唯一嘅理由係為左呀女!

私人傳訊

Babybaby120

子爵府

積分: 13089

BK Milk勳章

10^#

發表於 12-6-7 00:00 |只看該作者

回覆：如何走下去

玩到有病都仲繼續玩，佢自己應該好好反省下。唔好理佢住先啦，如果佢搞得果d女人，你絕對有權拒絕佢。錯不在你，你繼續做好自己本份，加油！其他嘅事，自然會有解決方法，因為你冇嘢可以做得到。

私人傳訊

Babybaby120

子爵府

積分: 13089

BK Milk勳章

11^#

發表於 12-6-7 00:00 |只看該作者

回覆：如何走下去

記得要好好保護自己！

私人傳訊

大頭翠兒

積分: 825

12^#

發表於 12-6-7 00:39 |只看該作者

樓主，你要有心理準備，將來嘅路一定好難行，我都係過來人，我C6都係喺我哋bb出世後冇耐，出去偷食比我發現，佢開頭都死口唔認，係我大佢有朋友見到佢同女仔上酒店房佢先招認！你宜家冇證冇據，你C6可能真係有機會係無辜嘅，如果你一口咬定，就會好傷夫婦感情，不如你趁住呢次機會，高姿態同你C6表示，你絕對絕對唔容許有下一次不忠嘅事發生，要佢再記番起曾經許下嘅承諾。
如果佢仲大大聲問點解你唔信佢，你就平心靜氣同佢講，你們的信任啱啱先重建，你已經好努力，希望佢唔好再去破壞，雖然你C6話只想用嚟自己搞掂，但果啲大廈入口相一啲都唔意淫，只有資料性質，好明顯係好奇點樣去，咁就好難怪你唔亂諗。叫佢下次睇A片算啦！
樓主，你要加油呀，你一啲都唔孤單，其實有好多女人都經歷緊呢啲事，你要堅強面對啊！

私人傳訊

lulubibe

積分: 805

13^#

發表於 12-6-7 01:22 |只看該作者

樓主加油呀

私人傳訊

Magan28

大宅

積分: 4881

14^#

發表於 12-6-7 01:33 |只看該作者

回覆回覆:greengreen620的帖子

我好相信玩開的人係keep住都有玩的，無論已婚與否，玩開有引，習慣，心隱！！我真的認識有兩位男性友人婚前和婚後，他們經常幫襯各種特別服務的！！真係好狗，勁自私！！亦有人試過靜静雞响老公電話set GPS，知道佢位置後，打比佢，或返來問下佢，睇佢有冇講大話！！當時真係check到佢老公去過“富士大厦“ 㩒鐘仔呀！！

私人傳訊

積分: 25

15^#

發表於 12-6-7 01:44 |只看該作者

老公到現在都未返屋企，亦無打電話返來。係佢眼中我倆母算係嘜嘢呀！真係好失望！

私人傳訊

大頭翠兒

積分: 825

16^#

發表於 12-6-7 02:12 |只看該作者

回覆：greengreen620 的帖子

唉，咁夜仲等緊門真係慘！唔好咁傷心啦，你聽日仲要返工，又要照顧小朋友，冇精神點得？早啲瞓啦！

私人傳訊

ema0128

大宅

積分: 4174

17^#

發表於 12-6-7 04:55 |只看該作者

回覆：如何走下去

如果我係你個小朋友，第時大個左我一定會好內疚點解細個果陣唔叫阿媽離開個衰人。

私人傳訊

ecling

珍珠宮

積分: 36230

馬年勳章 2026勳章 2023年兔年勳章畀面勳章 DHA勳章

18^#

發表於 12-6-7 09:09 |只看該作者

如何走下去

分開並非壞事，社會已經好接受單親家庭，況且你個女一路大一路會知得更多，早走早著

主賜平安

私人傳訊

積分: 25

19^#

發表於 12-6-7 09:47 |只看該作者

痛過哭過，日子都要繼續過下去，所以我盡量不再想c6，希望自己心情盡快平靜下來，然後再思索以後的路應怎樣下走。昨晚失眠，在「夫妻感情」這個討論區來來回回的看各人的故事，原來很多jm都有我類似的經歷，有些樂觀對面，很快可以走出陰霾；有些一直活在痛苦中，久久不能自拔。我問自己若果一段感情不能兩人同步同行，換來的可能就是途中兩人不斷的磨擦與傷害！這又何苦呢？

私人傳訊

大頭翠兒