知道大澳搞緊一個相展叫「我愛大澳 – 真色‧珍惜」熊蕙蘭女士相片珍藏展
好似幾特別，於是星期六同老公&囡囡去左大澳玩順道睇下個相展
一落車行左無耐已經開始見倒d鋪頭出面擺左相架
拎左張小冊子研究下，發現原來好多大澳既鋪頭同食肆參與左
咁都幾好，可以邊行大澳邊睇下d黑白珍藏照，老公勁鍾意…
最衰撞唔中佢地個免費相展導賞團，得8月1同18日先有
如果唔係就可以聽埋d相既主人講下故仔
之後坐艇仔睇海豚同棚屋，架艇好快，搞到囡囡又驚又興奮…
睇下...連艇仔上面都可以睇相....
同埋咁耐無黎大澳，知道大澳開左間文物酒店，一定要去參觀下
一去到就俾佢個外觀吸引左，好靚同好有以前殖民地既色彩
之後去左佢地既文物探知中心即係Reception換條相展既珍藏版相機帶
只要參觀相展時儲齊5個印章就可以用HKD50換倒...好抵呀…
仲要整得好靚，上面印左5張黑白相，用料又好，超值!! 
上埋去佢個玻璃屋頂餐廳Tai O Lookout
d自然光好舒服、個懷舊裝潢同個景都好靚
所以我地坐左好耐都唔捨得走
仲有我叫左碗laksa黎試…好好味又多料…值得推介!!
發表於 
返回列表
