吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 唔知應唔應該同他繼續，然後結婚。。。 ...

夫婦情感今日: 5|主題: 42738

收藏本版

發帖

返回列表

跳至頁

查看: 8774 | 回覆: 84

唔知應唔應該同他繼續，然後結婚。。。 [複製鏈接]

12 3 4 5

0o小蘭o0

大宅

積分: 1057

1^#

發表於 12-8-3 03:18 |只看該作者 |倒序瀏覽 |打印

我同我男友拍拖六年，是我讀副學士時識的。最近，他同我傾買樓租樓的野，想同我結婚後的事。可是，我心裡不想同他結婚。因為，拍拖6年，我覺得自己就像湊仔六年咁。咩都要我講，我教咁。我心想，咁樣。。。結婚了，頭家咪變成我搞？而且，我同他，一直都系平平淡淡咁，如果我不plan節目，他是不會主動plan的，放假在家，不是打機就是訓覺。。。我已經不知道自己還是不是愛他了。。。。

0 0 0

私人傳訊

ahlum

大宅

積分: 1002

2^#

發表於 12-8-3 03:26 |只看該作者

回覆：唔知應唔應該同他繼續，然後結婚。。。

你心裡都已經不想跟他結婚就無謂拖下去了

私人傳訊

rayrayus

翡翠宮

積分: 84817

2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章育兒性格勳章趣教勳章叻叻勳章 BK Milk勳章 hashtag影視迷勳章 15週年勳章親子王國15週年勳章

3^#

發表於 12-8-3 04:06 |只看該作者

咁點解咁都拖左6年呀? 如果你都覺得佢唔應該嫁，就無謂浪費時間啦

私人傳訊

creative28

大宅

積分: 1686

4^#

發表於 12-8-3 06:18 |只看該作者

回覆：唔知應唔應該同他繼續，然後結婚。。。

即係冇同步囉:;pppp:妳長大向前走佢冇

私人傳訊

媽咪面

伯爵府

積分: 16837

5^#

發表於 12-8-3 07:17 |只看該作者

回覆：唔知應唔應該同他繼續，然後結婚。。。

你同佢已經無愛情啦，我以前都係咁，一諗到同佢結婚就唔想，結婚後更加有機會離婚，最後出現左更好的選擇就離開

芭芭拉

私人傳訊

wister

伯爵府

積分: 17096

6^#

發表於 12-8-3 07:36 |只看該作者

但事實上同齡既男人係無女人咁成熟架

私人傳訊

0o小蘭o0

大宅

積分: 1057

7^#

發表於 12-8-3 07:47 |只看該作者

但系，他其實不是沒進步的，我看得出他的進步的。我平時都會regularly安排星期六的下午同夜晚比他。星期六的上午同中午我都要補習，補完的時間就是同他一起，可是他一直都不會安排那些時間的節目，慣性地，就是我補完，去他家，一系就補眠，一系就同他一齊打機，一系就同他xx，然後在他家吃飯，或者到他樓下吃。近這幾個禮拜，我補完習，不想上去他家了，也開始提議，叫他plan。他由上3-4個禮拜開始，有去主動plan的這個動作，因為我見到他開始上網查，看戲的野了，雖然，到現在還沒訂成功，這幾次都是無靚位，所以看不成。但系，咁樣系咪好的改變的跡象？這個禮拜六，他說想同我在他樓下的街市裏，租單車踏。這是他自己主動去向我提議的，這是不是好的開始？我心裡不知道應該怎樣。。。見到他為我改變，我又覺得好像應該比他機會。可是，6年了。。。才由負分男友變到接近不負分。。。。他一開始說，自己是第一次拍拖，所以很多事都不懂，不知道。我是第二次拍拖，所以我一直都讓他。我是不是應該再比d時間他改變？學習點樣做個好男友先？

私人傳訊

0o小蘭o0

大宅

積分: 1057

8^#

發表於 12-8-3 08:06 |只看該作者

wister 發表於 12-8-3 07:36
但事實上同齡既男人係無女人咁成熟架

他比我大三歲的。。。

私人傳訊

blackblackie

大宅

積分: 4141

9^#

發表於 12-8-3 08:54 |只看該作者

引用：Quote:wister+發表於+12-8-3+07:36+但事實

原帖由 0o小蘭o0 於 12-08-03 發表
他比我大三歲的。。。

我C6都係第一次拍拖，乜都唔識，我自己就都係第二次，但我已經結左婚。

同C6拍拖果時，又係淨係響屋企打機，訓教同xx，都係要我講到出口話想睇戲先同我睇戲，食飯先食飯，完全我自主曬。好多時我都有唔開心，點解佢同其他男仔唔同，人地好浪漫，諗好曬去邊度玩，做D乜，而我就完全感受唔到佢做過D咩，亦都試過好多次因為咁而唔開心同發脾氣。

所以我改變個諗法，唔等佢出主意，我想去邊度玩就去邊度玩，你係緊張我的話，佢會自動跟住黎。

不過都唔排除你男朋友係因為無$而唔想出去（唔知你男朋友做野定讀書）男人既諗法有時好簡單同直接，無$咪唔出街，唔洗$。

結論：如果你覺得悶，一係自己搵節目，一係就飛起佢。留意，呢D可能就係好多單身女士想搵既筍盤。顧家，儲到$，買得起樓，比你話事，聽教，可靠既結婚對象，好少同你駁咀，有小三機會很微。

我講咁多無用，你自己𧗽量喇

點評

caliamama

發表於 12-8-3 22:43

私人傳訊

sbux

男爵府

積分: 5321

BK Milk勳章畀面勳章

10^#

發表於 12-8-3 08:59 |只看該作者

回覆：唔知應唔應該同他繼續，然後結婚。。。

除非你肯定已經無愛嘅感覺，否則唔好太輕舉妄動。我成日覺得男人悶唔梗要 (尤其係揀老公)，試唸吓你想老公係日日放工番屋企等食定係好似隻花蝴蝶咁周街去？太有情趣嘅D 你要有信心Handle 同 Manage 到先好，否則你仲難過。你 plan 節目有咩問題？佢唔反對你建議咪得囉，其實寧願自己決定，橫樹我喺屋企都做慣家姐

點評

purple_onion smart 發表於 12-8-4 11:20

caliamama

發表於 12-8-3 22:43

blackblackie 讚同! 發表於 12-8-3 11:16

私人傳訊

sbux

男爵府

積分: 5321

BK Milk勳章畀面勳章

11^#

發表於 12-8-3 09:02 |只看該作者

引用：Quote:原帖由+0o小蘭o0+於+12-08-03+發表他

原帖由 blackblackie 於 12-08-03 發表
我C6都係第一次拍拖，乜都唔識，我自己就都係第二次，但我已經結左婚。

同C6拍拖果時，又係淨係響屋企打機 ...

贊成，你睇吓D 小三Post 就知何其多，唔只B6嚟爭，香港本身都男女失衡喇

私人傳訊

0o小蘭o0

大宅

積分: 1057

12^#

發表於 12-8-3 09:30 |只看該作者

blackblackie 發表於 12-8-3 08:54
我C6都係第一次拍拖，乜都唔識，我自己就都係第二次，但我已經結左婚。

同C6拍拖果時，又係淨係響屋企打機 ...

咁你覺得幸福嗎？如果有事發生，他可以話事，穩定大局嗎？同埋，你覺得，他夠唔夠關心你？我同他一起禁耐，他送我回家的次數應該不夠十指手指。病了，除了入院，或者就近，他都不會主動來陪我看醫生，只會在whatapps裏或者電話裏，叫我去看醫生。他的關心，都是隔住在whatapps同電話裏。不會有其他女仔的男友咁，好緊張飛來看個女友的情況。可是，我問他還愛不愛我，他說他還很愛我。。。

私人傳訊

chowchow2012

子爵府

積分: 11041

BK Milk勳章

13^#

發表於 12-8-3 09:48 |只看該作者

樓主都講得好清楚唔想同佢結婚, 咁就唔好拖喇.
我22歲時和EX 同居, around 3年, 期間一直都無想過結婚呢2個字.
自己諗返轉頭, 可能都同你一樣, 一直感覺自己揍梗仔, 無被愛/被照顧感覺, 同埋當時覺得自己仲年輕.

私人傳訊

0o小蘭o0

大宅

積分: 1057

14^#

發表於 12-8-3 09:50 |只看該作者

sbux 發表於 12-8-3 08:59
除非你肯定已經無愛嘅感覺，否則唔好太輕舉妄動。我成日覺得男人悶唔梗要 (尤其係揀老公)，試唸吓你想老公 ...

咁其實，愛的感覺系點樣的？我同他，一直都是平平淡淡咁。以前，返學，我會沖定d野飲，幫他選衫褲鞋襪。他唔舒服，如果我可以的話，會去他家照顧他。同學們話我似阿媽咁。

私人傳訊

子爵府

積分: 12169

15^#

發表於 12-8-3 09:55 |只看該作者

回覆 0o小蘭o0 的帖子

你們在一起6年了，你當初選擇和他拍拖的原因是否就是因為他沉穩呢？有些男人就是內歛，因為在家裡可能被照顧得很好，不懂得怎樣為女朋友制造驚喜。男人也不太理解女人心內的九曲十八灣的想法，你不出聲他當然不知應該怎樣討你歡心，因為他把你當成結婚對象，他連日後的企劃都有想到，可見他對你有多認真！

你提出後他有改善，這證明你在他心中是重要的，不過你可以一步一步地教他，或者不要等他來提議做甚麼，最重要是你想去哪裡，如果他愛你，他會配合你的；配侶之間就是要學習如何包容對方，嘗試溶入對方的興趣，大家都可以互相配合，這樣的關係才可以長久。不過當然你自己要問自己，你是要一個懂花巧的男人做你的未來伴侶，還是要一個和你各方面都配合，只是沒有情趣的男人作為伴侶？結婚對象是真要審慎想清楚，因為婚後才是一段愛情的開始，要如何經營才是一個大學問！

mc <()>

私人傳訊

Phoebe_snufkin

公爵府

積分: 25021

hashtag影視迷勳章 BK Milk勳章

16^#

發表於 12-8-3 09:56 |只看該作者

不如你試下同佢傾傾, 講下你既感受, 有d男人既表達係內斂d, 佢著緊你先會改, 但你要俾時間佢慢慢改, 你要睇清楚你唔想同佢結婚係因為太平淡? 佢唔夠主動? 你唔愛佢? 你想你既終身伴侶係咩人?

私人傳訊

sbux

男爵府

積分: 5321

BK Milk勳章畀面勳章

17^#

發表於 12-8-3 10:32 |只看該作者

引用：Quote:sbux+發表於+12-8-3+08:59+除非你肯

原帖由 0o小蘭o0 於 12-08-03 發表
咁其實，愛的感覺系點樣的？我同他，一直都是平平淡淡咁。以前，返學，我會沖定d野飲，幫他選衫褲鞋襪。他 ...

好正常女友行為，我反而想知你D 朋友點拍拖，成日喺條街度唔攰咩？你咪學吓煮飯整嘢食，另一種情趣。

仲有，你而家係揾老公，唔係男朋友更加唔係做 Friend，唔可以下下悶字當頭就咩都蓋過晒

私人傳訊

rubyzhuen

大宅

積分: 1383

18^#

發表於 12-8-3 10:37 |只看該作者

其實我覺得每個人都有佢優點同缺點，所以除左要「享受」對方的優點，仲要「接受」埋對方的缺點

可以諗下其實佢的缺點你係咪真係無可能接受到... 因為唔可以擔保下一個係無缺點 / your ideal man ga ma

btw, 我男朋友都係架, 一 d 都唔浪漫, 成日叫佢諗同我去邊玩又諗唔到... 又唔上網做下功課, 又俾唔到好愛/照顧我的感覺我

我有時都想佢肯放多 d 心思係我身上, 但無辦法 la, 鬼叫佢個人真係比較悶/內歛咩... 但諗真 D, 其實我真係我鍾意佢 D 優點 ga, 我直頭覺得呢個世界無人的優點可以比得上佢 tim !!

所以唯有互相包容下 LA ~

私人傳訊

0o小蘭o0

大宅

積分: 1057

19^#

發表於 12-8-3 10:48 |只看該作者

mc 發表於 12-8-3 09:55
回覆 0o小蘭o0 的帖子

你們在一起6年了，你當初選擇和他拍拖的原因是否就是因為他沉穩呢？有些男人就是內 ...

我當初選擇他，是因為他的家庭背景同我相近，門當戶對，家人應該不會反對。他很純，不會花言巧語，代表不會有‘拍拖時，咩都就你。婚後就兩回事'的極大反差。可是，同他一起後，就不覺得他沈穩，反而是比我更不震定，感覺不大成熟。。。

私人傳訊

blackblackie

大宅

積分: 4141

20^#

發表於 12-8-3 11:01 |只看該作者

0o小蘭o0 發表於 12-8-3 09:30
咁你覺得幸福嗎？如果有事發生，他可以話事，穩定大局嗎？同埋，你覺得，他夠唔夠關心你？我同他一起禁耐， ...

我覺得幸福~ 如果屋企有咩事發生, 就算唔係佢話事或者穩住大局但起碼佢都會聽我講既意見或者做法, 係"大家""一齊"去諗辦法去解決問題, 而且唔係只係得佢一個r爆頭去諗. 因為佢係我老公, 除左阿爸阿媽之外, 只係得佢係我既親人. 有時我都會覺得佢唔夠關心我, 我仲成日串佢話你都唔關心我既, 晚上你唔come 被, 我怕你凍幫你拉番好張被, 但係你無~ 如果佢有既話, 佢會駁番我轉頭話, 我有呀, 係你自己訓到死左feel唔到 (但係事實我係好醒訓, 所以佢一有少少郁動我都會醒) 但係當我提多幾次之後, 佢都有主動(if 果晚佢有醒的話)幫我拉好張被.

佢送你回家, 佢係只係送到你屋企附近, 定係只係送你上車? 定係點? 會唔會因為你住得遠, 一個住東, 一個住西? 我以前拍拖果陣, 我住深井, 我老公住將軍澳, 佢都只係會特地出旺角目送我上車(亡命紅van)而唔會送到我屋企樓下, 因為實在太遠. 至於病左, 講真句, 你想佢點? 你想佢陪你一齊去睇醫生? (關於呢個問題, 我以前都有問過c6) 佢就話, 你都病左, 我黎到至多都係睇住你訓教, 有d咩好做, 咁不如我唔過黎啦. (諗諗下, 呢樣又真wor, 病果陣最需要係休息, 唔係見到佢, 佢又唔係華陀, 又唔識醫你, 見到佢都無乜幫助)

唔知我解唔解答到你?