話說4年前我 BF 個親阿姨因為無錢租屋住身邊親人無人肯接應佢
我 on 居居話無所謂接佢一齊住, 最初我真係交心咁照顧佢,
明明我唔識煮飯專誠學煮飯, 尤其佢係素食主義者。一次無心落左onion,
佢即係拋低筷子仲要好決絕講”我係唔會食你煮嘅嘢!” 我之後出街喊。
有一次洗洗下碗佢衝入黎同我講 “ 我唔駛你洗碗 !” 我問咩事 ?
佢話 “ 我唔滿意你洗碗!” 佢住左 4 年 , 鍾意就俾幾百 , 好多時候係無 !
4 年 , 無理間屋乾淨與否 , 一句話唔識插吸塵機 , 於是我每星期六 or 日清潔全屋
包括廁所。
之前係中環買左條 7色水晶手錬 (價值千幾)俾佢去衰運, 好幾次唔見佢戴就問下佢,
佢最初話太靚又貴開工時(佢做日間看更) 唔方便。 3 個月後再問佢 , 佢竟然答我
“ 我決定長放係我個 friend 度 ( 佢個 friend 開水晶店) , 我個 friend 仲話有粒係
膠珠嚟 tim” , 我覺得好有不被尊重嘅感覺 !!
我家有 2 隻狗仔 ( 史納莎 / 魔天使 ), 佢好有愛心但更愛縱容。不停當我d 狗係金魚
餵飼 , 不停餵小食又餵人食嘅芝士焗長通粉, 結果我2隻狗當晚又嘔又屙, 全程由我清理
負責。BF 話過佢唔好咁做 , 左耳入右耳出 , 第二日一樣 keep 住咁做 , 無分別 !
2隻狗是旦一隻大便左, 我未能即時處理, 佢一直係廳闊佬難理 , BF 問佢點解唔幫手 ?
佢竟然話 “ 我唔知道” !! (但 D 屎臭味勁到我地係房都聞到所以開門執屎)
自己自稱患病, 請左 1 星假 , 但成個禮拜都唔係屋企休息 , 早出晚歸。上次同人講電話
又話人唔信佢病 , 講到自己幾咁慘幾咁受委屈。
尋晚 11:30 佢明明係廳小睡片刻, 個電視音量係好細聲。我就係洗手間度吹頭,
佢即刻調較超大聲音量以示不滿 。到我吹完頭返房又較番細聲, 明玩野 !!
晚晚都要買埋飯俾佢食 , 完全好依賴我地架 !! 對屋企 0 貢獻 !!
出年 6 月租約期滿, 我發誓一定要分家 , 不相往來 !!!
發表於 
mouth:
返回列表
