婆媳關係今日: 0|主題: 27781

收藏本版

發帖

返回列表

跳至頁

查看: 6259 | 回覆: 96

12 3 4 5

積分: 7839

1^#

發表於 12-8-7 09:02 |只看該作者 |倒序瀏覽 |打印

本帖最後由 joechan1999 於 12-8-7 09:02 編輯

上文提到自找嫂見左律師問埋D古怪既問題, 佢都有再同我傾下而家有D咩可能幫到佢. 好老實我都問佢想點. 佢話都唔可以長期係佢媽屋企到住. 甘層樓又賣左佢想睇下有冇機會申請到公屋. 我話買過私樓呢好似要等2/3年先可以申請公屋. 再者都要等唔知幾多年. 一係就要D偏遠/舊公屋就可能會輪得快D. 點知自找嫂話想要返佢媽媽附近. 不過大部份都係細房. 又話佢走左去問區議員, 點知個區議員話而家太多人扮假離婚呃公屋. 所以而家申請單親既都唔易. 佢又驚無賴哥會走上佢媽屋企返佢. 佢好驚喎.

甘我問佢其實佢想呢, 一起定唔一起. 自找嫂話講唔愛無賴哥既就呃人既. 如果唔係都唔會幫佢生2件, 又咩都出晒錢. 問題係而家佢出面有女人. 呢下佢真係忍唔到. 而且佢冇可能見佢出面有女人都唔出聲. 何況99又講D野甘絕. 佢而家唔做返D野就真係對唔住自己. 佢知道無賴哥俾人玩之後. 佢都估到無賴哥會搵返佢. 因為無賴哥咩都冇晒. 唔通連個家都唔要咩. 佢話佢睇穿左無賴哥份人. 無賴哥只係想扮個乖仔俾99睇. 因為好多時99想要咩, 想做咩. 無賴哥都仆到去做, 又成日擦晒99鞋. 無論99煮D野有幾難食, 無賴哥都可以讚到如天上佳餚. 所以自找嫂好有信心無賴哥係唔會同佢離婚. 而且2個小朋友都仲甘細. 真係唔係講分就分. 自找嫂都話唔知前世做左D咩事, 之前甘多好男人, 有錢佬追佢, 佢都唔見, 竟然而家嫁左俾無賴哥, 真係鬼掩眼. 甘我問佢其實佢D朋友知唔知. 佢話由結婚後都好少同朋友聯絡. 一來湊BB啦, 二來都唔係甘想人知佢嫁到甘. 如果唔係佢都唔駛同我講. 而且佢都想知99而家係想點. 除左我佢都唔知可以問邊個. 因為62又唔出聲. 又唔理野. 叔仔又係白痴一名. 只係識食識玩. 甘佢又冇可能問我C6. 所以只可以通過我知道99同無賴哥2母子既想法.

事到如今, 我都冇咩好講, 只可以叫自找嫂好好考慮下佢想玩分居玩幾耐. 而且唔好忘記無賴哥而家未叫佢一起嫁. 而家都只係想要返4磅仔俾99渣. 唔好甘快發夢一家團圓. 有時自找嫂想既野, 未必真係等同於無賴哥想既事. 自找嫂話佢都知. 所以而家出入都一定有人陪好似呀媽, 妹妹家姐甘. 因為佢都驚無賴哥癲起上來捉走4磅仔. 不過自找嫂都好煩. 因為一屋6個大人(計埋自找本人), 3個細路(有一個係自找大哥既). 4磅仔又唔聽話成日都講唔聽. 係屋企跳呀走呀. 自找呀媽都唔多想湊. 雖然而家搞緊工人姐姐. 不過都唔知幾時先到. 到左又係煩. 因為要教工人做野麻. 加上又住多個人係幾百呎公屋. 佢諗起都頭痕. 而且自找大哥個小朋友點計都係內孫. 又係最細. 自找呀媽成日都話4磅仔同2磅女. 叫佢地要讓下自找大哥個bb. 唔好整到. 俾到一種好似寄人籬下既感覺. 佢有時訓唔著既時間都會諗起無賴哥, 好想即刻搬返埋一起住. 我都安慰佢. 點唔好都好. 呀媽點都係呀媽. 我地99一定唔會做到甘. 咩都唔計較俾你返去住仲要湊多2件. 有時唔好成日諗野諗埋一邊. 自找嫂聽唔聽得入耳我就唔多知了.

如果想知道故事既發展, 請留個言支持下丫. thanks!