咗，老公同我都好開心……62同99都估到，我無意中聽到62同99講叫佢唔好咁早嘈醒全屋人……直到有一晚99煮緊飯，老公打電話比我話叫99唔好幫佢留飯盒……咁我就去廚房同99講聲……99一聽到就話：我煮咗廿幾年飯從來都冇人會嫌我煮得唔好㗎！自從你出現就個個都話我煮得唔好食！我聽到就好嬲話：而家係你嗰仔話唔駛幫佢留飯盒，如果真是關我事，咁咪唔好意思囉……之後我就入房唔理佢，點知佢打電話比62話我，62就打電話比我問件事……我就照直講，62就話99成日同佢講我唔尊敬佢，話我唔識做佢新抱……仲話聽過99唔知同邊嗰三姑六婆講自己新抱點樣點樣……62同我講佢精神有問題，仲叫我小心身體……起初都冇諗咁多，只是諗唔好整到我同BB就唔理佢……到老公番嚟，62同老公講成件事……老公就話唔好理佢，叫我小心啲……點知第二日，99出完去返嚟，嗰時我係廚房㷛緊安胎藥……係我行出去廳嘅時候，佢突然衝向我成個人撞埋我到，我差啲失重心跌咗落地……99佢仲大大聲話我撞到佢先……我好嬲話：明明係你自己撞埋嚟仲要調轉頭講！之後我好嬲又好驚……打電話比老公……佢一聽到就搵99講，但是99就講係我特登撞去佢到……老公唔知講咩……99好大反應話我係特登咁又點呀！佢而家有事咩！之後就扔番部電話比我……我打比老公問：老公話佢收佢線，叫我番入房唔好出嚟……佢會同62講清楚……叫我唔好驚……講真我從來都冇諗過自己99係咁……老公後來同我屋企人商量決定要搬番去娘家住……等一切都穩穩定定先算……老公係呢件事好傷心……佢冇諗過自己阿媽會咁樣，佢仲話自己細個嘅時候已經因為99嘅關係冇親戚、冇朋友、同冇鄰居(話99試過攞把菜刀話斬隔離鄰舍，嗰位鄰居個仔女係老公同學)。所以老公好擔心因為99嘅關係，結婚時會請唔到親戚，話因為俾99鬧走晒……我聽到都好驚訝，原來老公細個時咁慘……
發表於 
返回列表
