原本真的無諗過要作出澄清或反駁, 因為bk甘大, 總有些認同自己的姐妹, 同時也有不認同自己的姐妹存在. 所以我並不介意某些姐妹的不認同. 不過, 到目前為止, 我覺得某些人愈來愈過份, 愈來愈抵毁我, 我真的下不到呢啖氣. 當然, 見到有不少姐妹替我講說話, 我真的好感動,
原來bk係好有人情味的. 好了, 相信有些迷团總要講出來的. 至於有關小朋友係我求99照顧, 定係佢求我俾佢照顧,同埋租金問題,我會另外再講.
以下的內容係回LoveFamily的:
1.
你吾好理我99本身想煮定吾想煮, 吾好理我咩原因而我自己煮, 總之買送煮飯就吾使我99操心, 吾使佢理, 都確保我地一家同叔仔兩個都有飽飯食, 有曖湯飲就得了. 買餸係我自己錢, 柴米油鹽又係我自己錢, 煮時用的煤氣又係我出, 請問,我邊方面攞我99著數?
2.
至於順吾順手, 我原本只煮開3個餸, 因為多左2個人,而要煮多一至兩個餸,仲要諗菜式呢, 我係一個對食有些要求的人, 但呢d都係我自己的事, 你吾好叫我求其諗,求其煮喎.對只係黎食的人黎講, 咪順手囉, 都煮開者,但對於日日煮果個人黎講, 真係可以甘順手? 明明煮完三個餸就食得, 依家變成仲要繼續煮,煮到够食維止喎. 你講就容易, 你自己試下拉, 甘叻! 好la, 煮飯呢度, 你話我順手嘛,但我又攞我叔仔佢地咩著數呢? 依家佢地俾5000我阿, 令我有錢剩? 可以打虎頭?
3. 你唯一講得啱, 係話平時得99一個人, 用得有幾多食得有幾多呢點. 無錯阿, 所以家里的水電煤,電話上綱費, 加埋日常用品, 咪全部我出番, 基本我99吾使出一分錢喎.我又邊度攞佢著阿. 無錯,間屋d傢電原本就有,但你又吾知, 有一部份傢電係我地兩公婆送俾6299入伙的, 依家住的樓係佢地幾年前用舊樓換的.住左五六年左右.吾好講以前了, 即使依家, 電視神神地, 要換,梳化爛左要換, 我地吾想老人家出錢,所以我地自己買過黎用. 吾計其他家里有咩電器壞左要換新的, 都係我地要求自己出,吾使老人家出的. 按你所講,層樓我地無份的, 甘係咪可以吾使理架. 但我地明知層樓自己無份, 係吾係度住都好,我地都會照出囉. 吾知我又攞咩著數呢.
你話你年紀大過我,見識多過我, 吾好意思,我真係超吾認同. 你自己睇番你自己的作風, 吾認同我算了, 仲要走去支持我的姐妹度說三道四, 吾抵得人地邦我講說話, 你呢種行為, 難聽d講句, 同x婦罵街有咩分別呢? 真枉你係兩個小朋友的亞媽呢!
租方面:
叔仔之前係澳洲讀緊書, 我同99住過三年後,我地自己儲到首錢就買樓搬開. 因為吾係好遠,所以我大仔接送放學係由99負責, 我放工接番亞仔回家. 直至我有左第三胎,我叔仔又快要回港生活了, 因為我曾經小產過, 於是6299同c6就商量緊怎樣安排.後來得出結果係, 我地搬回跟99住,我地間屋俾叔仔佢地住. 因為我c6想我好好安胎吾好四圍走, 大仔又可以俾99睇頭睇尾, 叔仔佢地又有地方住, 佢地三個話係好好的安排. 99話到時再請工人, 我地出一半. 維了c6同62,我照做. 所以呢兩年多,叔仔係住係我地層樓, 我地同6299住.
我叔仔兩公婆住呢兩年期間, 我係無收過佢地一分錢架, 樓我地個個月照供, 管理費照交, 地租照俾, 水電煤佢地自己交番. 甘耐以黎,我無係6299, c6面前講過不滿. 佢地都知道我吾係計較的人, 所以佢地從來無要我地交租金. 所以先俾2500俾99做飲茶錢. 其實我交租金又無蝕抵喎,我只係我叔仔交番租俾我, 我咪俾番99當租金囉, 但我地都知道, 甘樣只會加重我叔仔負擔, 所以佢地吾敢要求. 而且我62好欣賞我甘大方, 更加無想過收我地咩野錢. 所以我吾係白住架, 係同叔仔交換地方住.
所以我吾知又攞左6299 d咩野著數
臭仔方面:
我c6諗住等細仔3岁就搬番走的,到時個工人我地全數自己出番人工, 帶埋工人走, 等叔仔佢地生左bb,先再請過新的. 不過可惜未到我細仔3岁, 係年頭, 我99因為細仔報名問題,而話我懶叻,懶巴閉, 我忍吾住頂佢, 佢仲大罵我係全世界最壞的女人, 又話我媽咪無家教. 以前d新抱, 仲邦99洗底褲, 我從無做過. 我好惱,於是我同左我媽講, 佢知道又心痛我, 又惱,於是決定提早退休,就算無十幾萬人工, 都要邦我照顧小朋友,等我立即搬走. 但當我準備執野時, 我c6一臉難做甘走黎同我商量. 話62一日內打左好多次電話俾佢, 都係叫佢再同我傾傾, 叫我吾好搬走, 我c6求我, 話睇在62同佢份上,吾好搬拉. 話邦佢一次甘多,等佢吾好甘難做, 好嗎? 我見到c6甘樣我好心痛, 其實我吾想搞到甘, 只係今次太過份. 後來我地協議, 等我媽咪真正退休,我地先搬走, 起碼有個親人邦我地小朋友睇頭睇尾. 我地可以安心番工. 所以吾係我有求於我99邦我臭小朋友, 係我睇在62, c6份上, 先繼續係度住, 繼續俾小朋友佢地睇住.
kktsoi 發表於 12-10-26 10:46
回覆 ap9394 的帖子
我叔仔佢地有佢地吾識做人的地方, 我可以吾同佢地計較. 上黎呻, 主要係吾鐘意99果種做 ...
發表於 
返回列表
