醫護健康

收藏本版
發帖
返回列表
跳至頁

首頁
1

尾頁
   1
faye525


子爵府

積分: 10647

畀面勳章


1#
發表於 12-6-19 18:32 |顯示全部帖子
回覆 miriam 的帖子

我爸爸83歲, 唔係中風, 但係手術後, 因為臥床左兩個月, 佢對腳再企唔返起身 (郁到既, 只係冇力企, 所以都行唔到)
我媽媽7X, 中過風, 好輕微果隻, 係針灸後, 睇唔出佢係中過風既

平時佢兩老住, 我有九兄姐, 不過全部都結晒婚各有頭家. 我係最細既女

爸爸係早半個月前要出院, 我最後決定要送佢去護老院..

因為媽媽佢自己點可能照顧到老豆???? 一陣有咩事起上黎, 真係等屍臭先有人發現....

好似呢度大部份人所講, 要著尿片, 要扶抱上輪椅, 要食D好爛好稀既野, 要日日飲兩杯奶, PATPAT度仲有壓倉要洗傷口, 完全要人幫洗頭沖涼.....
呢D事根本要有人廿四小時輪流做.....我最多咪只可以幫到上午...下午我都要返屋企接小朋友放學....同埋我一個人都根本唔夠力扶得起老豆....(亞媽咁大年紀都唔會夠力, 所以我地一齊扶都扶唔起)
其他兄姐要返工, 邊有可能照顧到??? 最多佢地放假果日去探下

社工評估過都覺得送爸爸入護老院, 對兩位老人家, 同埋我係最好既方法

我爸爸初初都唔肯架, 我地唯有呃佢話醫生要佢去, 一行得返就馬上返得屋企....
一個星期後, 佢都接受到係護老院啦, 身體反而好左, 精神左好多......
不過我老豆幾廿年黎都懶, 所以佢根本唔肯學去企, 只係一味話, 冇力呀~~~
我地預左佢唔會企得同行得返架啦.....
唯有日日都叫佢要食返多D野架咋

我今日先陪完老豆覆診....唉.....唔夠力扶老豆上車, 跌左老豆落地.....攪到一獲泡...............最後要醫院D救護人員黎幫手扶返老豆上輪椅......... 跟住就攪到老豆嘈話以後唔去覆診...............
私人傳訊

faye525


子爵府

積分: 10647

畀面勳章


2#
發表於 12-6-19 19:02 |顯示全部帖子
做照顧者壓力真係好大................

今日我真係有種淒涼既感覺....

落雨, 又要顧亞媽, 又要顧老豆......又要俾的士司機黑口黑面........

我俾亞媽哦, 又要俾老豆鬧....

結果我頂唔順, 發惡鬧返佢地轉頭, 先冇人敢再出聲...

我真係唔想發脾氣, 但係真係好辛苦.................

點評

being2011  我都試過，老人家有時好囉嗦、好煩，我都會忍唔全丙下佢...  發表於 12-6-20 13:19
私人傳訊

faye525


子爵府

積分: 10647

畀面勳章


3#
發表於 12-6-19 23:14 |顯示全部帖子
本帖最後由 faye525 於 12-6-19 23:15 編輯

回覆 miriam 的帖子

我今日係醫院度既的士站, 攪左十五分鐘都抬唔到老豆上車, 結果要醫院D救護員黎幫手抬返老豆上輪椅,
D救護員叫我點都俾返十幾廿炆的士佬, 話晒HOLD住左佢架車

我都覺得救護員有道理, 雖然個的士佬袖手旁觀冇幫手, 都算! 我淨係想快D攪掂晒D野同老豆上接送車返護老院

架的士馬上吉車開左架, 我都拿拿林追上前拍佢車窗啦, 當時我個身都冇散紙, 最細果張都一百啦

個的士佬發惡較低左車窗小小問我咩事, 我話俾返車錢佢, 佢話唔收, 我咪拿拿林係車窗"拿"度攝張一百炆去俾佢, 跟住跑返去老豆度囉

點知俾個的士佬開晒四面車門鬧我當佢乞衣, 唔要我D臭錢...

我都冇再理佢

救護員話我唔駛俾咁多, 係咁依俾十幾炆都得架啦!
我話我根本冇散紙係身, 佢地話做乜唔出聲問佢地兩個唱

我心諗, 點解你地冇人快快手手幫我送老豆走.......我淨係想走.....仲要呢樣果樣呀!

我俾一百炆出去, 真係冇諗住點, 冇散紙咪當俾個的士佬囉...點知佢狂鬧爆我....

指住我黎鬧, 鬧到醫院D人叫佢開車走, 我冇理過佢, 一味跟住救護員推老豆上接送車度........

我咁大個人都未試過係街度俾人咁樣鬧........

佢全程十五分鐘坐係個司機位, 完全冇幫過手, 都唔緊要, 佢唔係應份, 但係唔好黑口黑面丫!!

見我老豆成個跌低左, 一個正常人唔係都應該問下有冇事, 睇下有咩地方幫到忙架咩??

佢仲懶懶閒KEEP住坐係度, 塊面越黎越黑!!! 佢由頭到尾根本連車尾箱都冇諗住開!!!

咁你做乜要停架的士係醫院既的士站丫!!! 明知醫院等得實有呢D客架啦~~

唔係個救護員出聲叫我俾錢, 我根本都唔想俾! 又冇開過車, 又冇起錶.... 佢如果有問我一句有冇事, 我都覺得佢好好人架啦...

點解仲要咁對我地....都算!!! 俾埋錢佢, 佢居然話我當佢乞衣, 唔要我D臭錢, 話我有錢唔係大晒~

我真係谷鬼氣諗: 都唔知 邊個大鬼晒呀!!!!!!

多謝各位俾個空間我呷.................

下次覆診我會好醒目, 老豆點鬧爆我, 我都唔會采佢, 會塞住隻耳仔聽歌等接送車黎同佢走......都唔會再自己塔車同佢走!!!!!!!
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見