跳至

首頁
1

尾頁
   0


複式洋房

積分: 216


發表於 06-5-15 19:12 |顯示全部帖子

BB鐘意個奶樽多過我, 點好?

各位媽咪, 你哋好. 我係第二任媽咪. 小b响5月8號出世. 小b尚算乖, 大部份時間都係瞓覺. 瞓醒就喊食.

原本乜都尚算ok. 初初响醫院已經開始餵人奶, 但因為未夠奶比小b食, 所以都有補奶粉. 如是者維持咗幾日. 出咗院返到屋企都係咁. 起初小b都肯埋身食, 但係從禽日開始, 小b開始唔肯埋身食, 喊到我用奶樽餵佢為止. 工人話小b慣咗飲奶用奶嘴, 所以唔肯啜我個nipple.

真係唔知點好? 好唔開心. 想pumpD奶出嚟又唔多. 聽人講, 就算用pump, 好快就會回奶. 但係小b又唔肯埋身食. 唔通而家先嚟放棄? :-(

唔知有無媽咪有經驗可以share吓? 唔該哂!


大宅

積分: 2116


發表於 06-5-16 01:26 |顯示全部帖子

Re: BB鐘意個奶樽多過我, 點好?

你睇下其他mami既方法可唔可以幫你上奶上好D。上奶上得好,自然可pump多D啦!
click


複式洋房

積分: 216


發表於 06-5-16 10:38 |顯示全部帖子

Re: BB鐘意個奶樽多過我, 點好?

唔該哂你呀mirandasuper!

屋企人個個都叫我放棄, 自己當然唔想. 但係小b又唔肯合作. 我會再試pumpD奶出嚟餵佢. 不過禽日試過, pump
咗半個鐘都係得半oz.

:-(


禁止訪問

積分: 1142


發表於 06-5-16 15:03 |顯示全部帖子

Re: BB鐘意個奶樽多過我, 點好?

提示: 作者被禁止或刪除 內容自動屏蔽

提示: 作者被禁止或刪除 內容自動屏蔽


別墅

積分: 792


發表於 06-5-16 16:20 |顯示全部帖子

Re: BB鐘意個奶樽多過我, 點好?

飲多d湯水、鮮奶會有幫助o架。
放鬆d啦, 我d奶都時多時少, 望住亞b o黎pump會好d~~


大宅

積分: 4675


發表於 06-5-16 16:56 |顯示全部帖子

Re: BB鐘意個奶樽多過我, 點好?


大宅

積分: 4675


發表於 06-5-16 16:58 |顯示全部帖子

Re: BB鐘意個奶樽多過我, 點好?

我BB早產,住咗3個星期醫院先可以返屋企。BB係醫院嘅時候都未試過埋身餵人奶。等到我上奶,我就pump奶返醫院俾BB食,但奶量唔多,醫院都有補奶粉俾BB。BB係醫院都係用奶樽,所以BB返到屋企我都係pump奶用奶樽餵。BB初初返到屋企我都試過埋身餵,但唔成功。健康院嘅醫生都話BB得5磅幾咁細個,未必夠力埋身食人奶,叫我繼續pump住先,唔夠奶就唯有補奶粉。但係過咗幾日我又再試吓埋身餵,結果BB肯食呀!我已經冇用奶樽幾日啦!

你千祈唔好放棄呀!努力繼續嘗試,一定做得到架!


複式洋房

積分: 216


發表於 06-5-16 20:33 |顯示全部帖子

Re: BB鐘意個奶樽多過我, 點好?

唔該哂咁多位媽咪!

今次想唔放棄都唔得, 因為小b連我pump出嚟D奶都唔肯食. 我已經用奶樽餵佢. :-( 我決定餵奶粉算啦.

manpan, 真羨慕你, 可以成功埋身餵BB. 繼續努力呀!


大宅

積分: 2116


發表於 06-5-17 20:06 |顯示全部帖子

Re: BB鐘意個奶樽多過我, 點好?



大宅

積分: 4482


發表於 06-5-18 00:07 |顯示全部帖子

Re: BB鐘意個奶樽多過我, 點好?

楊小邪,
記得我嗎? 我地兩個大b都係0409BB呀! 恭喜你生咗個咁可愛既BB先!
我個小小b出世時因為住咗醫院照燈成兩個星期, 我都唔可以埋身餵, 咁我就租咗個medela電pump每日喺屋企pump奶, 雪住等小小b返屋企時用奶樽餵佢, 如是者到小小b滿月就放棄咗喇.....因為湊兩個好累, 真係分秒必爭去休息, 而pump出黎既奶量又遠遠不能追上小小b飲既份量....
其實餵奶粉既BB都可以好健康架, 最緊要唔好俾自己太大壓力, 坐月休養好身體....加油努力!

首頁
1

尾頁

跳至