自由報料

跳至

首頁
1

尾頁
   0


男爵府

積分: 7032

2019勳章


發表於 06-5-16 16:17 |顯示全部帖子

灣仔太x街鴻x模型扭疍

我頭先lunch 有一個唔愉快既經歷…….之前係灣仔太x街嗰間鴻x買左一套五隻第一代星矢扭疍, 好開心咁返屋企一日拆一隻, 拆到第3隻時發現原應兩部唔同既組年包裝重覆左, 咁咪攞返出換囉, 佢地check 完之後都俾返啱嗰件頭髮組件我, 咁相安無事啦! 好勒, 返到屋企諗諗下, 都係拆埋餘下嗰兩隻疍先, 一拆就大件事勒, 隻星矢少緊一組頭髮組件, 餘下嗰隻個膊頭位又少緊件, 咁即刻攞返去換啦………..嗰八婆話我昨日換完今日又換, 無得換勒! 有無攪錯, 昨日嗰隻係星雲鎖鏈嗰隻, 今日嗰兩隻都唔同……..佢話點知您聽日仲會唔會再攞返嚟又話換架, 呢d野換一次……...咁明明唔同疍, 又唔係一隻疍換幾次, 我仲要冒住雨搭車由中環落灣仔換, 貪得意咩! 車錢平呀?!

佢仲話呢啲parts咁細, 通常都係重覆左, 好少會miss, 亦點會一套扭疍有咁多問題喎……..咁唔通我無事搵事做? 有無攪錯? 言下之意亦講到好似係我唔小心整唔見走返去呃佢換咁……...喂, 都唔係第一次幫襯, 佢咁講令到我好唔開心! 我俾炒價買左套疍番嚟仲要係唔完整既, 對一個收藏者嚟講係一件好傷心既事………佢之後話試下打俾個代理, 睇下佢地肯唔肯玩, 肯先算咁話………...佢明拖我囉!

仲話買嗰時叫您check 過齊架啦! 喂, 大家都買過套裝扭疍, 都係pack埋一袋咁, 通常都係數下件數齊就算架啦, 返屋企仲要切架嘛, 點check吖! 痴線!

又話隻星矢疍隻膠疍殼唔係咁既色! 呢嗰係事實, 因原先我一拆開個膠袋時隻蛋殼已經爛左…….咁驚唔見嘛咪用第隻疍殼裝住攞去換囉! 佢又捉住呢個point, 認定係我整唔見晒啲parts, 唔肯換俾我!

大家下次去幫襯時請小心啲! 買damage貨又唔肯換! 我唔會再幫親呢間咁既野勒! 各位靚媽小心!


大宅

積分: 3716


發表於 06-5-16 17:28 |顯示全部帖子

Re: 灣仔太x街鴻x模型扭疍

唉~點解你發現第三隻蛋有問題時,
唔即時拆埋其餘兩隻呢??
可能係咁就覺得有問題唔換比你.
所以下次買完返屋企即刻CHECK
有冇問題. 再唔係, 係佢門口拆,
CHECK到有問題就即刻換.
日日唔知忙d乜~ 唔開心就唔好諗~ 別在最失望時 想最壞的事(新鴻基郭炳江講o架) 世事無窮做到老時學到老 人生有幾得寬懷處且寬懷


大宅

積分: 1704


發表於 06-5-16 17:53 |顯示全部帖子

Re: 灣仔太x街鴻x模型扭疍

呢間鋪一向都好亂!
係呢類鋪頭買嘢,真係要立刻CHECK 下先!
我有兩個女 大女Vanessa好生性 細女Venus好生肉


大宅

積分: 1541


發表於 06-5-16 18:44 |顯示全部帖子

Re: 灣仔太x街鴻x模型扭疍

呢間鋪出晒名衰格,尤其個女人.
N月前細佬想買黃金戰士,鴻x攞版權出得佢有得賣,咁買一盒合金看清楚好平常,隻手都冇掂落去,
個女人即說:「肥仔,看咁來,有冇錢買架,冇錢行開D!」
我細佬說:「嘜冇錢(攞張金牛出來,佢本來真係想買),但突然冇興趣買!」
個女人話唔好意思,我細佬話楚你都儍.
非常討厭,賣的東西係嗰條街幾間玩具鋪中最貴,而且服務態度勁差,不可一世!
meowross,
你行去188買嘛,係貴D,但唔駛受氣兼有得check件.
還有咁遲先買實抄價.
7月出第三輯,好正呀!今次唔好咁遲買.
http://www.funnyvalley.com/
(揾06年7月份Bandai 扭蛋)


男爵府

積分: 7032

2019勳章


發表於 06-5-17 10:09 |顯示全部帖子

Re: 灣仔太x街鴻x模型扭疍

bbpig138, 您講得啱, 但真係諗到無諗過囉! 之前不嬲都幫襯開佢對面d鋪頭, 有咩問題事無大小都包搵嘛, 我天真囉! 係遲左買呢套扭疍先幫襯佢, 點知就衰左!

raccoon_dog,
就係嗰個女人勒, 佢d說話好難聽吖, 使唔使呀!
係咩, 188 都有咩? 有無相熟鋪頭介紹? 謝謝您介紹左個咁正既網業吖!


大宅

積分: 3716


發表於 06-5-17 11:23 |顯示全部帖子

Re: 灣仔太x街鴻x模型扭疍

淘大都有玩具舖賣扭疍,普通hello kitty 等比成套平1蚊.
例如 10蚊隻蛋, 一套6隻, 佢地賣 59蚊.

當炒o既就會貴d. 但新款就會平d.
日日唔知忙d乜~ 唔開心就唔好諗~ 別在最失望時 想最壞的事(新鴻基郭炳江講o架) 世事無窮做到老時學到老 人生有幾得寬懷處且寬懷


男爵府

積分: 7032

2019勳章


發表於 06-5-17 11:44 |顯示全部帖子

Re: 灣仔太x街鴻x模型扭疍

bbpig138, 都好so 喎, 套裝通常貴d嘛, 佢地又會平d既?! 淘大邊樹?


大宅

積分: 3716


發表於 06-5-17 11:56 |顯示全部帖子

Re: 灣仔太x街鴻x模型扭疍

meowross

淘大商埸最高個層.
(地下萬寧附近有條電梯,直上兩層就見到一間大間玩具舖)

另外創業徑入面都有幾間玩具舖, 因為平租,
可能冇咁貴. 有時間去睇睇.

日日唔知忙d乜~ 唔開心就唔好諗~ 別在最失望時 想最壞的事(新鴻基郭炳江講o架) 世事無窮做到老時學到老 人生有幾得寬懷處且寬懷


大宅

積分: 1541


發表於 06-5-17 12:00 |顯示全部帖子

Re: 灣仔太x街鴻x模型扭疍

鴻x係玩具店出名黑店,還有單呢!
有次有個男仔(約二十幾歲)同個女人糟,唔知話佢偷嘢定碰跌嘢,要個男仔二十倍買返,個男仔唔肯話要報警,鴻x的其中一男店員阻止個男仔報警,而個女人就打電話叫幾個大漢出嚟!之後唔敢睇閃開.
meowross,
好彩你冇同佢糟.間店D人唔止說話難聽還很黑.
188有架,冇嘜相熟鋪頭介紹,玩x一番(唔知有冇寫錯字),呢間幾好.
嗰個網站的鋪頭遊x谷都唔錯架,種類多,價錢適中(好少抄)但搬了唔知去邊,只知信和有分店.


男爵府

積分: 7032

2019勳章


發表於 06-5-17 12:36 |顯示全部帖子

Re: 灣仔太x街鴻x模型扭疍

raccoon_dog, 唔係嘛, 叫埋標型大漢, 唔怪之得叫鴻x啦, 嗰名都似...........

哦, 信和有鋪........都方便吖, 咁可否online訂呀??

bbpig138, thanks, 又想請問創業里係邊?


伯爵府

積分: 18322

2019勳章 好媽媽勳章


發表於 06-5-17 12:59 |顯示全部帖子

Re: 灣仔太x街鴻x模型扭疍


大宅

積分: 3716


發表於 06-5-17 13:21 |顯示全部帖子

Re: 灣仔太x街鴻x模型扭疍

meowross

同埋一層, 好易搵.


日日唔知忙d乜~ 唔開心就唔好諗~ 別在最失望時 想最壞的事(新鴻基郭炳江講o架) 世事無窮做到老時學到老 人生有幾得寬懷處且寬懷


男爵府

積分: 7032

2019勳章


發表於 06-5-17 14:30 |顯示全部帖子

Re: 灣仔太x街鴻x模型扭疍


男爵府

積分: 7032

2019勳章


發表於 06-5-17 14:30 |顯示全部帖子

Re: 灣仔太x街鴻x模型扭疍


男爵府

積分: 7032

2019勳章


發表於 06-5-17 14:32 |顯示全部帖子

Re: 灣仔太x街鴻x模型扭疍


男爵府

積分: 7032

2019勳章


發表於 06-5-17 14:34 |顯示全部帖子

Re: 灣仔太x街鴻x模型扭疍

Thanks bbpig138


別墅

積分: 970


發表於 06-5-17 15:22 |顯示全部帖子

Re: 灣仔太x街鴻x模型扭疍

我都試過:

我男友去買左套食玩比我,第三四日左右送,我拆開時發現無左一件(支洗潔精),透明膠袋中的果格係封埋而空左的,我地拿番去換,佢話唔關佢地事唔換,但我地一件都無拆過完全無開過,咁都唔關事?? 佢地點都唔肯,吹佢唔漲,以後唔幫襯!
成長的代價,就是家人一個一個地離我而去嗎? 長大,正是越來越多的痛苦與孤寂. 他們的離開叫我心痛... 我永遠記得,他們給我的就是一生中最好的東西。

首頁
1

尾頁

跳至