夫婦情感 今日: 10 | 主題: 42650

積分: 6062

1^#

發表於 12-8-21 11:49 |只看該作者 |倒序瀏覽 |打印

明天女女7歳生日，我已請左假交待好，今日他話明天冇人看店，明天放唔到。我地有自己店，他可以調配其他人來但因為他昨天才調人，配合唔到。今年已是第3年放我飛機，女女5歳及6歲2年生日都到正曰果日早上急call反工，剩低我一拖二在迪迪尼。。。今年月頭我已調好假，上星期重同d女講正日去沙灘定博物管，今早一早同我講明天唔得，重話我重乜黑面，一係後日先放。。。因為要看鋪，他一年只放初一至初三，所有家庭日都係我一拖二，我識佢時已係咁，但我已開始lonely, d女又話点解其他人4人一齊，以家只係係阿女生日叫你安排放假，又放我飛機，我真係好失望。

我知他為工作，好過唔揾野做或有小三，但我好唔開心。

0 0 0

私人傳訊

canies

翡翠宮

積分: 95711

2^#

發表於 12-8-21 12:31 |只看該作者

回覆：是我唔體諒嗎？

咁佢都係做嘢啫，等佢放工一齊切蛋糕都可以慶祝呀！反而你要比囡囡知爸爸返工好辛苦叫佢鍚爸爸多啲呀。

私人傳訊

mummy0910

別墅

積分: 932

3^#

發表於 12-8-21 13:07 |只看該作者

suewong 發表於 12-8-21 11:49
明天女女7歳生日，我已請左假交待好，今日他話明天冇人看店，明天放唔到。我地有自己店，他可以調配其他人 ..

其實你一早就知佢份工不嬲都係咁,有時工作對男人黎講係重要過其他,
因為男人職責係搵錢養家,其實放假慶祝可以再安排

私人傳訊

totheend

侯爵府

積分: 20376

4^#

發表於 12-8-21 13:43 |只看該作者

回覆 suewong 的帖子

我覺得你不夠體諒啊!

這樣有責任感的老公不錯啦! 更何況小朋友的生日不必太隆重的.

我的仔女生日只有蛋糕慶祝, 從不會有禮物. 逢weekday 的生日, 都是晚飯後吃蛋糕, 而且一定等埋爸爸, 我老公放工很夜, 8, 9點鍾很平常的.

私人傳訊

積分: 6062

5^#

發表於 12-8-21 14:31 |只看該作者

結婚以來，我自己生日，結婚紀念日我都冇要求陪我，反而小朋友生日我重視係希望她地有個美好的童年回憶。每年只放3日假陪我地，剩係d女生日果日d女同我想一家4口一齊，他大隻廣就唔好比希望我地，小朋友都失望。我知他有責任心顧家，但是否只要記着這些就不可再要求？我地的celebration 只係想去下沙灘玩或参觀太空館，一d其他人正常的家庭活動但我已當係celebration...唉，我要返工，放假永逺只有我一拖2（1個7歳，1個5歲），我都會累。。。

私人傳訊

doubleluk

積分: 2730

6^#

發表於 12-8-21 14:34 |只看該作者

回覆：是我唔體諒嗎？

放飛機的確會好失望，但真係無辦法，佢又無理由唔開舖走去玩嘅…可以要佢自己同小朋友解釋番，同埋搵時間陪番佢地玩囉。

私人傳訊

sindywongyansin

積分: 2257

7^#

發表於 12-8-21 14:51 |只看該作者

回覆：是我唔體諒嗎？

比我會好嬲！好失望！

私人傳訊

子瑤

積分: 5844

8^#

發表於 12-8-21 17:51 |只看該作者

有時啲時間就唔到，有突發情況都冇辦法架，雖然會好唔開心，不過大家互相體諒喇，下次再約過喇

私人傳訊

maymaywong88

積分: 3037

畀面勳章 BK Milk勳章

9^#

發表於 12-8-21 19:08 |只看該作者

回覆：是我唔體諒嗎？

覺得應承左之後放飛機會好失望囉，一係唔好實牙實齒答應。

私人傳訊

stevekit

積分: 7377

畀面勳章

10^#

發表於 12-8-21 20:07 |只看該作者

回覆：是我唔體諒嗎？

應承左又放飛機，我會嬲同失望囉
有責任心唔係唔好，但要知邊樣係重要囉
小朋友童年好重要架

我62同你老公一樣，自己開鋪，又係每年只放年初一至年初三
我老公話佢童年所有活動佢老豆都冇參與過，冇帶過佢去邊度玩
我老公話佢對62好陌生，都唔知點相處
佢地三兄妹同62感情都好淡
所以真係要抽時間陪小朋友

私人傳訊

workingmama11

別墅

積分: 792

11^#

發表於 12-8-21 20:29 |只看該作者

我覺得如果佢無話放飛機感覺會好些

私人傳訊

積分: 6062

12^#

發表於 12-8-21 21:27 |只看該作者

我媽同他媽爸都覺得顧家就夠，但我需要更多。。。一年又一年的失望，同埋平時他放好夜，9：00才番到，d女真係有d唔識同他相處，乜都揾媽咪同姐姐，或者我都累啦！冇人明白我的感受，或許係我選錯。。我係街見人一家4口行玩，我好羡慕，何况d女。。。

私人傳訊

sweetieyuki

侯爵府

積分: 22284

13^#

發表於 12-8-22 11:14 |只看該作者

引用：我媽同他媽爸都覺得顧家就夠，但我需要更多

原帖由 suewong 於 12-08-21 發表
我媽同他媽爸都覺得顧家就夠，但我需要更多。。。一年又一年的失望，同埋平時他放好夜，9：00才番到，d女真 ...

我認為除左搵錢係顧家，願意付出時間去維繫父子及夫妻關係更重要。工作咁辛苦咁大犧牲都係想令家人開心，有舒適的生活，如果反而忽略左同家人相處就係本末倒置。

私人傳訊

yikaho

子爵府

積分: 13737

14^#

發表於 12-8-22 11:20 |只看該作者

sweetieyuki 發表於 12-8-22 11:14
我認為除左搵錢係顧家，願意付出時間去維繫父子及夫妻關係更重要。工作咁辛苦咁大犧牲都係想令家人開心，有 ...

同意!!!!

其實樓主老公一年先放得3日假, 佢自己都冇休息, 都唔係一件好事~

錢係搵唔晒架, 子女嘅成長同埋夫妻相處嘅寶貴時間過咗就冇... 到老來就後悔莫及

到佢退休時想d女陪下佢.... 可能真係有難度

教養孩童，使他走當行的道，就是到老他也不偏離。 (箴22:6)
Train up a child in the way he should go: and when he is old, he will not depart from it. (Proverbs 22:6)

私人傳訊

朱地

積分: 1204

15^#

發表於 12-8-22 14:03 |只看該作者

樓主，既然你地一開始已經係咁就唔好埋怨啦，何必因為呢d影響感情，諗深層小朋友冇daddy陪過生日，總好過冇daddy陪成長，唔好亂諗喇
P.S. 我個情況同妳差唔多，都係自己舖，朝九晚八，我明妳感受架，加油丫

私人傳訊

sumaggie101

禁止訪問

積分: 24651

16^#

發表於 12-8-22 14:07 |只看該作者

提示: 作者被禁止或刪除內容自動屏蔽

私人傳訊

joycestram

積分: 3169

17^#

發表於 12-8-22 15:13 |只看該作者

回覆 suewong 的帖子

樓主, 我同情你, 因為我以前BF都係咁, 佢有自己既舖, 我以前都唔敢一早約佢去邊到玩..行街...慶祝, 因往往一早約好臨時都會有各樣原因未能成事.
可能依到好多JM都會覺得唔夠體諒, 佢都係為工作啫..當你一次, 兩次..三次....十數次都係咁既時候就唔同想法了.
其實好多時係佢地唔去好好處理佢地既時間分配, 唔好好去arrange, 當然有突發事冇得好講, 但總唔會次次都係. 如果佢地肯用心去分配, 也體諒下我地既感受, 總會抽到時間出黎.
佢地唔係唔得, 係唔想啫

私人傳訊

子爵府

積分: 12169

18^#

發表於 12-8-22 15:30 |只看該作者

回覆 suewong 的帖子

或許是你c6實在不太明白你的執著點在哪裡？他是因為工作，男人不會明白為何女人要執著於正日慶祝？一次又一次的失望，我相信連你仔女都感受到，所以他們都不開心。既然你c6的性格是這樣，你只會一年又一年都失望，何不換個方式？你c6是要回去看鋪，那可否帶埋仔女去找他在鋪頭午飯時間慶祝？山不來，你就移近山去，讓你c6明白其實你要求的不是上天下海，不是要求他放下一齊，有時候用這種婉轉的方式，讓他自己去明白你想要甚麼，孩子想要甚麼？我覺得反而好過你年年都怨他做不到承諾。

我相信就是因為你c6太有責任心了，他根本不懂得用另一個角度去思考，加上男人每次遇到問題，只能一次處理一個問題，在他的腦海中，鋪頭是第一位，你和仔女的訴求佔第二位，加上他認為天天在家都會見到，生日慶祝都可以改天做，但鋪頭沒有人看就損失利潤，所以他二話不說就選擇忘掉承諾。

這種人唯一一個方法是讓他自己去明白，他損失了甚麼？孩子的童年很快就過去，以後想要替他們慶祝可能還要度期，正日可能要和朋友過，這些都可以平時逐步讓他去明白。潛而默地令他明白家庭比金錢對你更為重要，或許在家裡的日曆上標明要請假的日子，請他早早就安排，不要讓小孩子失望。如果臨時真的走不開，都可以去找他一齊慶祝，慶祝活動真的可以隨機而變，最重要是孩子想和父母一起慶祝吧？

mc <()>

私人傳訊