我自己細個全家移民去加拿大，好慶幸好慶幸父母放棄 hk 一切同我地去，唔係好似我好多同學咁，父母擺o左佢地o係加拿大諗住有親戚照顧就算數。親戚無可能代替父母。調轉而家你有親戚話要送個仔o黎 hk 讀，拜託你睇住，你覺得自己又做到幾多？阿媽教／鬧係一件事，姨媽姑姐話下個細路都可以一句 ’你都唔係我阿媽’
我唔知你打算送個仔去邊度，但如果係美加o既話我可以肯定話你知一定仲危險過英國。樓上講o既o野全部會照發生，再加一樣就係渣車。而家法例嚴o左好多，但以前我地係 16 歲考到車牌就乜都得（亦識好多好多同學渣大膽車）。你唔可能唔俾佢考車牌，甚至學校有 course 係考車牌，因為係美加無車係接近生活唔到。我自己讀 high school 時有同學係因為幾個靚仔渣住架好靚o既跑車然後交通意外全車人 bye bye o左。好常見o既現象係因為父母陪唔到o的仔女，就不停俾錢俾物質佢地去補償
英國我都去過讀研究院，當時已經係大人，自己錢去讀書，要死慳死抵。大把東方人（esp 大陸）o既青少年o係o的所謂 language school etc 後巷聚集，食煙講粗口。你辛辛苦苦送o左佢去外國，都唔代表佢一定係努力讀緊書，再加埋無父母o係身邊 guide 住佢地人生其他方面o既發展。我自己都有個仔，中學畢業之前我一定唔會送佢走。佢想o既考到o既o係 hk 讀埋大學 first degree 亦一o的都唔失禮
發表於 
香港d工作應該放唔低架喇
返回列表
