原帖由 CFNgai 於 12-06-19 發表
家家有本難念的經!屋企有一個61歲嘅媽媽,阿哥、我、細佬。我同阿哥各自有自己家庭,阿哥有一個大陸老婆(無工作)同一個六歲嘅仔,阿哥人工得萬一左右,而我啱啱有左三個月,人工得八千幾,老公做緊飲食業part time,一個禮拜返得三日工,點解唔揾正職?因為佢想吸收下呢一行嘅經驗,遲下想自己創業,所以而家只可以用以前草落嘅錢,細佬由細到大俾阿媽縱慣,目中無人,無責任心,對屋企不聞不問,唔理阿媽,每月只係俾二千蚊當交租,其餘阿媽倒貼,阿媽做無牌小販,每月只賺到夠交租,水電煤嘅錢,我叫阿媽叫細佬俾多d,佢唔肯,話細佬無錢洗,但呢個細佬除左返工,放工喺屋企打機,根本唔出街,人工話就話得六千幾七千,俾二千屋企,包食包住,實在太少!而家阿媽話唔想再做,又多病痛,只靠細佬嗰二千,根本就唔夠交屋企嘅費用,而我同阿哥根本俾唔到錢阿媽!我想問,阿媽喺有仔女嘅情況下,可唔可以申請宗緩?