本來我只是一名Baby Kingdom CD-Rom的媽媽,但最近於公司內聽了一宗
令人髮指的事件,真係忍唔住要拎上來畀各住媽媽評評理….
事緣上年公司來了一個新環保主任，呢個女仔(下稱H小姐)年紀輕輕又剛畢業，理論上未夠資格去坐呢個位。當時好多同事對佢議論紛紛，以為佢有什麼背景~ 好喇！唔請都請左，大家只好拭目以待~
H小姐到來，野就未見佢做得有幾好喇，但就睇到佢最勤力ge就係溝仔，一腳踏幾船不在話下，換畫既速度快過戲院好多倍。明知返地盤，佢都夠膽死日日著到成隻雀咁，又吊帶又低胸衫。又周圍去黏住d男高層、男同事，甚至連顧問公司同埋判頭d人都撩埋，總之係男性都唔放過。大家都睇到側目，背後都已經不斷講她是非，擔心佢再咁玩法唔掂。哈！終於玩出事喇！
話說上兩個月，地盤經理出左個電郵，嚴正要求所有同事唔番工或外出做野都要同佢匯報。我地都覺得奇怪，地盤不嬲都較Office Free，點解無端端經理會執正。後來先知原來個矛頭係指住H小姐，話佢成日無端端唔見左人，遲到、早退更不在話下……但估唔到H小姐亦不是省油燈，即刻係d高層面前喊曬口扮曬可憐咁，話自己一個女仔係地盤畀班男人蝦，又話自己平時如何如何盡心盡力幫公司做野，OT錢都唔同公司計。班高層居然信晒佢，結果搞搞下怒炒左呢位經理。
我地都覺得奇怪
，本來係一件好小事，點解會搞到要炒左個經理咁大鑊呢？當我們正估估下之際，條氣唔順ge經理終於爆左條事出來……
話說H小姐番工頭幾日，見個地盤經理有車有樓有地位，走埋佢身去姣佢。不過好心啦！明知人地有老婆，而且仲大左肚陀住第二胎，都仲要走去搞人個老公……雖然個經理都係衰嫁喇！老婆又剛好‘唔方便’，見有女咁積極埋身，身痕下走去玩公司地下情。
不過公司有幾大？！明眼人一睇都知發生左咩事，有同事甚至見過佢地放工後起地盤貨櫃入面卿卿我我…佢地又經常翌日早上一齊請病假唔番工，咁去做完咩事唔洗講都估到八九成啦。果一刻佢地班同事都好火滾，日日見到個小三，搞人老公仲得得戚戚咁有個經理車佢返工放工。
咁玩左大半年,經理第二個BB出世。當大家都恭喜他之際，H小姐突然又話自己大左肚，走去逼個經理要佢同佢老婆離婚之餘，仲要佢賣埋層樓用果d錢去同她一齊買過另外一間共築愛巢咁話。個姣婆真係想搞到人地頭家散左先開心，要個BB女一出世就父母離異，仲要無瓦遮頭呀陰公。
經理聲稱拖拖拉拉猶疑左好耐，最後都揀番同老婆一齊，H小姐自稱唯有走去落仔。但佢地繼續藕斷絲連，而H小姐繼續佢溝仔的嗜好，繼續早上遲返或者唔返，個經理點會估唔到，佢前一晚又唔知同邊個瞓，只不過今次個男角唔係佢啫。最終咪妒忌心下出左果個電郵，諗住在公在私上管住佢，點知最後惹來”殺身之禍”……
雖然呢位H小姐最終都因為爆左呢單野出來而無晒面咁辭埋職，但一諗起佢平時恃住有後台撐腰果種氣焰，真係火都來，而且最火ge係我終於明班高層點解一直會幫住呢個H小姐，可能佢地都同佢有不少故事喇！
大家來評評理，佢的行為係唔係真係PK至極…
為左上位而周圍姣d高層都算，但點解要個BB剛出世便父母離異？
既然大家都係逢場作戲，何解又要玩到大埋肚？用來逼個經理離婚嗎？
呢個世界真係有咁Cheap的人，真係影衰晒d女人~
發表於 
好想
之後我d同事再去打聽下，原來個女仔起以前＂玩＂得仲精彩,真係好恐怖！
返回列表
