吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 被朋友催生仔的經驗，有乜方法唔好再問，Thanks! ...

想生BB 今日: 7|主題: 109404

收藏本版

發帖

返回列表

跳至頁

查看: 2312 | 回覆: 24

被朋友催生仔的經驗，有乜方法唔好再問，Thanks! [複製鏈接]

Yukipooh

男爵府

積分: 8537

1^#

發表於 12-6-8 18:03 |只看該作者 |倒序瀏覽 |打印

有十多年朋友A,B, 自從A生了一個後，B每次gathering也叫我快些生，但當時我剛結婚，便告訴他們我未有計劃，至此後，B久不久便問我幾時生，其實真係好煩, 不過當時真係冇唸！後來B也結婚，又繼續問我，我咪答佢可能你先啦！直到A懷了第二個小朋友，同時我也開始了幾個月造人計劃但還未有消息，B開始每一次見面也問，每次我也只能答佢你先啦，勁無奈！！... 之後仲嬲，因為我成日話淨係想要仔，不太喜歡女，點知佢成日叫我生個女啦，第一次我也覺得你唔記得，即刻話我想生仔，唔要女，算！(當時依家覺得只要有左仔女也沒所謂，因為唔係想像中容易) 但第二次真係嬲，好驚如果我真係有左個女我會話多得佢成日叫我生女！十多年朋友，真係好想叫佢唔好再問，你咁鐘意你自己生先啦，但可能佢真心關心我，只是方法不好，好想直接講，但又唔知點講，又驚佢嬲，又唔想分享自己大半年的失敗，唔想個個都知，因為之前俾太大壓力自己搞到身體好差！但連我99都只係催過我一次，點解佢可以次次都問咁煩，定係要我騙佢話決定唔生住去讀書！？好煩！大家有冇方法或差不多的經歷？多謝大家聽我訴苦！

0 0 0

私人傳訊

ccyv

子爵府

積分: 11392

2^#

發表於 12-6-8 18:18 |只看該作者

回覆：被朋友催生仔的經驗，有乜方法唔好再問，Thanks!

我婚後同d朋友講我唔會生，自此無再俾人問。到有左咪話心態唔同左lor！

私人傳訊

lovebibibobo

男爵府

積分: 5171

3^#

發表於 12-6-8 18:40 |只看該作者

回覆：被朋友催生仔的經驗，有乜方法唔好再問，Thanks!

完全感同身受！
我有個朋友仲好意思話自己一擊即中添！之後就成日問我幾時生！我話唔生住，點知隔個零月又問！我話我同C6平常心，乜都冇諗，佢仲要再接住問：你唔係話睇中醫咩？你估下次見你有未？

本身自己都係真心鄧朋友開心，但有啲人自己生左就真係好唔識趣！每次見面問幾次！傾電話果時明明話題冇傾開都要突登問！大佬呀！我夠想知幾時啦

私人傳訊

莫生氣

大宅

積分: 2256

4^#

發表於 12-6-8 18:42 |只看該作者

被朋友催生仔的經驗，有乜方法唔好再問，Thanks!

我之前都係, 成日比人問, 仲要有個好多年朋友, 仲要質問我咁, 佢係知道我想要但唔成功, 叫我睇佢個醫生, 我話唔去, 佢問都唔問就覺得我唔努力, 唔掙取, 我心諗如果睇完你個醫生一定有我即去啦, 而且當時我已經排緊廣華ivf, 自那次之後就無再聯絡啦. 朋友既嘢我覺得隨緣啦, 佢都唔了解你, 如果你唔想同佢地講, 唯有話唔想生囉, 或者少d 見囉

菩提本無樹明鏡亦非臺
本來無一物何處惹塵埃

私人傳訊

sfmeow

珍珠宮

積分: 49423

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

5^#

發表於 12-6-8 19:27 |只看該作者

Yukipooh 發表於 12-6-8 18:03
有十多年朋友A,B, 自從A生了一個後，B每次gathering也叫我快些生，但當時我剛結婚，便告訴他們我未有計劃， ...

佢做咩咁煩架

你笑笑口同佢講, 你仲煩過我99 啦, 99 問過我1 次咋, 次次你都問~~

暫時我d 朋友都未咁煩住, 如果佢地真係咁煩既話, 我會直接講"有無第2 個topic 呀? 次次都講呢個, 好悶呀, 我地傾下其他野啦...."

私人傳訊

MOTHERMP986

男爵府

積分: 9663

6^#

發表於 12-6-8 20:03 |只看該作者

之前都唔係好怕.而家真係開始覺得煩.. 就咁問都算.. 唔隔三兩個星期又問,都算
但講d 難聽野..個下先忟哦~~

私人傳訊

carmenyan206

珊瑚宮

積分: 110227

hashtag影視迷勳章畀面勳章 BK Milk勳章

7^#

發表於 12-6-8 20:30 |只看該作者

回覆：被朋友催生仔的經驗，有乜方法唔好再問，Thanks!

我會: 關你咩事

私人傳訊

羊小詩

男爵府

積分: 5736

8^#

發表於 12-6-8 21:19 |只看該作者

其實答”諗住唔生”都係幾好既回答
最多第時有左話係意外law～～

私人傳訊

Yukipooh

男爵府

積分: 8537

9^#

發表於 12-6-8 23:50 |只看該作者

回覆：被朋友催生仔的經驗，有乜方法唔好再問，Thanks!

但識左咁耐好難直接叫佢唔好再講，之前又從來冇話唔要，所以唔知點轉

私人傳訊

ccyv

子爵府

積分: 11392

10^#

發表於 12-6-9 09:48 |只看該作者

引用：但識左咁耐好難直接叫佢唔好再講，之前又從

原帖由 Yukipooh 於 12-06-08 發表
但識左咁耐好難直接叫佢唔好再講，之前又從來冇話唔要，所以唔知點轉

...

你話你先生唔鍾意小朋友咪得囉，或者未玩夠仲想去旅行！

私人傳訊

koichipat

男爵府

積分: 5070

11^#

發表於 12-6-9 10:01 |只看該作者

回覆回覆:Yukipooh的帖子

個朋友仔咁唔識做架！我奶奶同啲老人家見親我都問，仲要初初拍拖就問我有冇諗住生！

比著我係你會同佢講：點解你次次都問既?唔厭架咩?

私人傳訊

Yukipooh

男爵府

積分: 8537

12^#

發表於 12-6-10 14:52 |只看該作者

回覆：被朋友催生仔的經驗，有乜方法唔好再問，Thanks!

真係無藥可救！今日又再叫我生女，都話我想要仔，講左幾萬次，點解一次又一次！十萬個嬲！除了唔好見都唸唔到其他辦法

私人傳訊

ggkung

大宅

積分: 2303

13^#

發表於 12-6-11 17:44 |只看該作者

回覆 Yukipooh 的帖子

其實個天俾得你，仔or女有乜所謂

，點解你堅持要仔呢?我當初都好想要女，婚後即有，可惜小X左(應該係女)，等左14 cycle都無，而家我吾敢講話想生女lu...因為仔or女都係自已生既，就算將來真係生左個仔，我都覺開心ga,因為個天俾我既，有時個天俾左你都隨時奪走，根本控術不到。另外，我都知d friend好煩，成日問幾時生，
我多數會答:有咪有lor，無咪無lor...有就自然會生ga啦!