吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 我的大長篇分享.. 真係好長!!

想生BB 今日: 0|主題: 109406

收藏本版

發帖

返回列表

跳至頁

查看: 1186 | 回覆: 29

我的大長篇分享.. 真係好長!! [複製鏈接]

puilam714

公爵府

積分: 29294

畀面勳章 BK Milk勳章

1^#

發表於 12-9-26 15:18 |只看該作者 |倒序瀏覽 |打印

本帖最後由 puilam714 於 12-9-26 15:49 編輯

由4月加入bk開始為下一代做準備.. 6月正式開工+用紅d(因為本身cycle唔準, 想有把握d邊日排卵).. 8月有好消息!

雖然只係短短經歷左幾個月既時間.. 但係我都體會到呢個"唔容易"..同埋中左之後既擔心.. 我唔可以話係咩必中tips.. 但係多謝各jm既分享.. 令我學到好多野, 亦好開心喺度識左幾位女人.. 一齊嘻嘻哈哈咁過呢段日子.. 雖然依家少左傾計, 但係你地永遠都係我心裏面佔著一個位置!!

我知道大家都為左"想生bb" 而好努力.. 無所不用其技.. 我都知道口講要relax同真係要relax係兩回事.. 我自己第一個cycle都好緊張.. 無啦啦有日流左幾滴疑似著床血仲喊晒口.. 嚇到老公"屎"..到第二個cycle.. 開始放鬆d.. 再加埋自己生日月.. 好多節目分散左自己注意.. 就算見到7月既紅d pattern同6月完全唔同都已經無咁在意..

到8月初.. 帶埋m小姐同老公去左自己最愛既地方旅行.. 開心完返黎繼續過正常生活.. 到排卵期竟然撞正2公婆輪住腸胃病, 醫好肚屙跟住又感冒.. 排卵期之後就只係dodo過一次.. 一心靜待m小姐既來臨.. 點知就竟然.... 完全出乎意料之外..

0 0 0

私人傳訊

puilam714

公爵府

積分: 29294

畀面勳章 BK Milk勳章

2^#

發表於 12-9-26 15:18 |只看該作者

發現”您”既出現, 一D都唔似大家咁興奮..

DAY30去VIVI時見到底底有少少啡.. 以為喺M小姐又黎探我, 當時未返到屋企, 就只係用左護墊頂住先, 但出奇地一直到晚上12點幾都只係得一撻唔大過5亳子既啡.. 唔知喺咩心態底下我竟然走去驗紅D.. 結果紅D明顯有好深色既線.. 問過一個BK JM, 佢話佢都試過M前會深到咁.. 咁我就唯有換M巾訓覺, 唔諗咁多, 但係第二朝M巾都仲係白雪雪..

由於我平時M小姐唔會咁樣, 結果我驗多次, 竟然連綠D都有線!! 開心左一秒.. 跟住就好擔心了.. 因為我流啡.. 仲KEEP住大半日都仲係咁少少少少.. 底底唔見有, 但係小便直一抹就會喺紙巾見到D.. 結果唔放心, 3點幾同老闆講聲就走左去睇醫生.. 如我所料, 醫生乜都驗唔到, 初步檢查都唔似係宮外孕, 因為我無痛, 但係佢不停話信我有左, 因為我驗到… 佢幫我驗左2次, 第2次浸耐D小便, 就要好集中咁先見到一個淺到爭D睇唔到既控, 佢話佢真係出唔到懷孕證明比我住.. 但係佢就寫定封信比我, 叫我再有流或者痛, 就拎住封信去急症..

結果老公放工返黎.. 我就一次過將中左+睇醫生既事話左佢聽.. 佢開心得黎又好擔心仲話驚.. 佢話我對佢好殘忍, 佢消化唔到自己係咩感覺…

私人傳訊

puilam714

公爵府

積分: 29294

畀面勳章 BK Milk勳章

3^#

發表於 12-9-26 15:19 |只看該作者

本帖最後由 puilam714 於 12-9-26 15:50 編輯

由於晚上都仲係KEEP住咁少少少少.. 結果我地都去左急症.. 醫生幫我做左D檢查, 佢竟然幫我照肚.. 我都唔知佢覺得會照到D乜… 驗尿又係驗唔到, 不過佢又係話我信你驗到就係有.. 激死我!!! 結果佢最後寫左 4日假比我喺屋企休息, 同埋5週6再返去產科檢查.. 5週6返去, 照到胎囊.. 但未有心跳.. 等待期間聽到醫生同對上上一個媽咪講佢BB無心跳.. 無長大過.. 個下真係好擔心, 成個心實晒….. 到我照完佢又唔肯出懷孕證明比我.. 只係叫我7週6返去再照多次, 搞到我更加驚!! 幸好7週6時返去已經照到”您”強勁既心跳, 我才可以鬆一口小小既氣…

今日我地一齊踏入8週4既日子, 為左”您”, 我會努力養好身子, 比所有最好既”您”, “您”都要同我一齊努力, 知道嗎!!

點評

cathycheung1124

發表於 12-9-29 18:47

私人傳訊

puilam714

公爵府

積分: 29294

畀面勳章 BK Milk勳章

4^#

發表於 12-9-26 15:28 |只看該作者

我無咩必中心得, 但係我覺得心態真係好緊要..

我自己只係用左紅D, 因為我覺得量體溫對我黎講太大壓力, 見住JM們個體溫表好似望住個股市幾十萬上落咁, 仲要每朝晨早量, 我好爛訓.. 自問真係搞唔掂.. 睇分泌睇身體反應呢D我又好鈍.. 真係唔識, 亦因為懶, 所以無深究.. 無睇中醫, 因為唔捨得.. 我見大家調理身體都要洗好多錢, 又要飲好多藥.. 未到最後都唔想行呢步..

紅D比較方便, 我鍾意幾時CHECK就幾時CHECK, check之前我都無刻意唔飲水.. 而且我只會KEEP住預計排卵前幾日用, 用到排左就唔再用, 到M前幾日先再用返睇下有無控, 無就算, 有先繼續CHECK, 一黎無咁大壓力, 二黎紅D都襟用D, 哈哈~

我亦都無刻意戒口, 所有凍野生冷野我一樣照食照飲, 每朝早餐一杯凍檸茶, 因為我覺得未bingo已經戒到咁真係會唔開心, 唔開心都有影響架嘛… 除非本身個底子真係唔係咁好, 咁為唔為左bingo都應該要戒口.. 或者都年尾喇~ 去個旅行放鬆下, 返黎可能會有意外驚喜~~

私人傳訊

puilam714

公爵府

積分: 29294

畀面勳章 BK Milk勳章

5^#

發表於 12-9-26 15:31 |只看該作者

另外仲有一點好緊要既係我覺得同老公溝通都好重要, 時不時都會見到d jm話老公唔鍾意自己check紅d, 又或者話因為咁而dodo會無mood, 搞到老公唔肯合作等等..

其實我時不時上完bk都會同老公講我睇到d jm話點點點.. 我老公話.. 喺男人角度, 其實真係會唔鍾意.. 就算我問過佢先用紅d, 其實佢都麻麻地.. 佢明白我經期唔準時, 所以需要紅d幫助, 但係佢都會覺得, 我本身已經係一個好容易因為小事就緊張既人, 用紅d只會令到我更加神經質.. 所以佢唔想見到我咁! 同埋男人幾恨生仔都好.. 其實dodo果下佢地都係情感行先.. 平時唔比掂, 到果幾日就係咁要dodo.. 跟住又話要等bingo唔比do, 佢會覺得如果咁樣真係會難受, 覺得自己好似係精子供應商, 其他時間就無價值.. 幸好我未去到呢個地步, 因為我自己本身都享受dodo, 係唔係排卵期甚至等bingo, 只要我/ 佢想.. 我地都會照do..

希望各jm喺想老公體諒自己之餘, 都體諒下個老公諗乜.. 佢地唔開心.. 可能對丁丁都一樣唔好/ 無功課交架..