跳至

首頁
1

尾頁
   0


複式洋房

積分: 439


發表於 06-5-19 10:02 |顯示全部帖子

請問有冇10月BB已經去過游水?

有冇mami已經帶過bb去游水呀, 去游池or去海灘呀, 我好想聽日試吓同仔仔去游水呀, 但又担心佢太細會冷親佢


大宅

積分: 1070


發表於 06-5-19 10:53 |顯示全部帖子

Re: 請問有冇10月BB已經去過游水?

都唔會啦, 天氣好熱呀,
只要上水之後馬上同佢著返件袍仔包住應該無事既.
星期日已經約左姨媽同舅父去游水.
第一次落水, 好緊張呀~~~~~




複式洋房

積分: 439


發表於 06-5-19 11:17 |顯示全部帖子

Re: 請問有冇10月BB已經去過游水?

beeeee,

有你鼓勵我可以安心同阿B去swim swim喇, 好緊張、好興奮呀
該用戶已被刪除

發表於 06-5-19 12:42 |顯示全部帖子

Re: 請問有冇10月BB已經去過游水?

提示: 作者被禁止或刪除 內容自動屏蔽


男爵府

積分: 5682


發表於 06-5-19 14:53 |顯示全部帖子

Re: 請問有冇10月BB已經去過游水?

我都好想同仔仔去游水!但我自已都唔識游水! :cry:


複式洋房

積分: 439


發表於 06-5-19 15:23 |顯示全部帖子

Re: 請問有冇10月BB已經去過游水?

mo仔,

雖然我識游水, 但我覺得都唔駛要自己識游水先可以同bb游架, 反正到時要顧住個b自己都唔會有得游架啦, 只要唔好去深水區自己掂到地咪ok囉, 試吓啦!


大宅

積分: 1040


發表於 06-5-19 17:03 |顯示全部帖子

Re: 請問有冇10月BB已經去過游水?

我都想同仔仔去游水, 但搵唔到80碼既泳袟仔.


複式洋房

積分: 135


發表於 06-5-19 17:24 |顯示全部帖子

Re: 請問有冇10月BB已經去過游水?

小女海晴巳經去過一次海灘, 二次泳池, 仲好開心添.


大宅

積分: 1283


發表於 06-5-19 17:36 |顯示全部帖子

Re: 請問有冇10月BB已經去過游水?

我已經帶左囡囡去沙灘, 係上兩個星期日(7/5)去, 果日天氣好熱, 我地10點幾就渣車去到石澳, 嘩...多人到 :tongue: 嘔牙, 好彩有個叔叔, 見我地有4個小朋友, 佢就讓左個車位畀我地泊車, 如果唔係, 都唔知要等幾耐先霸到錶位泊車, 當時望到沙灘個溫度告示版, 當日氣溫 30 度, 不過落到水, 都唔算熱, 大人都覺得有 d 涼.
落到沙灘第一時間緊係搵個靚位, 然後去換泳衣, 有幾個似係原居民的婆婆走過黎, 問我地要唔要太陽傘, 其實我地已經自攜左一把, 但見咁多小朋友, 都幫襯佢租左一把傘同兩張沙灘椅.
幫亞囡換好新泳衣, 咪抱佢出去玩囉. 一抱佢出去, 仲好開心響沙灘邊踢踢水, 仲不停笑, 點知......一個浪"縫"一聲湧埋黎, d 水花濺到亞囡塊面, 佢就大 :-( :-( :-( 喇! 唉...嚇鬼死佢牙, 我即刻抱起佢囉, 佢立即用雙手箍住我條勁, 一路嗚嗚聲咁叫, 之後再放佢落地都唔肯.
原先已經買定隻艇仔畀佢坐響上面, 但因為嚇驚左, 唔肯坐. 之後我抱住佢慢慢行入水中, 可能因為水溫凍的關係, 佢又"練"實我條勁, 又嗚嗚聲咁叫. 唉...唯有抱佢上番沙灘坐, 可能因為又


大宅

積分: 1283


發表於 06-5-19 17:47 |顯示全部帖子

Re: 請問有冇10月BB已經去過游水?

你有無去專賣迪士尼果間叫"童話王國"牙, 我都係響果度買到件米妮 80 碼的泳衣畀囡囡, 雖然d 泳衣戚上一季款式, 但個個見到都讚靚架, 我買果時做緊半價, 你有時間可以去碌碌.
該用戶已被刪除

發表於 06-5-19 18:04 |顯示全部帖子

Re: 請問有冇10月BB已經去過游水?

提示: 作者被禁止或刪除 內容自動屏蔽


大宅

積分: 1040


發表於 06-5-20 13:06 |顯示全部帖子

Re: 請問有冇10月BB已經去過游水?

今日去左"童話王國" 只有女仔泳衣有80, 男仔冇晒啦.


大宅

積分: 1283


發表於 06-5-20 21:02 |顯示全部帖子

Re: 請問有冇10月BB已經去過游水?

E&J 寫道:
多謝哂你既回應, 睇到都覺得自已同bb已身在沙灘玩緊 ^^ 好開心. o甘你同bb第一次落完水後返上黎係咪立即幫佢換乾衫o架?定話玩完沖o左身至換~

其實果日天氣都好熱, 因為睇我個背脊就知(好似燒焦左咁) :tongue: , 所以都唔需要上水就立即冚毛巾, 我係同亞囡沖完身後, 就即刻用條好大既毛巾好似包腸粉咁包住佢, 之後先至同佢換番乾淨衫.
順帶一提, 如果帶BB去沙灘, 最好帶定一兩條細既方巾仔, 方便幫BB隨時抹面仔或手仔.


大宅

積分: 1283


發表於 06-5-20 21:14 |顯示全部帖子

Re: 請問有冇10月BB已經去過游水?

如果你地出開荃灣, 可以去荃灣廣場睇睇, 佢有一層(好似係6樓)係賣BB 名牌衫架, 好似都係叫童話王國, 我見果度都有好多BB 冰衣賣, 上次行過, CHICKEE DUCK 泳衣都係$4X-$5X, 不過唔係咁齊碼, 除左泳衣外, 仲有好多平既衫仔賣, 上去包有驚喜.

上次我去果度, 喺CHICKEE DUCK 買左3條褲仔, 一件長袖薄外套, 同埋一件衫, 都係$27X, 雖然賣既係舊款, 但款式一D都唔差架, 而且碼數都幾齊, 最衰之前響 HIPO 買左好多衫, 如果唔係, 一定買多幾件.


複式洋房

積分: 439


發表於 06-5-22 11:22 |顯示全部帖子

Re: 請問有冇10月BB已經去過游水?

nonno123 寫道:
我都想同仔仔去游水, 但搵唔到80碼既泳袟仔.


响鑽石山荷里活廣場嘅Chickee Duck有男仔泳衣&泳褲賣, 係過季款式 $4X 至 $5X, 我都買咗件泳衣比阿仔, 好似係80碼, 就係大頭相內阿仔著住嗰件囉


禁止訪問

積分: 786

醒目開學勳章


發表於 06-5-23 13:04 |顯示全部帖子

Re: 請問有冇10月BB已經去過游水?

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


大宅

積分: 1167


發表於 06-5-24 19:22 |顯示全部帖子

Re: 請問有冇10月BB已經去過游水?

我未試過帶bb去游水,只係帶過佢去沙灘玩沙同捉住佢去試0下感受0的海水0既感覺…
我冇同佢用防曬呀,不過我每次同佢去沙灘都係玩15分鐘左右…


大宅

積分: 1056


發表於 06-5-29 10:32 |顯示全部帖子

Re: 請問有冇10月BB已經去過游水?

請問'童話王國'在那兒? 荃灣有冇?


首頁
1

尾頁

跳至