吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 同老公分居了

單親天地今日: 0|主題: 18351

收藏本版

發帖

返回列表

跳至頁

查看: 869 | 回覆: 9

同老公分居了 [複製鏈接]

JasmineCheung

大宅

積分: 1683

1^#

發表於 12-11-28 18:06 |只看該作者 |倒序瀏覽 |打印

同老公分居了,,我老公都其實好好,好老實,又孝順,我問佢今個月有幾多錢人工又會同我講,脾氣好,好多野都無咩意見,多數我話事,放工就返家,唔會去邊去邊(因為係香港無咩朋友)
可惜,我都係要提出離婚,原因係我覺得佢對我好似漠不關心,我唔舒服,佢都無話問你點點點,一個月又無行埋一次,我次次發脾氣,佢又唔會問我發生咩事,現在仲衰,我黑面佢又黑面.最大問題係佢難得一星期放一日(星期一),佢星期日晚放工以經同佢女過佢媽屋企住,星期一晚先返來,個個星期都係,佢話佢媽掛住阿b,唉,借口,因為我地依家係同我媽住,所以肯定係想返佢自己媽身邊啦,講真,我地d女人未嫁前咪一樣俾媽捧到上天..係屋企咩都唔使做, 但嫁左老公就要同佢屋企人住,咪一樣要學做家務,煮菜,仲要睇人地面色,做女就我地俾面色阿媽睇,做人新抱就要睇人面色,係人地屋企又唔似係自己屋企咁自由,難道我地又要搬返媽屋企咩,所以我覺得佢好無用..!!
還有,其實我地係佢媽屋企住成日發生好多唔開心的事,就係我同佢老豆,佢老豆成日要理我做d野,煮d菜唔岩佢食,又俾面色你睇,或者係成家人面前撈豉油,嘩,我咩感受啊,又成日話我唔叫我老公的細佬做""叔仔""叫佢地個名,但我大過佢地,我覺得無咩問題,你思想古老係你ge事,人地d叔仔都無話介意!!仲有,佢地全家人計埋我有8個大人,加我一個女,總數9個人,買送煮飯,洗碗,煮早餐,晾衫,我一個人做晒,做要臭個女呢,本來仲有個嬸仔可以做的,但佢大住肚,我唔使佢做,因為我大肚個時,屋企d野佢做多,我剩係幫下佢手,因為佢身體差,所以佢大肚我直頭唔使佢做,但有一日,佢地食完晒飯,我食最後,我諗住抖下先洗碗,睇下電視,點知佢老豆就好嬲咁出來,關左部電視,因為當時得我一個係道睇電視,所以我知佢又係針對我,我就去開返,佢又去息,我當時好嬲,但我無出聲,我走入room唔洗碗,到第二日,本來我要起身煮早餐同晾衫我無起到,點知我去小便,發覺佢老豆起身晾晒d衫,剩係晾剩我個d,唉,佢又報復,都唔係第一次(我岩嫁去佢地道時同佢都幾好,但有一次,我個段時間返工返到好累.直踩16個鍾,相隔一日就踩,個日我可以放早,放2點幾,返到去好想訓,就修左自己d衫就洗澡訓,無修佢地個d,第二日,我如常叫佢""老爺""佢無睬,修工返來驚見只有我d衫未修,個個都修晒,我無為意,點知第二第三日,都係咁.自始後..我就無再叫佢,但佢又話我唔尊重佢,唉,剩係你先要人尊重咩,我地後生就唔使人尊重咩)
我同佢老豆嘈過好多次..佢第一就話打我,想用手,第二次,佢就出搥,但次次我老公都剩係企係道睇,無幫手又唔會話佢老豆,剩係同我講佢係咁嫁啦..!!我叫佢搬,佢又話一起住慳好多,我話佢今次出搥,下次就會出刀,佢唔信,結果真係俾我估中,我一直都對佢好失望,我俾佢老豆咁蝦,我出聲為自己拿公道,我有錯嗎??正常應該係做老公果個出聲,但佢一次都無幫我,我同佢老豆嘈過好多次,所以佢屋企人個個都好唔鍾意我,我有錯咩??我剩係想保護我自己,郁手果個係佢老豆先,點解我受左委屈佢地都唔可憐我,反而覺得係我錯,係我唔尊重老人家,我覺得老人家唔係咁樣來尊重嫁,搭車我唔識個d老人家,但我會主動俾位佢地坐,我唔識尊重老人家咩,係我剛嫁佢個時,我見佢同老豆同佢d仔感情唔好,無人同佢傾計,所以我成日會同佢傾計,同老公出街回來前我都叫老公打電話問佢老豆要唔要食d咩,我地買返來俾佢.,但我老公唔打,我都叫到佢打,佢老豆生日或有節日,我會叫老公俾500蚊佢老豆,我唔尊重老人家咩,??平時同佢老豆嘈完,一段時間無事了.我會叫返佢,但不久佢又睇你唔順眼,搞d野出來,然後我又無再叫佢.........!!
我唔清楚,我唔想俾人蝦所以會同佢老豆對著幹有無唔岩,請大家講我知,我有邊道唔岩,我個人覺得,老人家係要尊重,但唔係話你係老人家就大晒,可以唔理我地d後生感受,如果唔出聲咁樣等於助長歪風,唔通我第時又可以侍住自己老,就去為難個新抱?? 對於我個老公我以經心死,唔係佢唔好,,佢絕對好好,佢做老細,雖然話唔係有好多錢個d,但起碼我可以閒時shopping 閒時飲茶,..同佢一起經濟好好,現在我先同佢分居左一個月,我就知道我以後都唔可以咁大使,鍾意食咩就食咩,反而變左貧窮人士,但我無後悔,因為我覺得我同佢一起唔係為佢d錢,我係想有幸福生活..即使佢無錢,但佢對我好好,好關心我,我都唔會離開佢,請問各位,我咁樣做有無錯???

0 0 0

私人傳訊

vivianchu1025

大宅

積分: 1291

2^#

發表於 12-11-28 21:46 |只看該作者

引用：同老公分居了,,我老公都其實好好,好老實,又

原帖由 JasmineCheung 於 12-11-28 發表
同老公分居了,,我老公都其實好好,好老實,又孝順,我問佢今個月有幾多錢人工又會同我講,脾氣好,好多野都無咩 ...

我覺得你無錯，仲好勇敢，我老公對我唔好又唔理我，但我都無勇氣去離開佢，不過如果仲有彎轉就唔好咁快放棄。我覺得我自己未去到最後我都唔會放棄，因為無人想一個家庭搞成咁，所以我一直會俾心理準備自己隨時得番自己一個，另一方面都會繼續努力去維持。如果唔愛佢點會同佢結婚，為佢生bb?諗下當初大家開心ge日子，而家只係發生左一件小事，應該同老公一齊去解決，人生一定有數之不盡不如意ge事，我唔清楚成件事ge嚴重性對你黎講係咪真係反唔到轉頭，但一定無人想你個家庭搞成咁，平心靜氣諗清楚，始終旁觀者未必清楚所有內情，我都知你好難受，我同你發生ge事差唔多，不過我仲好努力去面對，等待緊有一日會改變，你都加油！

私人傳訊

JasmineCheung

大宅

積分: 1683

3^#

發表於 12-11-28 21:57 |只看該作者

vivianchu1025 發表於 12-11-28 21:46
我覺得你無錯，仲好勇敢，我老公對我唔好又唔理我，但我都無勇氣去離開佢，不過如果仲有彎轉就唔好咁快放棄 ...

多謝你,我為人小氣點,無你咁大方,我覺得我放佢係第一位,佢都應該放我第一位,我好介意我付出多過佢...

私人傳訊

wai0824

侯爵府

積分: 20172

父親節2025勳章母親節2025勳章 2025勳章蛇年勳章 2024年龍年勳章牛年勳章 2018母親節勳章 2018復活節勳章瞓得好勳章食得好勳章開心吸收勳章大廚勳章爸B勳章 BK Milk勳章

4^#

發表於 12-11-28 23:03 |只看該作者

回覆 JasmineCheung 的帖子

其實2公婆無話計邊個付出多D既,1個家庭係要大家互相遷就下,你既諗
法唔代表佢既諗法架嘛,其實你有無同老公好好咁傾下個問題呀,你地分
居左1個月人佢有無搵你??亞女而家係跟你??不過你老爺都真係過份左,
好好地同老公傾下啦,我覺得咁樣就放棄好可惜,加油~

私人傳訊

JasmineCheung

大宅

積分: 1683

5^#

發表於 12-11-28 23:13 |只看該作者

wai0824 發表於 12-11-28 23:03
回覆 JasmineCheung 的帖子

其實2公婆無話計邊個付出多D既,1個家庭係要大家互相遷就下,你既諗

佢伙搵過我..係星期日來接個女先見面..夜晚都無再打來,...同埋係呢個星期一咁岩阿女要面試,佢話同埋我地一起去..咁先見得奈d..面試完佢話去飲茶..飲茶個時係佢主動同我講野先..佢講佢細佬個仔點點點..唉..我心諗..你不如認左細佬個仔做仔好過啦...唔使要個女啦...我無咩同佢傾..問佢拿錢..話今個月唔使大左..係問我媽借架..叫佢俾多一千蚊來..佢話少左個人仲使得多錢左???唉..我即時無野講..因為以家轉冷了.都要幫個女買衫架....而且個段時間我同個女都睇左幾次醫生,不過我無講..同佢講等於癈話..我好少氣,我覺得人對7好..我會相倍奉還.人地對7唔好..我都唔會對佢好...老公都係咁話