預產期是915
係威院經過左六日五夜，昨天我們終於可以出院帶寶貝豬回家去喇！好開心呀😄
911去最後一次產檢，點知無啦啦話我血壓高要我立即去醫院檢查，就咁被迫入院了。
912醫生要求我塞藥催生，我聽到後嚇到腳仔軟呀，不過都同自己講始終要面對啦。塞第一粒無反應，第二粒後開頭有好密既宮縮，點知半夜無左（無哂痛）因此913要塞第3次藥，醫生話再無動靜就要我去待產房進行人工穿水和吊催生藥，點知真係無動靜。
其間見到好多媽媽都生得，好幾位嗌哂救命=_=＂有些好似睇驅魔人咁，脆係床邊手揸住床單慘叫，嚇到我喊左好幾次呀。
好多人排隊等入待產房，我發現人手問題大過床位。
下午六點半入待產房了，兩位醫生幫我檢查都說宮頸仲好厚穿唔到水。
914半夜兩點半，我要求做無痛分娩後再吊催生，因為我擔心血壓高，所以不願意直接吊催生藥。
早上六點終於排到隊落產房喇，勁開心！七點做無痛，八點人工穿水，十二點開始陣痛及開左一度，下午四點開左三度，呢個時候好後悔無打比老公，因為想不到開得好快，個多小時後已開至十度，一經檢查馬上生得，push左幾下就生左嚕！生既過程不夠十分鐘，叫都叫唔切老公，唉！
助產們都贊我叻，又快又識用力，我自己都覺得自己勁叻。最後不得不提，無痛分娩果然利害！
正用手機app，請勿點評，因為是看不到的。如要回覆請用引用，多謝合作！
發表於 
好可愛
cute!
好得意呀 弓喜哂
返回列表
