意見反饋
義工

論盡家傭 今日: 81|主題: 127763

查看: 1284 | 回覆: 12
在什麼情況下會加佢人工?


別墅

國民生產總值:874


發表於 06-2-13 22:37 |顯示全部帖子

在什麼情況下會加佢人工?

有冇一年加少少比佢?我工人so far 都ok,就做滿一年 唔知好唔好加佢? :cry:


大宅

國民生產總值:3841

好媽媽勳章


發表於 06-2-14 00:01 |顯示全部帖子

Re: 在什麼情況下會加佢人工?

做1年就加人工?唔係化?同埋你工人只係'so far都ok'咋喎,除非個工人真係好好,好勤力,值95分啦,但都唔會一年就加lor,起碼都2年啦!你第一年就加,第二年唔加佢就會唔高興,咁加落去唔係辨法,同埋工人做好佢本份係應該的,佢做得好咪送件衫比佢lor.....我有個朋友,佢又係年年加個工人$200(不過佢工人真係好好),而家成$4500一個月呀.......加人工易,減人工難呀


珍珠宮

國民生產總值:44679

hashtag影視迷勳章 好媽媽勳章 醒目開學勳章


發表於 06-2-14 00:03 |顯示全部帖子

Re: 在什麼情況下會加佢人工?

唔係化,佢地已經overpaid


大宅

國民生產總值:1692


發表於 06-2-14 02:21 |顯示全部帖子

Re: 在什麼情況下會加佢人工?

除非個工人既工作量大左好多又做得好, 或者你冇左佢唔得好想馬住佢, 否則唔需要第一年就加佢人工。想獎勵下佢咪比BONUS佢算囉, 不過要講明你滿意佢D乜表現所以先至有, 等佢唔好以為老馮有至得。


複式洋房

國民生產總值:345


發表於 06-2-14 02:24 |顯示全部帖子

Re: 在什麼情況下會加佢人工?

以前的金無咁貴, 我會在特別日子, 如生日, 聖誕送金耳環. 做滿一年左右, 我出過特別bonus俾佢, 名正言順每月加就唔會, 唔想佢覺得是必然的. 我第一個工人算唔錯, 照顧得囝囝好好, 要獎勵吓和鼓勵吓, 續約後, 最低工資減咗, 我都無減佢, 不過合約就簽新人工.

工人做得好唔係必然, 要閙亦要"tum".


Fireman
Fireman


珍珠宮

國民生產總值:47102

2019新春慶豚圓 hashtag影視迷勳章 畀面勳章 BK Milk勳章


發表於 06-2-14 08:07 |顯示全部帖子

Re: 在什麼情況下會加佢人工?

我唔覺得要加人工比工人喎~~~除非佢做得好好啦!! 再加上我自己都無人工加, 點加比佢呀?

而且學其他媽咪話齋, 加人工易, 第日要減番就難啦. 如果佢真係做得好, 我寧願得閒買下禮物比佢好過.....

又或者係佢完約時比多少少錢佢, 當係完約bonus, 佢仲開心呀!!

該用戶已被刪除

發表於 06-2-14 08:49 |顯示全部帖子

Re: 在什麼情況下會加佢人工?

提示: 作者被禁止或刪除 內容自動屏蔽


複式洋房

國民生產總值:276


發表於 06-2-14 09:34 |顯示全部帖子

Re: 在什麼情況下會加佢人工?

我都唔讚成加人工, 衣家佢做得好, 你加比佢, 佢遲d做得唔好, 你無得減佢。

你千其唔好以為佢做左成年都幾好, 以後應該唔會雖得去邊掛...... 如果咁諗你就錯啦!! 都唔知幾多bk媽咪好似你咁諗, 到同佢地續約之後就超..超..超..級後悔呀。

佢做得好咪送d禮物仔比佢囉, 千其唔好有d 咩係official, 你將來會好做d架。
晉熙媽咪


別墅

國民生產總值:874


發表於 06-2-14 22:47 |顯示全部帖子

Re: 在什麼情況下會加佢人工?

Bonus會比幾多?現在份約係3270,續新約是否要比3320?


大宅

國民生產總值:1692


發表於 06-2-15 00:54 |顯示全部帖子

Re: 在什麼情況下會加佢人工?

sisimama 寫道:
Bonus會比幾多?現在份約係3270,續新約是否要比3320?



Bonus既野, 隨心咋, 一開始都係唔好太多, 我試過冇散紙出糧時比$3,500叫佢唔駛找, 有剩係bonus, 係獎勵佢做頭幾個月以來既好表現 (其實即係只係比左2百幾蚊做bonus)。

而家續新約既最低工資係$3,320, 冇錯。


別墅

國民生產總值:930

好媽媽勳章


發表於 06-2-15 08:45 |顯示全部帖子

Re: 在什麼情況下會加佢人工?

咪亂加人工比工人,將來佢離職,長期服務金或遣散費都係計最後果個月的人工,加左人工計落好溶架,你真係覺得佢好,咪每個月比多一兩百,但千祈咪寫落合約,你好蝕底架。


大宅

國民生產總值:1510


發表於 06-2-15 11:09 |顯示全部帖子

Re: 在什麼情況下會加佢人工?

我個工人做左第六年,依家既人工係$3800!但我冇寫在合約度!我個工人真係好好,有排老公經濟唔係咁好,佢主動同話可以出小d人工,上年話諗住請多個工人幫下手佢知道就話唔需要喇!仲有好多好多都講唔晒!
2000-12-2 --日鋒-- 2004-12-16--日晴-- 2004-12-16--日宇-- 2002-12-4 --日朗-- 家有四個小魔怪


珍珠宮

國民生產總值:41995


發表於 06-2-15 12:19 |顯示全部帖子

Re: 在什麼情況下會加佢人工?

真係做得好而自己能力OKAY又比得開心咪得,但要同佢講清楚如這個月的表現唔好,BONUS係唔會比,等她有期待而努力又努力.


© Baby-Kingdom.com Limited. All rights reserved.