2012年媽媽會

收藏本版
發帖
返回列表
跳至頁

首頁
12

尾頁
   0
charchar12


大宅

積分: 1930


1#
發表於 12-6-28 09:00 |只看該作者
今朝阿仔比原定時間早左1.5hr起身, 我同c6又夠鐘返工. 奶奶黎到, 我就叫佢暗番阿仔訓. 佢話好, 就抱起左佢.. 抱起左, 又係一慣作風, 又同阿仔講... 又早晨, 又話爸爸媽媽要返工...... 我就同佢講, 你係咁同佢講野佢點會訓? 99仲要駁我話:「我暗佢佢唔訓咁我有乜辦法? 佢唔訓我先同佢講野咋!」(由頭到尾我唔覺得佢有暗過囉!) 跟住c6好唔滿意咁啤住我同我講:「由得佢啦!」我好唔開心, 無出聲...

我同c6落到樓下, 同佢傾左幾句, 我得出的結論係: 原來佢唔明白整左個時間表就要跟足, 佢以為跟左食奶的時間就得 (佢唔記得仲有訓同清醒的時間都應該要跟), 仲要怪我點解唔俾佢阿媽同bb講野..........

如果因為佢係99我就要破壞自己所定的時間表, 咁我之前咁辛苦幫佢tune番d作息時間做乜? 點解要搵咁多方法令佢夜晚訓得好? 我攪咁多做乜? 99鐘意點咪點囉! 鐘意幾時攪醒佢就同佢玩, 鐘意幾時餵就幾時餵. 我又唔係唔俾佢同個孫玩, 只係o個個時間佢應該訓覺但佢早左醒, 咁咪試下暗番佢訓先囉! 等佢應該醒的時候先同佢玩唔得咩? 都只係等多1.5hr o者!!! 問題係佢暗都無暗過就話因為bb唔肯訓... 大佬, 你咁樣同佢傾計佢梗係唔訓啦!!!!!!!!!!!!!

講黎講去, 佢同c6都唔明點解要跟時間表.. 覺得咩都由佢, 咩都是旦, 咩都求其! 咁算啦! 以後求求其其就得啦! 唔好煩!

P.S. sorry好想呻一呻....
私人傳訊

sousmarin


男爵府

積分: 6859

減齡達人勳章


2#
發表於 12-6-28 14:13 |只看該作者
唔好唔開心啦, 我之前都因為時間表問題而煩,
要令C6同你企埋同一陣線, 先可以頂得住99架!
要解釋好多次俾C6知時間表的PURPOSE..
仲要講到自己幾用心良苦, 為咗99好, 等佢易湊D...
有咩事起上黎C6都可以出句聲嘛
不過如果阿B真係早咗起身, 有時我都會同佢玩一陣, 玩番攰佢再俾佢瞓..
私人傳訊

ylc1015


公爵府

積分: 27587

熱血金章 畀面勳章


3#
發表於 12-6-28 15:15 |只看該作者
唔好咁嬲啦!大家都係為bb好啫!
私人傳訊

charchar12


大宅

積分: 1930


4#
發表於 12-6-28 20:09 |只看該作者
sousmarin 發表於 12-6-28 14:13
唔好唔開心啦, 我之前都因為時間表問題而煩,
要令C6同你企埋同一陣線, 先可以頂得住99架!
要解釋好多次俾C6 ...
我怕我無咁好耐性講解... 不過我會嘗試..

其實, 我都唔係要硬性跟到好足, 我亦明白bb無可能跟得足, 但至少我地要試左先, 早醒你就試下暗番佢訓, 過一段時間都唔訓先同佢玩.. 咁我都覺得係無問題... 問題係佢連試都唔試, 可能之後的schedule就會亂晒...

無野架喇~ 我都係呻下o者~


私人傳訊

charchar12


大宅

積分: 1930


5#
發表於 12-6-28 20:10 |只看該作者
ylc1015 發表於 12-6-28 15:15
唔好咁嬲啦!大家都係為bb好啫!
我明... 都係一時火遮眼...........
私人傳訊

ylc1015


公爵府

積分: 27587

熱血金章 畀面勳章


6#
發表於 12-6-29 15:06 |只看該作者
charchar12:鍚返
私人傳訊

charchar12


大宅

積分: 1930


7#
發表於 12-6-29 19:42 |只看該作者
回覆 ylc1015 的帖子
私人傳訊

Fion9393


大宅

積分: 1295


8#
發表於 12-7-1 10:15 |只看該作者

回覆：係咪因為佢係99我就要對阿仔求其而唔可以有要求?

Bb越大，瞓既時間會越少，佢自己都調節緊，你咁執着，會家無寧日！唔通99就一定有問題？醫生教你要軍訓個b?
私人傳訊

charchar12


大宅

積分: 1930


9#
發表於 12-7-1 10:50 |只看該作者
Fion9393 發表於 12-7-1 10:15
Bb越大，瞓既時間會越少，佢自己都調節緊，你咁執着，會家無寧日！唔通99就一定有問題？醫生教你要軍訓個b? ...
首先, 我無同99嘈, 我只係表達我的意見俾佢聽, 佢聽唔聽係另一回事. 唔開心我都係上黎bk呻下, 等自己唔好鬱住o者!

我唔係要軍訓個仔, 但有規律的作息時間對bb的成長同健康係好重要的, 呢d係我上網同睇書學到的. 唔同人有唔同習慣, 如果大家無一個共識去湊, 只會令阿b無所適從, 一時一樣, 唔知跟你地邊個好. 無錯bb都會自動調節, 但佢地係因應大人點樣湊佢而調節的.

我剛睇過你有一個post, 都為阿b未戒到夜奶而煩惱. 我係由佢滿月就一直煩緊! 佢唔止未戒夜奶, 夜晚仲成日扭, 成日喊. 我都差d無晒辦法! 於是我就努力search資料, 睇bk d舊post, 睇書... 先知時間表對bb的重要性, 仲試過train佢自己入睡. 我係用左好多時間, 試左好多方法, 剛剛呢個星期先見到曙光. 所有野, 唔係淨係我一個做就得, 係需要其他人的配合.

係, 可能從簡單的文字裡面你會覺得係我單方面過份執著, 當中有好多好多細節無法一一盡錄而令其他人有誤會. 有時執著唔一定係鑽左牛角尖, 寬鬆亦唔代表對bb好. 呢個星期, bb夜晚訓得好, 我同c6又訓得好, 大家開心左, 夜晚臨訓前仲多左時間同個仔玩, 佢亦非常開心. 我暫時睇唔到跟呢個時間表的安排有咩壞處.

最後, 多謝你的留言. 我知我呢d燥低的性格係需要改善. 上得黎bk, 大家都係好媽媽, 大家都係為自己bb好. 為左bb, 繼續努力!!!

私人傳訊

Fion9393


大宅

積分: 1295


10#
發表於 12-7-1 17:21 |只看該作者

回覆：係咪因為佢係99我就要對阿仔求其而唔可以有要求?

我見過好多媽咪都在討論區說奶奶的不是，其實大家都係人阿媽，有邊個唔緊張？奶奶又咪養得大我們個老公~~~~你set得好個time table所以bb戒到夜奶，不過你奶奶太錫個b,一見佢醒就同佢勁講野！老公多數粗心大意無咁拘禮，你尊重奶奶，有時聽完見到算，你老公實冧你多d
私人傳訊

charchar12


大宅

積分: 1930


11#
發表於 12-7-1 18:25 |只看該作者
Fion9393 發表於 12-7-1 17:21
我見過好多媽咪都在討論區說奶奶的不是，其實大家都係人阿媽，有邊個唔緊張？奶奶又咪養得大我們個老公~~~~ ...
我都見到好多呢d post, 我亦有參予過呢d討論, 或者咁睇: 覺得自己99唔好會上黎呻的人, 永遠多過覺得99好而上黎讚的, 所以大家睇到的都係講99的不是... 但真心講句, 99始終唔係自己媽媽, 有唔同意見唔同的生活習慣就一定架啦! 意見不合亦在所難免. 不過有時媽媽都需要堅持, 始終時代唔同, 以前o個套未必o岩宜家, 以前醫療, 科技都未係咁發達, 養得大c6唔代表佢地用的方法係o岩.. 例如, 我細個都有用爽身粉, 宜家健康院都唔建議, 道理一樣.

係, 大家都係為左bb好, 但係如果我自己覺得係o岩的我都會堅持, 唔會因為佢係99就妥協.

點評

CONANMUI  Agree  發表於 12-7-12 11:17
私人傳訊

CONANMUI


男爵府

積分: 5076


12#
發表於 12-7-3 13:09 |只看該作者
charchar12 發表於 12-7-1 10:50
首先, 我無同99嘈, 我只係表達我的意見俾佢聽, 佢聽唔聽係另一回事. 唔開心我都係上黎bk呻下, 等自己唔好鬱 ...
我明白你嘅苦心,亦都知道你嘅堅持,唔係說風涼話,我個女唔算太難湊,
第一日試已經介左夜奶,已經可以瞓到6個鐘,但有時都會大喊要抱,我老公
見阿B"嗌一聲",就即刻抱,我同佢講唔好成日抱會縱壞,佢都唔理我,為左呢
件事我地有時會嘈交,所以有時我都會唔開心
私人傳訊

charchar12


大宅

積分: 1930


13#
發表於 12-7-7 00:05 |只看該作者
CONANMUI 發表於 12-7-3 13:09
我明白你嘅苦心,亦都知道你嘅堅持,唔係說風涼話,我個女唔算太難湊,
第一日試已經介左夜奶,已經可以瞓到6個 ...
大家都係想阿b好... 有好多野, 即使睇唔順眼, 慢慢都會習慣.....
私人傳訊

Dorothy4250


別墅

積分: 936


14#
發表於 12-7-8 12:08 |只看該作者

回覆 回覆:charchar12的帖子

簡直係同我一樣 哈哈，只能說我地太緊張baby，佢地唔當一回事，我同奶奶住，我同奶奶關係更嚴峻，有時仲會因為呢啲事同老公嘈交，不過大囡大大下到出事老公就覺醒左
私人傳訊

charchar12


大宅

積分: 1930


15#
發表於 12-7-8 17:20 |只看該作者
Dorothy4250 發表於 12-7-8 12:08
簡直係同我一樣 哈哈，只能說我地太緊張baby，佢地唔當一回事，我同奶奶住，我同奶奶關係更嚴峻，有時仲會 ...
你大囡有咩事?

我宜家都真係隻眼開隻眼閉... 我已經無精神忟憎...
私人傳訊

Dorothy4250


別墅

積分: 936


16#
發表於 12-7-11 13:15 |只看該作者

回覆 回覆:charchar12的帖子

我成日話有病要睇醫生，又唔肯睇，野到個個都病哂都仲唔肯睇，結果 大囡嘶哮症入左醫院丫，嚇鬼死我同老公，反到屋企，大囡又唔覺意野埋比個細！



私人傳訊

kiki1021


大宅

積分: 2008


17#
發表於 12-7-12 08:08 |只看該作者

Quote:Dorothy4250+發表於+12-7-8+12:08+簡

原帖由 charchar12 於 12-07-08 發表
你大囡有咩事?

我宜家都真係隻眼開隻眼閉... 我已經無精神忟憎...
唔好忟憎。你唔開心餵人奶，d 人奶會有毒數架。
我胎教時已同女女講，唔認daddy mammy唔緊要，一定要識冧嫲嫲婆婆，因為我無本事做ftm.所以我見到嫲嫲咩唔對路會叫老公同佢講，細小野就用講笑形式講。自己亞媽就當然拉埋一邊唔好俾老公同嫲嫲聽到先鬧。可能我玩返工同揼奶都無晒時間，set 唔到一個好tight schedule 叫人跟，只係大約。反而奶奶每日同佢眼訓就訓，肚餓夠鐘就食，lug佢疴臭臭都ok。同埋而家識轉身，包被包佢都伸得返手仔出黎，間唔時零晨都要起身再暗.
其實個個新手父母都遇到你嘅問題，要對咩人用咩方法就要自己 衡量 。但首先要平衡到自己避免心情不愉快先。
私人傳訊

angieman


複式洋房

積分: 161


18#
發表於 12-7-12 09:13 |只看該作者

今朝阿仔比原定時間早左1.5hr起身,+我同c6

原帖由 charchar12 於 12-06-28 發表
今朝阿仔比原定時間早左1.5hr起身, 我同c6又夠鐘返工. 奶奶黎到, 我就叫佢暗番阿仔訓. 佢話好, 就抱起左佢. ...
其實99啱啱黎到緊係想同個孫玩下，抱下，傾下計，都係錫佢嘅表現，時間表咁新頴嘅野對老一派好難實踐呢! 慢慢黎
我就希望我99可以錫我個女多啲:;pppp:
私人傳訊

charchar12


大宅

積分: 1930


19#
發表於 12-7-13 00:40 |只看該作者
Dorothy4250 發表於 12-7-11 13:15
我成日話有病要睇醫生，又唔肯睇，野到個個都病哂都仲唔肯睇，結果 大囡嘶哮症入左醫院丫，嚇鬼死我同老公 ...
wah~ 咁又真係好大wok 喎!
私人傳訊

charchar12


大宅

積分: 1930


20#
發表於 12-7-13 00:51 |只看該作者
kiki1021 發表於 12-7-12 08:08
唔好忟憎。你唔開心餵人奶，d 人奶會有毒數架。
我胎教時已同女女講，唔認daddy mammy唔緊要，一定要識冧嫲 ...
自從阿仔無再夜晚扭計, 其實我同c6的生活真係好左好多架喇! 我post o個個msg都係一時火遮眼, 因為怕咁耐以黎的心機會白費.. 其實細小野我都好聲好氣同佢講架, 不過講幾次佢都唔會聽咋嘛! 個schedule係有30mins走棧架! 大家run順左, 習慣左, 其實完全無問題, 一d都唔harsh~

宜家返工好累都唔會咁忟, 係無精神忟. 但係返到屋企見到阿仔又好開心
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見